1Шастир 6
6
Левийн үр удам
1Левийн хөвгүүд нь Гершон, Кохат, Мерари билээ. 2Кохатын хөвгүүд нь Амрам, Изхар, Хеброн, Уззиел нар билээ. 3Амрамын хүүхдүүд нь Аарон, Мосе, Мириам билээ. Аароны хөвгүүд нь Надаб, Абиху, Елеазар, Итамар нар билээ. 4Елеазар нь Финехасыг, Финехас нь Абишуаг төрүүлжээ. 5Абишуа нь Буккийг, Букки нь Уззийг төрүүлжээ. 6Уззи нь Зерахиагийн, Зерахиа нь Мераиотын эцэг болж, 7Мераиот нь Амариаг, Амариа нь Ахитубыг төрүүлжээ. 8Ахитуб нь Задокийг, Задок нь Ахимаазын эцэг болж, 9Ахимааз нь Азариагийн, Азариа нь Иохананы эцэг болов. 10Иоханан нь Азариаг төрүүлжээ. Иерусалимд Соломоны барьсан сүмд Азариа тахилчийн үйлчлэлд байв. 11Азариа Амариагийн, Амариа нь Ахитубын эцэг болж, 12Ахитуб Задокийг, Задок нь Шаллумыг төрүүлжээ. 13Шаллум Хилкиаг, Хилкиа нь Азариаг, 14Азариа нь Сераиаг, Сераиа нь Иехозадакийг төрүүлжээ. 15ЭЗЭН Небухаднезараар дамжуулан Иуда, Иерусалимыг цөлөхөд Иехозадак ч мөн явсан юм. 16Левийн хөвгүүд нь Гершом, Кохат, Мерари нар юм.#Гэт 6:16–19 17Гершомын хөвгүүдийн нэрс нь Либни, Шимеи юм. 18Кохатын хөвгүүд нь Амрам, Изхар, Хеброн, Уззиел билээ. 19Мерарийн хөвгүүд нь Махли, Муши юм. Эцгүүдийнх нь бүлийн дагуу левичүүдийн гэрүүд эд нар юм. 20Гершомынх нь Либни бөгөөд түүний хүү нь Иахат, түүний хүү нь Зимма, 21түүний хүү нь Иоа, түүний хүү нь Иддо, түүний хүү нь Зера, түүний хүү нь Иеатераи билээ. 22Кохатын хүү нь Амминадаб, түүний хүү нь Кора, түүний хүү нь Ассир, 23түүний хүү нь Елкана, түүний хүү нь Ебиасаф, түүний хүү нь Ассир, 24түүний хүү нь Тахат, түүний хүү нь Уриел, түүний хүү нь Уззиа, түүний хүү нь Шаул билээ. 25Елканагийн хөвгүүд нь Амасаи, Ахимот, 26Елканагийн хувьд түүний хүү нь Зофаи, түүний хүү нь Нахат, 27түүний хүү нь Елиаб, түүний хүү нь Иерохам, түүний хүү нь Елкана юм. 28Самуелын хөвгүүдийн ууган нь Иоел,#6:28 1См 8:2 үз. Еврейд нь энэ нэр байхгүй. удаах нь Абиа байв. 29Мерарийн хүү нь Махли, түүний хүү нь Либни, түүний хүү нь Шимеи, түүний хүү нь Узза, 30түүний хүү нь Шимеа, түүний хүү нь Хаггиа, түүний хүү нь Асаиа билээ.
