ZECHARIAH 6
6
Siguigari Mati
1 #
Phon 6.2-8. Kala ina yangkāluishitta thei, kala yanglu, kaphung khaniwui ngachai eina siguigari mati shoka; kala kaphungbing chi pithraiwui kaphungna. 2#Phon 6.4; 5. Khare gari chiwui siguibing chi hunga, kakhanewui siguibing chi zika, 3#Phon 6.2. kakathuma siguibing chara, kala khamate siguibing hotla machu chukpoma. 4Chieina ili khangazeka kazingrao chili “Hibing hi khikhala, iwui amei?” da ina ngahāna.
5 #
Phon 7.1. Chieina kazingrao china ili ngahānkai, “Hibing hi okathui saikorawui Prohowui mangāli vānganing kahaiwui thili kazingramwui masi matili vaukida kazatna.”
6Sigui kazikbingna kashimena gari chi atungshong shangra, sigui kacharbingna kashimena china zingtunshong vāra, kala hotla machu kachuka siguibing china azingshong tāra. 7Siguibing china kashok eina, athumna okathui kuivākhangaina kasaikha mapampaithuwa. Kala ana, “Zatlu, okathuili kuivālu” da kahāng eina athumna okathuili kuivai. 8Chiwui thili ana ili panglāk eina hānga, “Yanglu, atungshong shangkahaibing china apam chili iwui Manglā chingrihai ngasakhaira.”
Joshuali Kuihon Ngahonmi khavai Kakaso
9Kala Prohona ili hānga: 10“Babylonwui eina rākahaiya raithā kahaibingwui eina Heldai, Tobijah kala Jedaiah athumli khuilu; kala chithang Zephaniahwui naomayara Josiahwui shimli vālu. 11Athumwui eina lupāsā kala sinā khuilaga kuihon akha sākhuida Jehozadakwui naomayara pāngmon kharei Joshuali ngahonmilu; 12#Zec 3.8; Isa 4.2; Jer 23.5; 33.15. kala ali hānglu, saikorawui Prohona hānga, ‘Aphang kaho mi chili yanglu: kaja ana awui pamli reisangra, kala ana Prohowui Khorumshim sakāra. 13Prohowui khorumshim sakāki kaji chi ana, a khayākālakra, kala awui pamkhongli pamda khamungla mungra. Kala awui wungpamkhong ngalemli pāngmon akha leira, kala ani chingri tāchamhai ngarokra.’ 14Kala kuihon chi Heldai, Tobijah, Jedaiah kala Zephaniahwui naomayara Josiahli phaningung khavai Prohowui khorumshimli haira.”
15Kala apam katāva̱li khaleibingna Prohowui Khorumshim chi rāsākāngachonra; chitharan ili saikorawui Prohona chihokharāna kaji nathumna theikhuira. Nathumwui Vare Prohowui kahāng chi ningkachang eina nganaakha hi shokki kajina.
Currently Selected:
ZECHARIAH 6: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
