Maliko 16

Ukuzyuka kubufwe kwa Yesu

(Mat. 28.1-8; Luk. 24.1-12; Yoh. 20.1-10)

1Bo lyachila Isiku Ilyakutuzya, u Malya Magadalena, nu Maliya unyina uwa Yakobo, nu Salome bakaghula amafuta aghakununkila ukuti babukaye pakughupakazya umuvimba uwa Yesu. 2Pandabindabi nkani pisiku ilyakwanda mwa sabata, bo izuba lyafuma, bakabuka kwipumpa. 3Bo bakwenda muzila bakalaluzannyanga bakatinji, “Nkimba we wenu akwiza pakutubunguluzizya ibwe ukulyefya pamulyango wipumpa?” 4Ibwe lila likaba likulu nkani. Loli bo bennya, bakagha ibwe libunguluziwe kale pamulyango pala. 5Bo binjila mwipumpa, bakennya umulumendo, yuyo akavwala inkazo iswepu ikaye kunyobe indilo, po bakachenuka nkani.

6Umulumendo yula akababuzya akati, “Mutakachenukaye. Inzimenye ukuti mukumulonda u Yesu uwa mu Nazaleti, yuyo akakomeliwa pachipinjika. Atalimo muno, azyukite! Ennya, ubuzilo bubo bakamughonekapo bo ubu. 7#Mat. 26.32; Mlko. 14.28Losi ulu bukagha mubabuzye abamanyili bache, nkani-nkani u Pitala muti, ‘U Yesu alongolela ku Galileya. Kulakula mukwiza pakumwennya ukuyana na mumo akababuzizya.’ ”

8Bakachenuka nukutetema, bakafuma mwipumpa nukuchimbila. Batakamubuzyapo nu muntu yumo papo bakanyilagha.

Ubumalilo ubukali ubwa Mazyu Amiza #16.8 Amasimbo ghamo aghakale ghate nu bumalilo bunubu ubwa Mazyu Amiza (amavesi agha 9-20).

16.9-20

U Yesu akumubonekela u Malya Magadalena

(Mat. 28.9-10; Yoh. 20.11-18)

[9Bo u Yesu azyuka pandabindabi pisiku ilinji bo lyachila Isiku Ilyakutuzya, akamubonekela tasi u Maliya Magadalena, yuyo mumwache akefyamo imizimu imibibi seveni. 10U Maliya akabuka pakubabuzya babo bakamukonkagha u Yesu. Bakaba ni chitima nukulila. 11Bo bivwa ukuti u Yesu mumi nukuti u Maliya amwenizye, batakasubila zizyo u Maliya akanenagha.

U Yesu akubabonekela abamanyili babili

(Luk. 24.13-35)

12Pisinda pache u Yesu akababonekela uyunji bulo abamanyili babili, babo bakaba pa bulendo bwabo ubwakubuka mukaya. 13Bakanyokela nukubabuzya abamwabo, loli batakabasubila.

U Yesu akubabonekela abamanyili 11

(Mat. 28.16-20; Luk. 24.36-49; Yoh. 20.19-23; Imbo. 1.6-8)

14Pabumalilo, u Yesu akababonekela abamanyili 11 bo bali pakulya. Akabachemela pakuti batakaba nu lwitiko, sona bakaba bakafu nkani amoyo pakubasubila babo bakamwennya ukuti mumi. 15#Imbo. 1.8Akababuzya akati, “Bukagha muchisu chosi ichapasi nukulumbilila Amazyu Amiza pakasi pa bantu bosi. 16Umuntu wesi yuyo akusubila nukoziwa akwiza pakupokiwa; sona umuntu wesi yuyo atakusubila akwiza pakufundiwa. 17Abantu babo bakunsubila bakwiza pakupeghiwa amaka aghakupelela ivyika. Bakwiza pakwefya imizimu imibibi pakubombezya itabwa lyane nukunenela muneno injeni. 18Nanti balema injoka pamo bang'wela chimo chicho chikughogha, bate bakavulale. Bakwiza pakubika inyobe zyabo pa babine, po bakwiza pakupola.”

U Yesu akusendiwa pakubuka kumwanya

(Luk. 24.50-53; Imbo. 1.9-11)

19 # Imbo. 1.9-11 Bo u Mwene u Yesu amala pakunena nabo, akasendiwa pakubuka kumwanya nukwikala kunyobe indilo iya Chala. 20Abamanyili bakabuka nukulumbilila posi na posi. U Mwene akabombagha nabo nukusimikizya ukuti ubulumbilili bwabo bwanaloli, chifukwa icha vyika vivyo bakabombagha.]

Ubumalilo ubunji ubukali ubwa Mazyu Amiza

16.9-10

[9Abakolo bakabuka kwa Pitala na ku bamanyani bache nukubapangila mubupimpa ivintu vyosi vivyo bakabuziwa. 10Pisinda pazinizi, u Yesu umwenecho akafumusya amazyu agha bupoki ubwa bwila na bwila, amapaghuliwa, sona na gha bwila na bwila ukufuma kubufumilo mupaka kubwinjililo ubwizuba ukwendela mu bamanyili bache.]

Currently Selected:

Maliko 16: LMBNT2016

Highlight

Copy