Давидын сонгосон хөгжимчид
31Эдгээр нь авдрыг байрлуулсны дараа ЭЗЭНий өргөөнөө дууны үйлчлэлд Давидын томилсон хүмүүс бөгөөд 32Соломон, Иерусалимд ЭЗЭНий сүмийг барих үе хүртэл тэд уулзалтын майхан асрын өмнө дуулах ажлыг хийж байв. Тэд өөрсдийн хэргэмийн дагуу үүргээ гүйцэтгэжээ. 33Өөрсдийн хөвгүүдийн хамт үйлчлэгчид нь дараах билээ. Кохатчуудын хөвгүүдээс хүү Хеман нь дуучин бөгөөд тэрээр Иоелын хүү юм. Иоел нь Самуелын хүү,
34Самуел нь Елканагийн хүү, Елкана нь Иерохамын хүү, Иерохам нь Елиелийн хүү, Елиел нь Тоагийн хүү билээ. 35Тоа нь Зуфын хүү, Зуф нь Елканагийн хүү, Елкана нь Махатын хүү, Махат нь Амасаигийн хүү, 36Амасаи нь Елканагийн хүү, Елкана нь Иоелын хүү, Иоел нь Азариагийн хүү, Азариа нь Зефаниагийн хүү, 37Зефана нь Тахатын хүү, Тахат нь Ассирын хүү, Ассир нь Ебиасафын хүү, Ебиасаф нь Корагийн хүү, 38Кора нь Изхарын хүү, Изхар нь Кохатын хүү, Кохат нь Левийн хүү, Леви нь Израилийн хүү билээ.
39Хеманы ах дүү Асаф нь түүний баруун талд зогсох болсон юм. Асаф нь Берехиагийн хүү, Берехиа нь Шимеагийн хүү, 40Шимеа нь Михаелын хүү, Михаел нь Баасеиагийн хүү, Баасеиа нь Малхиагийн хүү, 41Малхиа нь Етнийн хүү, Етни нь Зерагийн хүү, Зера нь Адаиагийн хүү, 42Адаиа нь Етаны хүү, Етан нь Зиммагийн хүү, Зимма нь Шимеигийн хүү, 43Шимеи нь Иахатын хүү, Иахат нь Гершомын хүү, Гершом нь Левийн хүү. 44Зүүн талд нь байх тэдний хамаатан, Мерарийн хөвгүүн нь Етан бөгөөд тэр нь Кишийн хүү, Киши нь Абдийн хүү, Абди нь Маллухын хүү, 45Маллух нь Хашабиагийн хүү, Хашабиа нь Амазиагийн хүү, Амазиа нь Хилкиагийн хүү, 46Хилкиа нь Амзийн хүү, Амзи нь Банийн хүү, Бани нь Шемерийн хүү, 47Шемер нь Махлийн хүү, Махли нь Мушийн хүү, Муши нь Мерарийн хүү, Мерари нь Левийн хүү билээ. 48Тэдний хамаатан левичүүд нь Бурханы гэрийн асар дахь бүх үйлчлэлд томилогдсон ажээ. 49Харин Аарон болон түүний хөвгүүд нь шатаалт тахилын ширээ, утлагын ширээн дээр утах, тахил өргөх ажил, ариунаас ариун газрын бүх ажил, тухайлбал Израилийн төлөө эвлэрүүлгийн ажлыг Бурханы зарц Мосегийн заасны дагуу хийдэг юм. 50Аароны хөвгүүдийг тоочвол; түүний хүү нь Елеазар, түүний хүү нь Финехас, түүний хүү нь Абишуа, 51түүний хүү нь Букки, түүний хүү нь Уззи, түүний хүү нь Зерахиа, 52түүний хүү нь Мераиот, түүний хүү нь Амариа, түүний хүү нь Ахитуб, 53түүний хүү нь Задок, түүний хүү нь Ахимааз.
