MARK 15

Pilatewui Mangali Khuikharā

(Mat 27.1-2,11-14; Lk 23.1-5; Joh 18.28-38)

1 # Mat 27.1-2; Lk 23.1; Joh 18.28. Pāngmon akhokabingna kazing thangkhaleoda ararbing, ain kathemabing kala hangva̱naobingli ngasoda tui ngacham ngaroka. Athumna Jishuli khalaplaga shimenphungda Pilateli vamisanghaowa. 2#Mat 27.11-26; Lk 23.2-3,18-25; Joh 18.29—19.16. Kala Pilatena ali ngahāna, “Na Jihudiwui awunga chila?” Chieina Jishuna “Chi nana hānghaira” da ngahānkai. 3Pāngmon akhokabingna Jishuli apong kachungkha eina phena. 4Chieina Pilatena ali ngahānlui, “Na ngahānkā khavai maleithula? Yanglu, athumna nawuitungli kaphen kayākha khuirāda leikhala!” 5Kha Jishuna chili lāngda mangahānkāmana, kala Pilate matakhakhaowa.

Jishuli Shaothat khavai Tuitak Katā

(Mat 27.15-26; Lk 23.13-25; Joh 18.39—19.16)

6Chitharan phanit kachida yaruina kapo athishurda phātopli narkahai mi akhali Pilatena chihomichinga. 7Ngakukshaoli mi shaokathatli zangda phatopli narkahaibingwui ngachaili Barabbas kaho mi akha leisai. 8Yaruibingna Pilateli rālaga rida ana samikasa chi sāmi khavai pophoka. 9Chieina Pilatena athumli ngahāna, “Jihudiwui Awungali nathumwui vang chihomi ngasakngaila?” 10Kaja yuishāt eina pāngmon akhokabingna Jishuli awui pāngli horsangkhamina kaji ana thei. 11#Ots 3.14. Kha pāngmon akhokabingna yaruibingli Barabbasli chihomi khavai kasata. 12Chieina Pilatena yaruili hānga, “Chithākha nathumna Jihudiwui Awunga kahopā hili ili khi sālu jikhala?” 13Athumna, “Krushli shaoshānhaolu” da vaowa. 14Pilatena athumli ngahāna, “Kha khiwui vang kala khi khayon ot ana sahaokhala?” Kha “Ali krushli shaoshānhaolu” da pangmeida vaorai. 15Pilatena yarui penkhavai athumwui vang Barabbasli chihomi; kala Jishuli lijei eina ngaphitlaga krushli shaothat khavai mihaowa.

Jishuli Shipaibingna Mana̱kashi

(Mat 27.27-31; Joh 19.2-3)

16 # Mat 27.27-31; Lk 23.11; Joh 19.2-3. Shipaibingna ali governorwui konungwui alung (chiya praetorium)li shimenzanga; kala athumna ashi shipai ashang hupvali hokazipkhui. 17Kala athumna hungkhamaying kachon akha ali ngavaimi kala ka̱shat eina sākakhui kuihon ngahonmi. 18Athumna, “Okpeimeiranu, Jihudiwui Awunga” da shālam sai. 19Athumna akuilila lijei eina ngaphita, machora̱la mashorrora kala khayākashi kachithei sāda khuktizangda khorumkhaninga. 20Athumna ali ngashimshikhui kahaiwui thili hungkhamayinga kachon raimihailaga awui kashankachon ngavaimi kala ali krushli shaoshān khavai athumna shimenthuihaowa.

Krushli Shaokathat

(Mat 27.32-44; Lk 23.26-43; Joh 19.17-27)

21 # Mat 27.32; Lk 23.26; Rom 16.13. Kala Cyrenewui eina keinungli vākida rārākasa, Alexander eina Rufus shavāva̱, Simonli shipaibingna Jishuwui krush phungvā khavai tandi sai. 22#Mat 27.33-44; Lk 23.33-39; Joh 19.17-24. Kala Golgotha (kaja mikuira̱pam) kaho apam chili Jishuli khuivai. 23Athumna drakhāra̱li myrrh manātlaga ali shimanna, kha ana chi mamangmana. 24#Laa 22.18. Athumna ali krushli shaoshāna, kala awui kashankachon chi ka̱lā yanglaga ngayar ngaroka. 25Ali krushli shaokashān pung kakathumawui atamlina. 26Ali khayon kaphen tui kapi kahai chiva “Jihudiwui Awunga” kaji china. 27Ali ngasoda khale khani, akhana yāshong kala akhana uishong da shaoshāna. 28(Hithada kathara tuili “Yom kasābingna samphang khangayi chi ala samphangruma.” da kapi kahai chi ungshunghaowa.)

