ZEKHARIA 3
3
Setsaküthsüwa nüh Navü kümsiewa kenüh kümohtsa
1 #
Ezr 5.2; Kkt 12.10. Jüsevü Joshua navü kümsiewa tü Vüwa zhülewa tüvü tsie küveh hi kütsa, thi Tsuore#3.1 Tsuore: Tsuore thuoüji English vünüh küpapa küji Devil, Demon, Satan ta küjijira kümühie Vüwa mükünongü sanü ma siesaluokütse sietse kümsüwa küzaveh. tü ma phramsü nta ma ke azhie wuovü tsie veh. 2#Jud 9.Thinü Vüwa nüh Tsuore vü, “Vüwa noh phramsü mthuoh! Jerusalem rüka küm Vüwa nüh noh shüke luo! Hamatü anyih vünüh külüzhu nyisheju nyu ülo?” ti küza. 3Jüti küsa vü Joshua tü 4Thi Rügihzhülewa nüh ma tüvü tsie küvehri vü, “Ma vünüh mükümtse thsümnyiri fojam tüluo,” ti küza. Thi ma vü thuoüji ma nüh, “Halie, hi nüh noh vünüh noh künakhie vijamthuoh, thi hi nüh noh vü künyirhie thsümnyi küüzhu naveh,” ta küza. 5Thi hi nüh, “Mari nüh ma lü rügivü kümtse alüwe küüzhuphohwa küüvüm luo,” ti küza. Jükenüh mari nüh alüwe küüzhuphohwa kümtse küsü vi ma lü rügivü thsetsü thi thsümnyi vi ma küüvü; thi Vüwa rügizhülewa tü akütuo vü tsie peh. 6Thi Vüwa zhülewa tü Joshua sie jüle taji, 7kümsietsa Vüwa nüh hakümjie küza veh: Mükütüküzü nohri nüh eh lehkhujiri vü tse nta thi hi nüh sa üta küsari sa, ti thuoüji nohri tü eh zheh vü takrü naveh thi eh nyulari vü ashu sara naveh, thi nohri tü hala tsieküvehra azavü hi nüh nohri vü azhi küsü tsü naveh. 8#Jer 23.5; 33.15; Zek 6.12.Khinyi künaluo, O Joshua navü kümsiewa, noh thi noh füri noh tüvü shupeh küvehri, küpakenühnyunü mari tü anyi amngu kümhieri küsa kenüh, hi nüh eh siepe Tsuonawa sieru naveh, 9küpakenühnyunü halie, hi nüh Joshua atü vü alohwa shieküsa, aloh küsü rügivü atso türü pe, hi nüh ma zhü khrüke naveh, ta thopahiri Vüwa nüh küzaveh, thi rülo küsü vünüh azhih hama künakhie vijamtü naveh. 10#Mik 4.4. Jüma rülo vü, nohri nyi küsüsü nga ma rhelivi rhu thi ma müparhu kükhu vü ma zhephruriwa sie sezhunaveh.
Currently Selected:
ZEKHARIA 3: POCHBSI
Highlight
Share
Copy
Want to have your highlights saved across all your devices? Sign up or sign in
Pochuri Naga Bible - KÜMÜTSE BIBLE
Copyright © 2015 by The Bible Society of India
Used by permission. All rights reserved worldwide.
