Lukahtar 14
14
Sastaripe jekhe manušehko subotone, pe savehte sah pajano nasvalipe. Trubuj te aveh paćamno spram e maj barende thaj te ćereh lačhipe. Paramiči e bare jraćaće h̄amahtar. O odričipe korkor̄e pehtar.
1Gova sah jekhe djivesehko, subotaha, kana reslo vov ando ćher jekhe rašajengje šorutnehko te h̄al marno, a von savor̄e por̄ade pe jakha an lehte.
2Thaj, dikh, angla lehte ačhilah varesavo manuš pe savehte sah o thulo bundalo nasvalipe.
3Thaj dindo vorba o Isuso mothodah e zakonikongje thaj e lilvarnengje: Da li tromajvol te sastarel pe subotaha?
4A von ćhinde pi vorba thaj niči phende niso. Thaj vov astardinaljah pala e nasvalehte, sastardah le thaj muklah le te džal tar pehće.
5Thaj phendah lengje dindo vorba: Te perela tume o gjoro, o magarco, ili o guruv subotaha ando paj, ando h̄ajing, savo tumendar niči ikalela le gole djivesehko?
6Thaj našti dije lehće vorba pe gova khanči.
7A kana dikhlah vov kaj gola kaj aven, len e maj lačhe thana te bešen, vov mothodah lengje gaja paramiči.
8Kana akharel tu vareko po abijav, na beš maj angle, kaj šaj avela khajekh maj phureder tutar.
9Thaj šaj avel gova ćherutno paša savehte sen liduj, thaj šaj phenela tuće: Anta ćo than galehte, a tu kam palal crdinajvo ladžardo pe jekh telutno than.
10Pala gova kana varko del tu muj, kana vareko thol tu muj, a tu av thaj beš pe paluno than a kana avela gova ćherut no savo akhardah tu, vov kam phenel tuće: Amaleja, miškosajvo maj angle! Gadija kam avel tu paćavipe paša golende save bešen tuha pala e paćivako h̄ape.
11Kaj saijekh gova savo vazdinajvol, avela muklino tele, a gova savo inćardol tele, avela vazdino upre.
12A golehće savo andah len pehte, phendah: Kana deh h̄ape pe topaš o djive ili pe jrat, na te aneh e amalen ćiren, ni će phralen, ni će kaćen, ni e barvale perutnen, te na i von akharena tu thaj te na irin ćuće palpale e paćiv.
13Kana ćereh tu abijav, ćide e čor̄en, e bangjen, e langalen thaj e kor̄en.
14Ćo odji kam pherdol kaj von našti tuće irisaren godova. A gova ćiro amalipe kam iri pe tuće palpale gole djivesende kana uštena e mule.
15A kana gova ašundah jekh dženo maškar golende save h̄ale leha, phendah lehće: Bah̄talo si gova savo h̄al marno ande Devlehko thagaripe.
16A vov phendah lehće: Varesavo manuš lačhardah baro h̄ape thaj andah pehće bute dženen.
17Thaj kana trubusardah e jraćaha te h̄al pe, bičhaldah vov pire bućarne te mothovel e gostonengje: Aven, e paćiv si lačhardi, gata, ćerdini.
18A svako lendar lijah te del vorba kaj našti avel. Jekh phendah lehće: Ćindem jekh umal thaj trubuj te džav te dikhav la. Na h̄oljavo, muk ma te džav okoring.
19A jekh aver mothodah lehće: Lijem pandže džuten guruven thaj džav te dikhav len, rugi ma muk ma.
20A o trito dijah vorba: Andem mae r̄omnja thaj našti avav.
21Thaj irisaljah o bućarno thaj phendah sa gova e barvalehće pirehće. A o ćherutno h̄oljaljah thaj mothodah pe kandinehće: Sigar thaj ikli pe dromor̄a thaj pe forohće droma thaj an akaringate e čor̄en, e bangjen, e langalen thaj e kor̄en.
22A o bućarno phendah lehće: Barvaleja, ćerdem sar phendan mae, a thana si još.
23A o barvalo mothodah e slugahće: Inkli pe droma thaj maškar e bara thaj trade len te aven mande te pherdinajvol o ćher.
24Mothovav tume: Nijekh katar gola save andem, niči h̄ala mo h̄ape e jraćako. Kaj but džene si akharde, but si dine muj, a cîr̄a si losardine, alome, odaberime lendar.
25Leha džana but manuša, a vov boldinaljah thaj phendah lengje:
26Te avela khaj dženo mande savo mandar maj but volsarel pire dade, pire da, pire r̄omnja, pire čhavor̄en, pire phralen, pire phejen, pa vi piro odji, gasavo manuš našti avel mrno amal.
27Thaj gova savo niči igjarel o trušul, o krsto, thaj savo pala mande niči džal, gasavo našti avel mrno amal.
28Te kamela maškar tumende vareko te ćerel baro ćher, vov trubuj maj anglal te bešel te dikhel thaj te gjinel gaći kam ačhel le love te ćerel pe o ćher.
29Kaj kana lela te ćerel bući thaj kana našti ćerela sa, savor̄e save god dikhena, asana lehće, prasavena le.
30Dindo vorba: Gav manuš lijah te ćerel o ćher, a našti ćerdah le sa.
31Kana jekh thagar kamel te iklel te marel pe khajekhe avre šorutneha, vov maj anglal bešela te del vorba pire amalenca te turvinji pe, thaj te dikhel da li šaj vov pire deše miljenca čalavel pe gova savo avel biše miljenca.
32A te niči tromala pe lehte te del, vov kam bičhalel e manušen te ćhinadon, te ćeren pe goleha e šorutneha savo dural avel thaj savo n či vadžaj pašilah.
33Gadija saijekh tumendar savo niči mukela sa gova so si le, našti avel mrno amal.
34O lon si lačho, a kana h̄asarel po londipe, sar šaj haćarel pe.
35Gasavo lon naj hasili, naj lačho ni pala e phuv ni pala e gošnja. o gunoj, thaj čhordinajvol avri. Gova savehte si kan nek ašunel gava.
Currently Selected:
Lukahtar 14: GURB1938
Highlight
Share
Copy
Want to have your highlights saved across all your devices? Sign up or sign in
Englezongo thaj avere Themengo Biblijako Amalipe 1938.