Левийнхний нутагшил
54Тэдний хил хязгаар доторх хуарангуудынх нь дагуу тэдний нутагшил нь дараах билээ. Анхны шавга тэднийх байсан тул Кохатын ургийн Аароны хөвгүүдэд 55тэд Иудагийн нутаг дахь Хеброныг ойр орчмын бэлчээртэй нь өгөв. 56Харин тэр хотын тариан талбай, тосгодыг нь Иефуннегийн хүү Калебт тэд өгчээ. 57Аароны хөвгүүдэд дараах хоргодох хотуудыг#6:57–59 хоргодох хотууд: Хэрэв хэн нэг нь санаандгүй хүний амь хохироовол эдгээр хот уруу зугтаж болох ба өс авагчдаас хамгаалагдана. (Иош 20:1–9 үз.) өгсөн юм. Хеброн, Либнаг бэлчээрийнх нь хамт, Иаттир, Ештемоаг бэлчээртэй нь, 58Хиленийг бэлчээртэй нь, Дебирийг бэлчээртэй нь, 59Ашаныг бэлчээртэй нь, Бет-шемешийг бэлчээртэй нь, 60мөн Бениамины овгоос Гебаг бэлчээртэй нь, Алеметыг бэлчээртэй нь, Анатотыг бэлчээртэй нь өгөв. Тэдний өрхүүдэд ногдсон хотууд нь бүгд арван гурав байв. 61Дараа нь Кохатын хөвгүүдийн үлдсэн нь Манассегийн тал болох хагас овгоос буюу овгийн өрхүүдээс арван хотыг шодож авав. 62Гершомын хөвгүүд ургуудынхаа дагуу арван гурван хотыг Иссахар овгоос, Ашер овгоос, Нафтали овгоос мөн Башан дахь Манассегийн овгоос авсан юм. 63Мерарийн хөвгүүд ургуудынхаа дагуу шодож Реубен овог, Гад овог, Зебулуны овгоос арван хоёр хотыг авав. 64Ийнхүү Израилийн хөвгүүд нь левичүүдэд хотуудыг бэлчээртэй нь өгчээ. 65Тэд шодоод Иудагийн хөвгүүдийн овгоос, Симеоны хөвгүүдийн овгоос, Бениамины хөвгүүдийн овгоос дээр нэр дурдагдсан хотуудыг өгчээ. 66Кохатын хөвгүүдийн өрхийн зарим нь Ефраимын овгоос авсан өөрийн газар нутгийн хотуудтай байв. 67Тэдэнд мөн дараах хоргодох хотуудыг өгсөн юм. Эдгээрт нь Ефраимын уулархаг нутаг дахь Шехем бэлчээрийнхээ хамт мөн Гезер бэлчээрийнхээ хамт, 68Иокмеам бэлчээрийнхээ хамт, Бет-хорон бэлчээрийнхээ хамт, 69Аиалон бэлчээрийнхээ хамт, Гат-риммон бэлчээрийнхээ хамт оржээ. 70Кохатын хөвгүүдийн ургуудын үлдсэнд нь Манассегийн хагас овгоос Анерыг бэлчээртэй нь, Билеамыг бэлчээртэй нь өгөв. 71Гершомын хөвгүүдэд Манассегийн хагас овгийн өрхүүдээс Башаны Голаныг бэлчээртэй нь, Аштаротыг бэлчээртэй нь, 72Иссахар овгоос Кедешийг бэлчээртэй нь, Дабератыг бэлчээртэй нь, 73Рамотыг бэлчээртэй нь, Анемыг бэлчээртэй нь, 74Ашерын овгоос Машалыг бэлчээртэй нь, Абдоныг бэлчээртэй нь, 75Хукокийг бэлчээртэй нь, Рехобыг бэлчээртэй нь, 76Нафтали овгоос Галилын Кедешийг бэлчээртэй нь, Хаммоныг бэлчээртэй нь, Кириатаимыг бэлчээртэй нь өгөв. 77Левичүүдийн үлдсэнд нь буюу Мерарийн хөвгүүдэд Зебулуны овгоос Риммоног бэлчээртэй нь хамт, Таборыг бэлчээртэй нь, 78мөн Иерихогоос Иорданы чанад буюу Иорданы зүүн тал дахь Реубен овгоос цөл дэх Безерийг бэлчээртэй нь, Иахзаг бэлчээртэй нь, 79Кедемотыг бэлчээртэй нь, Мефаатыг бэлчээртэй нь мөн 80Гад овгоос Гилеадын Рамотыг бэлчээртэй нь, Маханаимыг бэлчээртэй нь, 81Хешбоныг бэлчээртэй нь, Иазерыг бэлчээртэй нь өгчээ.
Currently Selected:
1Шастир 6: АБ2013
Highlight
Share
Copy
Want to have your highlights saved across all your devices? Sign up or sign in
Ariun Bible © Mongolian Union Bible Society 2013.
