Luka 20

Pëtëxara a Joan

1Unë xuë kënd Jezus mvëca ômënjjë tu tempull, sh llu spunia ti evanghelu, vinërë prefcjë, skribënjjë sh aushjë 2shi i'j xësërë: “Spunëni a nau ku ci forcë l'i fac aisti llukëri? Kaj c'ôri datë aistë fuqii?” 3Sh Ell ll'u xësi a llor: “Us v'i treb sh mini a vau un zborr shi spunecinj. 4Pëtëxara a Joan s'fëcja dit cerl ama di ômënj?” 5Ej s'i minduirë sh xëcja un-ku-allant: “Ma s'xëcem ‘dit cerl’, us n'i xëkë: ‘Këce nu u pistusit acell?’” 6“Ma s'xëcem ‘di ômënj’, miletja us n'i vatëmë ku shkëmbi, kë u shtja ci Joan ara preft”.

7Tjaca i'j xësërë: “Nu u shtim di këtu vinia” 8Sh Jezus ll'u xësi: “Sh mini nu v'i spun a vau, ku ci fuqii l'i fak aisti gjëji”.

Agurru ku auë sh domësu

9Jezus ahurhji s'i'j spunë a ômënjllu aistë parabolë (meselei): “Un om sëmënë auë. L'i dedi tas l'i llukraxë llukërtorjë, sh fuxi tu un bilok dëparti ti mullc anj. 10Kënd vini qërollu tas adunë auëli, pëtërku un ysmeqar lla llukërtor tas i'j dëdja partja a lluj, ma ej u bëturë shi u nqësirë ku mënjli gôlli. 11Dapoja pëtërku un ysmeqar allt. Sh acell u bëturë, s'i arrësërë ku nës, shi u nqësirë ku mënjli gôlli. 12Napoj pëtërku un allt, ma sh aist u pluguirë shi o-urrarë.

13Sh nikuqirru a agërru xësi: ‘Ci s'fak? Us pëtrek hjiju a njell, acell vrutu, kë vëhj s'i arrushuniaxë di nës’. 14Ma kënd u vëxurë hjijësu, llukërtorjë zburrarë un-ku-allant.: ‘Aist esti acell ci us l'i qërdhësjastë. S'u vëtëmëm sh ashë auëli us n'a rrëmënë a nau’. 15Dapoja o-urrarë dit agur shi u vëtëmarë. Ci us ll'u fakë a llor domësu a agërru? 16Ell us jinë, us i'j vatëmë acej llukërtor, shi us ll'u da agërru allëntor”. Kënd ovxarë aistë gjëji, ômënjjë xësërë: “Dëparti s'hjibë!” 17Ma Jezus amënë oqjë kiti nësh sh xësi: “Ci vra s'xëkë aisti zbôrri di sëmtëli Skërëturi:

‘Shkëmba ci masturjë o-rrukarë nkllo, axhumsi ci s'feci shkëmba dit qoshi?’

18Kajcëdo ci kadi pi aca shkëmbë, us'i fakë bukëc, sh ma kë shkëmba kadi pisti vërr, us'u vatëmë”. 19Skribënjjë sh prefcje o-duqirë ci Jezus o-vja xësë aistë parabolë ti nësh, tjaca vra tas u bëga nturmënë tu aca ôrë, ma avja frikë di ômënj.

Taksa ti Çezar

20Ej ahurhjirë tas u bëga orë Jezus, tiaca i'j bëgarë dënëpoj spiunëjë, ci s'i stërrxja ka ômënj tinjisic. Aistë u fecërë tas o-këca tu llath tu vërr zborr, sh ashë s'u parada lla ômënjjë ali qevërrii. 21Ej u tërbarë: “Mvëcëtor, noj u shtim kë tini gresht sh mvec gjini, kë nu t'i pinxi vërr, ma ll'u spunj a ômënjllu darihënja kala a Dumëxë. 22A esti ndrept tas s'i'j pulltim a Çezar taksëli, ama nu?” 23Ma Jezus o-duqi ileja a llor shi ll'u xësi: 24“Spunecinj unë monedhë. Ci kap esti pi aistë monedhë?” Ej i'j xësërë: “A Çezar”. 25Jezus ll'u xësi: “Astumsëna dëdecij a Çezar, aca ci esti a Çezar, shi a Dumëxë, aca ci esti a Dumëxë”.

26Ashë ej nu pëturë tas o-kacë tu zborr dininti ali mileti, s'çudusirë ku zborru a lluj, sh këpsirë.

Injjara

27Vinërë lla Jezus ndoj saducenj. Aiç xëk kë nu ari injjari 28tjaca u tërbarë: “Mvëcëtor, Moisiu n'ari allësatë skiratë: Ma kë a unuj omu i'j môri fratësu, sh allasë dënëpoj mujera fërë fumejë, aist prindi s'i sôrë ku mujera vedu, tas allasë fumejë ti fratësu.

29Ara unorë shapti frac. Un di prota s'i sure sh'nu allësë cilëmanj, 30allant, 31dapoja sh'allanc s'i surarë ku mujera a lluj, sh shaptëjë nu allësarë cilëmanj kënd murirë. 32Tu fund muri sh mujera. 33Dupi injjari mujera a kuj us hjibë ija, pedhis ci shaptëjë o-vja ti mujeri?” 34Jezus ll'u xësi: “Ômënjjë a shtëje dunei s'i sôre shi s'mëritë, 35ma acej ci sënt bunj ti allantë banë, shi us axhungë s'injjaxë di mort, niki us'i sôrë, sh niki us'i mëritë. 36Ej nu pot s'môrë napoj, kë sënt ka ëngjëj, sh sënt hjij di'a Dumëxë, kë sënt hjij di injjari.

37Sh Moisiu ari spusë kë morrcjë us injjaxë kënd s'o-kjamë Domnu, Dumëxë all Abraham, Dumëxë a Isak sh Dumëxë a Jakob. 38Domnu nu esti Dumëxë a morcëllu, ma acëllor ci sënt jinj, kë tuc bëniaxë ti Dumëxë.” 39Astumsëna ndoj farisenj i'j xësërë: “Mvëcëtor, u xësesh mullt gjini”. 40Sh nu avja nakërrë tas u trabë më.

Hjij di'a David

41Dapoja Jezus ll'u xësi: “Kum pot s'xëkë kë Hristollu esti hjij di'a David? 42David ishish xësi tu skirëturëli a Psalmu: I'j xësi Domnu, a Domnëlu a njell:

Stë di na ndrapta a mja,

43 pën kënd s'i'j bag acej ci sënt kondra ku tini

Sum çëçôrrë a tëli.

44Afu David o-kjamë ‘Domne’, kum pôti s'hjibë Ell hjiju a lluj?”

Jezus vërjeshti skribënjjë

45Kënd tutë miletja ma avxa, Jezus ll'u xësi a dishepujllu a lluj: 46“Vëgjacvë di skribënjjë, ci vra tas fakë peripato ku stranji llunx, shi arësest tas i'j tinjisjastë pit pëx, s'akacë bilokërrë buni pit sinagogi, sh bilokërrë tinjisiti pit jurtii. 47Ej arrëqest ci afllë pit kasëli a mujerëllu fërë burbac, sh fak duvai llunx, tas s'i'j vjadë allanc. Ashë ej us ja unë dunueri ma grau”.

Currently Selected:

Luka 20: ARUM

Highlight

Copy