ZECHARIAH 3
3
Pāngmon Kharei Rākhamahā
1 #
Ezr 5.2; Phon 12.10. Chiwui thili pāngmon kharei Joshua Prohowui kazingraowui mangāli nganingda khalei ili chithei kala Satanna ali khayon phenkhavai awui yāshong nganingsai. 2#Jud 9. Kala Prohona Satanli hānga, “Prohona nali hangkhamachinna, O Satan! Jerusalem kapangkakhuia Proho china hangkhamachinna; hi mei chuida khalei eina sutkakhui meira̱hun maningmala?”
3Chitharan Joshuana makhaotot kahai kashankachon ngavailaga kazingrao chiwui mangāli nganingsai. 4Kala kazingrao china awui mangāli khanganingbing chili hānga, “Makhaotot kahai kashankachon chi awui eina khuimihaolu.” Kala ali hānga, “Yanglu, ina nawui khayonkhamāng khuithuimihaora kala nali aman kasaka kashankachon ngavaimira.”
5Kala ina hānga, “Awui kuili tharzā kahai kuitei akha teimi ngasaklu.” Chieina athumna awui kuili tharzā kahai kuitei akha teimi; kala Prohowui kazingrao chiwui ngalemli nganingsai.
6Kala Prohowui kazingrao china Joshuali kasoda hānga,
7Saikorawui Prohona hithāda hānga: “Nana iwui shongpongli zatakha kala iwui kakaso mayonakha, nana iwui shimli mungra, kala iwui karotwui otsin singra, kala hili khaleibingwui ngachaili zangkhavai nali mayāmira. 8#Isa 4.2; Jer 23.5; 33.15; Zec 6.12. Ara nganālu, O pāngmon kharei Joshua, nala kala nali ngasokapama nawui ngasotnaobingla, kaja athum khamathā machutkakhuiwui misera: yanglu, iwui rao Aphāng chi ina khuirāra. 9Kaja yanglu, ina Joshuawui mangāli shunmi kahai lungguitungli, lunggui akhawui lungmai shini khalei chili, tui chi kapisanghaora da saikorawui Prohona hānga kala ngalei hiwui khayon chi thangkhawui alungli khuishokmihaora. 10#Mic 4.4. Chithang nathum kachiva̱na kachichāwui khongnainaoli ngahotta drakhārong kala khaorārongpheili pamngarumra,” da saikorawui Prohona hānga.
Currently Selected:
ZECHARIAH 3: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