29 # Mk 13.2; 14.58; Joh 2.19. Apam chili rākakānbingna kui khayitlaga “Kathumthangwui thili sākāra kaje, 30na khalatta huikhuilaga krushwui eina tunglu” da zeiya.

31 # Laa 22.7-8. Pāngmon akhokabing eina ain kathemabingna zeinganaolaga “Ana kateili huimilaga akhalatta mahuikhuirarmana! 32Israelwui awunga, Khrista krushwui eina katung yangsa, chieina ithumna ali shitsangpaira” da athum akhana akhali hānga. Ali shaothatrum kahaibingnala zeiya.

Jishu Kathi

(Mat 27.45-56; Lk 23.44-49; Joh 19.28-30)

33 # Mat 27.45-56; Lk 23.44-49; Joh 19.28-30. Pung katharuka katā eina, apam saikora tangkhamang chi pung kachiko eina tangda tangmanga. 34#Laa 22.1. Pung kachiko katā eina Jishuna panglāk eina, “Elo-i, Elo-i, lama sabach-thani?” da vaoya, chiwui kakhalata “Iwui Vare, iwui Vare, khisāda ili nana horhaokhala?” kajina. 35Chili nganingkasa kaikhana shāda hānga, “Yanglu, ana Elijahli hoda lei.” 36#Laa 69.21. Chieina akhana ngasamvāda shon pemting eina kathura atheira̱ thaikhuida thingli khalapshānlaga ali mimangda hānga, “Ngarailu, ali khuitā khavai Elijah marānikhala ithum ngaraiyangsa.” 37Jishuna akhon panglāk eina vaoda thivāhaowa. 38#Heb 10.19-20. Kala khorumshimwui chonrān chi atung eina aze tāshungda akai khani sāda kakhaowa. 39#Mk 1.11; 9.7. Kala Jishuli yangda nganingkasa shipai shakhawui akhavāna a thihaira kaji kathei eina “Kachangkhat mi hi Varewui Naomayaralaka” da hānga.

40 # Joh 19.25. Atam chili khalachāham eina ngashānkhayanga sha̱naobing leisai, chiwui ngachaili Mary Magdalene, James khanganoa eina Joseswui ava̱ Mary kala Solome athum zanga. 41Athum hi Jishuna Galileeli leilakha athi shurda ali otram ngatha̱khamebingna, kala Jerusalemwui eina ali ngasokhavā sha̱nao kateibingla leisai.

Jishuli Kachifa

(Mat 27.57-61; Lk 23.50-56; Joh 19.38-42)

42 # Mat 27.57-61; Lk 23.50-56; Joh 19.38-42; Ots 13.29. #Khal 21.22-23. Sabbathwui khangarān zimiksho sāhaoda kazing khaying tharan 43Arimatheawui Joseph kaho khayākaka hanga̱wui minganin kala Varewui wungram kapha mi china malung pinglak eina Pilateli vāda Jishuwui phasā chi apoi. 44Pilatena Jishu thikachanghairala da matakhakhaowa; kala ana shipai shākhawui akhavali hokhuida Jishu thichaohairala da ngahāna. 45Shipai akhavāwui eina a thihaira da kashā eina Josephli phasā chi mihaowa. 46Chieina Josephna kachon kachara akha lokhuilaga Jishuli khuitāda chi eina romhai, kala lungkaili kashophutkakhui chikhur akhali chizanhailaga akhur chi lungsham eina shirenshānhaowa. 47Mary Magdalene eina Joseswui ava̱ Maryna Jishuli chizan kahai apam chi thei.

Currently Selected:

MARK 15: TANGBSI

Highlight

Copy