Yohani 10

Ichili icha mudimi uwa ng'ozi

1U Yesu akati, “Naloli inkubabuzya ukuti umuntu wesi yuyo atakwendela pamulyango uwa chibagha icha ng'ozi, loli akupankula palubazu, yunuyu mwiba, sona livyondongo. 2Loli umuntu yuyo akwinjila pamulyango, yunuyu we mudimi uwa ng'ozi zila. 3Umulindilili akumwighulila umulyango uwa chibagha chila. Ing'ozi zikwivwa izyu lyache bo akuzyitizya na matabwa ghabo nukuzifumizya kuzi. 4Bo azifumya zyosi kuzi, umwene akulongolela kuntazi, izyene ing'ozi zikumukonka mwisinda pakuti zilimenye izyu lyache. 5Zitakwiza pakumukonkapo nalumolumo umuntu uyunji bulo, loli zikumuchimbila pakuti zitizubizanizye nizyu lyache.”

6U Yesu akababuzya ichili chinichi, loli abene bakapotwa pakuzyaghannya zizyo akababuzyanga.

U Yesu we Mudimi Umwiza

7U Yesu akababuzya sona akati, “Naloli inkubabuzya ukuti ane ne mulyango uwa chibagha icha ng'ozi. 8Bosi babo bakiza bo ane inchili pakwiza, biba, sona mavyondongo, loli ing'ozi zitakabivwila. 9Ane ne mulyango. Umuntu wesi yuyo akwinjilila mumwane akwiza pakupokiwa. Akwiza pakwinjila nukufuma, po akwiza pakuchagha ichakulya. 10Umwiba akwiza pakwiba, pakughogha nu kunangannya bulo. Ane nizite ukuti mubanje nubumi, ubumi ubwakufikapo.

11“Ane ne mudimi umwiza. Umudimi umwiza ipiye mwene pakubutagha ubumi bwache pachifukwa icha ng'ozi zyache. 12Umudimi uwaganyu bulo, yuyo ate mudimi, sona yuyo ing'ozi zite zyache, nanti akuyennya impumpi yikwiza, akuzileka ing'ozi nukuchimbila, po impumpi yikulemapo ing'ozi zila nukuzinyampannya. 13Umwene akuchimbila pakuti waganyu bulo, atakuzibikilako umoyo ing'ozi zila. 14#Mat. 11.27; Luk. 10.22Ane ne Mudimi umwiza. Inzimenye ing'ozi zyane, sona zyope ing'ozi zyane zimenye 15ukuyana bulo na mumo Utata amanyiye, sona nane imumenye Utata, inkubutagha ubumi bwane pachifukwa icha ng'ozi zila. 16Indi ni ng'ozi izinji zizyo zite izya muchibagha ichi. Zyope bulo imbaghiye pakuzisenda. Zikwiza pakwivwa izyu lyane, po zikwiza pakuba#10.16 zikwiza pakuba: Pamo kukwiza pakuba. mudimo ghoka nu mudimi weka.

17“Utata anganite pachifukwa chakuti niyipiye pakubutagha ubumi, umwakuti nize imbupokele sona. 18Ataliko nayumo umuntu yuyo anganfyula ubumi bwane. Loli inkubutagha ukuyana nu bwighane ubwane nu bwane. Indi nu bulaghili pakubutagha, sona indi na maka pakubusenda sona. Ichi cho chicho Utata wane akandamula ukuti imbombe.”

19Aba Yuda bakanda sona pakugabinkana benebene pachifukwa icha mazyu ghanagha. 20Abinji bakanena bakati, “Ali nu muzimu umubibi, sona apenite. Choni chicho mukumuteghelezya?”

21Loli abanji bakati, “Umuntu yuyo ali nu muzimu umubibi atanganena bunubu! Nkimba umuzimu umubibi ghungighula amaso agha bantu abafwamaso?”

Aba Yuda bakumukana u Yesu

22Mu Yelusalemu mukaba Ulusekelo ulwa Kuyisaya Inyumba iya Chala. Aka kakaba kabalilo aka lupepo. 23U Yesu akendendekagha bulo pantanda iya Nyumba iya Chala, yiyo yikwitiziwa ukuti yo Ntanda iya Solomoni. 24Aba Yuda bakamuzyungulila nukumulalusya ukuti, “Nkimba ukwiza pakwendelela pakutuswighizya mupaka liyi? Utubuzye pabuzelu nanti naloli we Kilisitu.” 25U Yesu akabamula akati, “Imbabuzizye kale loli mutakusubila. Imbombo zizyo inkubombela ubulaghili ubwa Tata wane, zyo zizyo zikunsimikizya, 26loli mutakusubila pakuti mute mwe ng'ozi zyane. 27Ing'ozi zyane zikwivwa izyu lyane, po nane inzimenye, sona zikunkonka. 28Inkuzipa ubumi ubwa bwila na bwila, sona zitakwiza pakufwapo nalumolumo. Nayumo umuntu yuyo angazifyula munyobe zyane. 29Utata yuyo ampiye ing'ozi mukulu nkani#10.29 mukulu nkani: Amasimbo ghamo aghakale ghasimbite ukuti Utata wane yuyo ampiye vyosi, mukulu nkani. ukuchila vyosi, ataliko nayumo umuntu yuyo angazifyula munyobe izya Tata wane. 30Utata nane tuli weka.”

31Po aba Yuda bakaseba sona amabwe ukuti bamusumbe nagho. 32U Yesu akababuzya akati, “Nabomba imbombo inyinji inyiza, zizyo Utata akantuma pakubomba. Nkimba mbombo yoni yiyo mukulonda pakunsumbila na mabwe?”

33 # Lev. 24.16 Abene bakamula bakati, “Tutakulonda pakukusumba na mabwe pachifukwa icha mbombo inyiza, loli pachifukwa icha kumusamula u Chala. Awe we umuntu bulo, loli ukwipela wemwene pakuba we Chala!”

34 # Mas. 82.6 U Yesu akabamula akati, “Chisimbiwe mu Ndaghilo zyinyu ukuti u Chala akati, ‘Amwe mwe bachala.’ 35Tuzimenye ukuti zizyo Amasimbo ghakuti zyanaloli bwila na bwila, sona u Chala akabita abantu bala ukuti bachala, ku bantu babo amazyu ghakaneniwangako. 36Ane, u Chala akansala nukuntuma muchisu ichapasi. Po nkimba munganena buli-buli ukuti inkumusamula u Chala bo inkanena ukuti ne Mwana uwa Chala? 37Mutakansubilaye nanti ntakuzibomba zizyo Utata wane akulonda ukuti imbombe. 38Loli nanti mutakunsubila, musubile bulo imbombo zizyo nkubomba, umwakuti mumanye ukusita ukwilamwa ukuti Utata ali mumwane, sona nane indi mwa Tata.”

39Abene bakayezya sona pakumulema u Yesu, loli akafyuntumuka munyobe zyabo.

40 # Yoh. 1.28 U Yesu akanyokela sona kwisila kwa lusoko ulwa Yolodani, kuko u Yohani Uwalozyo akozyanga pakwanda, po akikala kulakula. 41Abantu abinji bakiza kukwache nukuti, “U Yohani atakabomba nachimo ichika, loli zyosi zizyo akanena izya muntu yunuyu zikaba zyanaloli.” 42Po abantu abinji kulakula bakamusubila.

Currently Selected:

Yohani 10: LMBNT2016

Highlight

Copy