MICAH 5
5
1Arui nali kuimareida pan saphinhaira;
ithumli kuinamkhuihaira;
lijei eina athumna Israelwui khamunga chiwui maisorli ngaphita.
Bethlehemwui eina Khamunga Akha Ngashitkhami
2 #
Mat 2.6; Joh 7.42. Kha na, O Bethlehem Ephrathah,
Judahwui shang ngasākida kateowa,
nawui eina iwui vang Israelli khamunga saki kaje akha shokra,
awui haophok khavai chiya kharewuina,
achālakhawui einana.
3Chiwui vang eina ana athumli naokhara̱va̱ china mapharāranglakhawui atam eina tangda chihosāra;
chiwui thili awui chinaongarā khangateibing Israelwui yurli latungra.
4Kala ana nganingda Prohowui pangshap eina,
awui Vare Prohowui amingwui khayākakā chieina yaoshangli phauira,
kala athumna ninglumtur eina pānra,
kaja ara okathuiwui akatanga vāshungda ana kahaka ngasāhaora.
5Kala Assyrianaobingna ithumwui ngaleili phei rānaikasang tharan,
chingri kahai ngasāhaora,
chieina ithumna awuitungli yaokahoma shini kala miwui wungnao chishat shokngasakra.
6 #
Hao 10.8-11. Athumna Assyriawui ngalei chi raighai eina mungra,
kala Nimrodwui ngalei chi sutshok kahai raighai eina mungra;
kala athumna ithumli Assyrianaobingwui eina ngatangshokra,
ana ithumwui ngaleili rāda tharili phei rānaikasang tharan.
7Chiwui thili Jacobwui shākkahaibing chi miyur kachungkhawui alungli leira,
mibingwui vang makhangaraia,
mikumowui vangla mahuikhanganonga Prohowui eina kharā ikra̱ thāda,
khawotungli zingpā tākharor thāra.
8Kala Jacobwui shākkahai yurbingwui ngachaili leisāra,
miyur kachungkhawui alungli leira,
kazingkha̱na khararwui sāyurbingwui ngachaili,
kazingkha̱naona yaoshangbingwui ngachaili leida,
chi rākashok tharan ana naikazamda serkazam kahai thāda,
chili ngatangkhui khavai khipākha maleisāmara.
9Napāng nawui yangkashebingwuitungli khāngkāra,
kala nawui yangkashebing saikora katathaora.
10Kala chithanghon ina nawui siguila nawui eina katatmihaora,
kala nawui siguigaribing sākazamhaora,
da Prohona hānga.
11Kala ina nawui ngaleiwui keinungbing katatmihaora,
kala nawui raipam saikora sākhaihaora;
12kala nawui leivā kathembing saikora ina nawui pāng eina khuithuihaora,
kala nawui vang khanongbing maleisāluimara;
13kala ina nawui meoma̱bing,
kala nawui lungshombing sāshimānhaora,
nawui pāng eina sākakhui ot chili nana makhorumluimara;
14kala nawui Asherimla phurmihaora;
kala nawui keinung sākazamserhaora.
15Malungkhavāt eina ina athut khuira,
kahāng makhanganā yurbingli.
Currently Selected:
MICAH 5: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
