Luka 21

Dhora ali mujari vedu

1Jezus skullë oqjë sh vëxu avucjë ci amëna dhorëli a llor tu thesar. 2Ell vëxu sh unë mujeri vedu, fukërônjë, ci amënë dau monedhi njic di bëkërrë, 3sh xësi: “Darihënja us v'i xëk, kë aistë mujeri fukërônjë, vedu, ari amënatë ma mullt di tuc allanc, 4kë ej amënarë ti dhorë tu thesar aca ci ll'u tupuri, ma ija dedi di fukërallëqja a je tutë ci avja adunatë ti bënari”.

Jezus paraxeci rrustunara a tempullu

5Kënd ndoj ômënj ma zburra ti tempull, kë kum ara ndrept bun, ku shkëmbi mushati sh ku dhorëli ci avja datë ti Dumëxë, Jezus xësi: 6“Us jinë xua kënd di aisti ci vëdec nu us arrëmënë shkëmbë pisti shkëmbë ni rrustunatë”.

Nojma ti stërrxeri

7U tërbarë Jezus: “Mvëcëtor, kënd us'i fakë aisti llukëri, sh kaj us hjibë nojma ci eli ma s'fak?” 8Ell xësi: “Zhdikidec oqjë, tas s'nu v'i arrëdë, kë us jinë mullc ômënj pi numa a mja sh us xëkë ‘Est mini’ iti ‘S'apurqë qërollu’. Nu fuxic dupi nësh. 9Kënd s'avxac ti polum sh katrauri, nu v'i aspërac, kë aisti llukëri us'i fakë ma ninti, ma fundu nu us jinë di-unôrë. 10Un krat us'i skôllë pisti un allt krat, sh un vësëjë pisti un allt vësëjë. 11Us kadë tërmet vërtôs, sh tu ndau bilokëri us ajbë llajë ti pëni, sh llëngôrë di murtajë. Us ajbë sh katrauri llëhtrësiti, dit cerl us ajbë semn mari, 12ma, ma ninti ci us'i fakë tuti aisti, us v'i akacë sh us v'i agudjastë. Us v'i parada pit sinagogi sh pit hapsanëri, us v'i adukë dininti a ma marrë ali qevërrii di sebepja ali numi a mja. 13Ashë us putec tas spunec. 14S'hjic vindusic, sh nu v'i stinahorsic ti skëpara a vôstë, 15kë mini us v'i dau xhoniaca tas gric zbôrri mintimeni, kit s'nu pôtë içvërr di acej ci avec kondra, tas v'u trakë, shi s'grastë kondra. 16Us axhungë pën ako ci sh përincjë, fracjë, kusurinjjë, us v'i allasë tu muzgë, shi us vatëmë ndoj di voj. 17Tuc nu us v'i vra di sebepja ali numi a mja, 18ma niki un per di kap nu us v'i kadë. 19Ku qindurera a vôstë us qërdhësic sufëlltu a vost”.

Jezus paraxëci aspërxera a Jerusalem

20“Kënd s'vëdec Jerusalem avërtit di andarc, s'u shtic kë aspërxera a lluj esti aprôpja.

21Acej ci sënt tu Judei s'i rrëspëndjastë pit munc, acej ci sënt pit hor, s'nu intrë tu Jerusalem, 22kë aisti sënt xëlili ci us'i lla amartiili, shi us'i fakë aca ci esti skëratë.

23Kavaj di mujerrë greli, sh aceli ci hërrest cilëmanjjë aceli xëli, kë us kadë fukërallëqi mari tu dunei, shi nërreri ti aiç ômënj. 24Ej us kadë di tëjëtura ali tëpôrri, shi us'i fake skllav a tuc ômënjllu ci nu pistusest, shi Jerusalem us'i zdrrumënë di paganëjë, pën kënd s'll'u bitisjastë qërollu a llor”.

Vinera a Hjiju a Omu

25“Us ajbë semnuri pi sôri, pi llunë sh pi steli. Pi llok ômënjjë ci nu pistusest us j'akacë hjevërrë sh frika di bubunusera ali amari sh ali vali. 26Ômënjjë us môrë di frikë, sh di ashtëptarea a cëje ci ma kadi pisti llok, kë tutë dunea us'i trunduljastë. 27Astumsëna us vjadë Hjiju a Omu ci ma jini di pit nor ku force sh ku tinjii mari. 28Kënd s'ahurhjastë s'i fakë aisti llukëri, skullacvë sh skullac kapu kë skëpara a vôstë esti aprôpja”.

Mvëcëtura ti hjiku

29Dapoja Jezus ll'u spusi unë parabolë: “Vëdec hjicli sh allanc ponj. 30Kit s'vëdec kë ar skôsë frrënxë, voj u shtic ci ma s'i aprôqë vjara. 31Ashë sh voj, kënd s'vëdec ci ma s'fak aisti llukëri, s'u shtic kë kratu a Dumëxë esti aprôpja. 32Darihënja ma v'i xëk, kë aiç ômënj, a shtëlluj qërollu, nu us'u trakë eta ni vëxutë aisti llukëri. 33Cerlu sh lloku us qarë, ma zbôrrëli a njeli nu us'i agërshëstë”.

S'avec mintja

34“Vëgjacvë tas nu s'i angrakë inëmli pit qefëri, pit mbëtari, shi stinahorëli a shtëjej bani, shi s'nu v'i afllë tu apofasi aca xuë, 35kanda s'ara un kurth. Aistë us kadë pisti tuc acej ci bëniaxë pisti tut lloku. 36Tjaca s'avec mintja tut qërollu, sh fëcec rixhai tas skëpac di tuti aisti ci us'i fakë, shi s'putec s'stëtec dininti a Hjiju a Omu.” 37Tutë xua Jezus mvëca ômënjjë tu tempull, sh nôptja u tërcja tu un bilok ci s'akjëma Muntili a Masënllu. 38Tuc ômënjjë s'i zhdëpëta dimjaca tahjëna, tas avxa Jezus tu tempull.

Currently Selected:

Luka 21: ARUM

Highlight

Copy