ZEKHARIA 10
10
Vüwa nüh küvizhu küphrahzhu
1Pasüh tsokürüwa zale vü Vüwa vünüh atsokürü khuo luo,
Vüwa vünüh ma nüh atsomrhü akülu sa,
anyiri vü atsorhü tsü,
anyiri aveh vü azhuh vünüh wirüzah tsü,
2 #
Mat 9.36; Mrk 6.34. küpakenühnyunü anguori tü zhünyo mükünyie zhü küzazhu veh,
thi kümahtsa zhüküphrari nüh akürie ngu;
amoh kümohri tü küzhüja amoh küza,
thi kürütso luoveh saküürüzi tsütsüti.
Jükenüh anyiri tü anyihzhü kümjie tse tsetseti;
mari tü akühuo küvingü kenüh amüshe mnomnamthuoh.
3Eh rüküshuwa tü akühuori vü samthuoh,
thi hi nüh asierhüri kümnomna tsü naveh;
küpakenühnyunü thopahiri Vüwa nüh ma nyihnyihri,
Judah zhehlowa kenüh amüshethse küveh kenüh,
thi mari tü arie vü ma rawuh kürhiezari kümjie satsü naveh.
4Mari vünüh jühkelohwa ru naveh,
mari vünüh juhthsüzheh kümchi, arie lawih,
thi atakrü aveh ru naveh.
5Mari tü arie vü kürü nü anyi akükhrari kümjie sanaveh,
alera süpri vü küümaküshiri nyikümnyahm naveh;
Vüwa nüh mari siekütse kenüh mari tü saluo naveh,
thi mari nüh arawuh rügivü kütseri saküürüzarüpuo naveh.
6Hi nüh Judah zhehlowa sakükhra naveh,
hi nüh Josef zhehlowa külole naveh.
Hi nüh mari rüthaküna kenüh mari sieru le naveh,
hi nüh mari mükükule kümjie vünüh,
küpakenühnyunü hi tü Vüwa mari Saküüwuowa küsa kenüh hi nüh mari kühu naveh.
7Jüti sanü Efriam tü arie kükhrari küsü kümjie küsanaveh,
thi nori luoveh tü akhah vi küveh üta alowie naveh.
Ma tsari nüh jüma ngu nü nyierakhruo naveh,
mari luoveh tü Vüwa vü rietsi naveh.
8“Hi nüh ma keri nüh thsoshi tsü naveh thi mari alo vü vizhuhkhe naveh,
hi nüh mari rhesakümthuoh kenüh,
thi mari tü khanavü üta zhi naveh.
9Hi nüh mari tü akuoküjiri azavü saküvoriem wie nga,
nyujiri kületsuo vünüh hi müsheke peh wie naveh,
thi mari tü ma tsari sie rho nü sheleru naveh.
10Egypt zhih vünüh hi nüh mari sie azhehlo vü ru naveh,
thi Assiria vünüh mari vizhuh naveh;
thi hi nüh mari sie nü Gilead thi Lebanon zhih vü ru naveh,
makeri’a nüh ate müküluo küju nü.
11Mari tü Egypt juhküji kariwa naveh,
thi juhküji küüshüh kürhie naveh,
thi Nile küsheh aveh tü nge tewa.
Assiria kürhiezarhiechi tü saküsajim naveh,
thi Egypt kajikütsüh tü poriem naveh.
12Hi nüh Vüwa mari sakümzho naveh
thi mari tü ma nyo vünüh tholathovü naveh,”
ta Vüwa nüh küza veh.
Currently Selected:
ZEKHARIA 10: POCHBSI
Highlight
Share
Copy
Want to have your highlights saved across all your devices? Sign up or sign in
Pochuri Naga Bible - KÜMÜTSE BIBLE
Copyright © 2015 by The Bible Society of India
Used by permission. All rights reserved worldwide.
