Luka Ukwanda
Ukwanda
Amazyu Amiza agha Yesu Kilisitu ghagho ghasimbiwe nu Luka ghakulanjizya ukuti u Yesu we Kilisitu. Akasaliwa nu Chala ukuti abanje Mupoki uwa ba Izilayeli, sona nuwa bantu bosi kosi na kosi. U Luka akunena ukuti u Yesu akitiziwa nu Muzimu uwa Mwene “Pakulumbilila Amazyu Amiza pakasi pabantu abapina.” Amazyu Amiza ghakulanjizya ukuti u Chala akubapa abantu ivyakulondiwa vyabo ivyakulekanalekana. Amazyu Amiza aghakunena nizya buhobosu ghope ghapamwanya nkani mwibuku ilya Luka nkaninkani kumitu iya bwandilo yiyo yikufumusya nizya kwiza ukwa Yesu, sona ni mitu iyabumalilo, bo u Yesu akusendiwa pakubuka kumwanya. Ipangwi lilyo likunena nizya kukula nukusata ukwa lwitiko ulwa Chikilisitu, bo u Yesu asendiwa pakubuka kumwanya, likuneniwa sona nu musimbi uyu mwibuku ilya Mbombo izya Batumiwa.
Vilipo ivigaba vibili (imitu 1-2 sona 9-19) vivyo vili ni vintu ivyinji vivyo vikwaghiwa mu Mazyu Amiza agha. Amapangwi ghala gho agha: Inyimbo izya bantumi aba kumwanya nu bulendo ubwa badimi pakumwennya u Yesu bo apapiwa, u Yesu mu Nyumba iya Chala bo mulumendo, sona ni chili icha Musamaliya umwiza ni icha mulumendo uwakusobela. Mwibuku lyosi likudidimizya nkani pa nyiputo, u Muzimu Umuzelu, ubwavwilizi ubwa bakolo pambombo iya Yesu, sona nukuti u Chala akubahobokela abantu imbibi zyabo.
Ivyamukasi
Ukwanda 1.1-4
Ukupapiwa nubwana ubwa Yohani Uwalozyo, sona nubwa Yesu 1.5—2.52
Imbombo iya Yohani Uwalozyo 3.1-20
Ulozyo nukuyeliwa ukwa Yesu 3.21—4.13
Imbombo iya Yesu pabuzelu muchigaba icha Galileya 4.14—9.50
Ukufuma mu Galileya mupaka mu Yelusalemu 9.51—19.27
Usabata uwabumalilo mukasi na kupipi nu Yelusalemu 19.28—23.56
Ukuzyuka kubufwe nukubonekela sona nukukwela kumwanya kwa Mwene 24.1-53
Currently Selected:
Luka Ukwanda: LMBNT2016
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya