MATTHEW 5

Kaphungli Tamkachithei Tui

1 # Lk 6.17,20-23; Mk 3.13; Joh 6.3. Mi kachung chi theilaga Jishuna kaphung akhali kai kala ana pamkazang eina awui sākhangatha̱bing awui ngalemli rāpamsera. 2Ana tui yirphokta athumli tamchitheida hānga:

Kachangkhat Ringkaphā

(Lk 6.20-23)

3 # Mk 10.14; Lk 22.29. “Manglāli kachāmbing chi sokhamina,

khikhalajila kazing wungram chi athumwuina!

4 # Isa 61.2; Joh 16.20; Phon 7.17. Chapkhangachābing chi sokhamina,

khikhalajila athumli Varena ringphā ngasakra!

5 # Laa 37.11. Khanimabing chi sokhamina,

khikhalajila athumna okathui chi mathunkhuira!

6 # Isa 55.1-2; Joh 4.14; 6.48-51. Khamashung khangarongwui vang kathai ra̱kachangbing sokhamina,

khikhalajila athumli ningyang ungngasakra!

7Lumashankatha̱bing chi sokhamina,

khikhalajila athumna lukhamashan samphangra!

8 # Laa 24.4; Heb 12.14; 1 Joh 3.2; Phon 22.4. Wuklung tharzāri kahaibing chi sokhamina,

khikhalajila athumna Vareli theira!

9Chingrihai khavai kasābing chi sokhamina,

khikhalajila athumli Varewui naongarā hora!

10 # 1 Pet 3.14; 4.14. Khamashung khangarongwui vang rekharek kahaibing chi sokhamina,

khikhalajila kazing wungram chi athumwui ngasāra!

11“Iwui vang eina mibingna minamda khamashāt, rekakharek kala phenphāphāda morei chiphunkahaibing nathum sokhamina. 12#2 Thot 36.16; Mat 23.37; Ots 7.52; 1 Thes 2.15; Jam 5.10. Mathānlu kala ringphālu, khikhalajila kazingramli nathumwui sāman haklaka, kaja hikathāwui vang eina nathumli rida leikasā marānbinglila rekhareksai.

Machi kala Kahor

(Mk 9.50; Lk 14.34-35)

13 # Mk 9.49-50; Lk 14.34-35. “Nathum okathuiwui machina. Kha machiwui katum shimānhaiakha kathada chi tumngasakluipairakhala? Chi ayarli horshokhaida mina naikakazam maningla khikhikhawui vangla kānkhanā maleiluimana.

14 # Eph 5.8; Phil 2.15; Joh 8.12. “Nathum apuk-apagva̱wui kahorna. Kaphungtungli sākā kahai keinung chi mathumhaipaimana. 15#Lk 11.33; Mk 4.21; 1 Pet 2.12. Lha mibingna thaomei sharlaga luk eina makhumhaimana. Kha thaomei sharkhavai meishongli haida shimlungli khalei saikorana kahor samphanga. 16Nathumwui kahor chi mibingwui mangāli horngasaklu, chithākha athumna nathumwui kaphā otsak chi theilaga kazingramli khalei nathumwui Avāli masochikatra.

Ainwui pongli Tamkachithei

17“Ain eina marān tui chi shimān ngasakida I kharāna da maphaningalu. Chi shimān ngasakida kharā maningla kha chi ungshung ngasak khavai I kharāna. 18#Lk 16.17; Mk 13.31. Ina nathumli kachangkhat eina kahāng hina, kazingram eina okathui mashimānranglakha eina tangda kala sāki kaji ot saikora masākupranglakha eina tangda ainwui mayekkainao akhala mashimānlakmara. 19#Jam 2.10. Kachikathāna ningkhami paimeikap kajili mahengsanglaga ana kateibingli chi tākam eina sālu da tamchitheiakha mi chi kazing wungramli teomeikap kaja ngasāra. Kha saikora khamayona kala tamkachithei mi chili kazing wungramli khareia ngasā ngasakra. 20Kaja ina nathumli kahāngna, kaja ain kathema eina Phariseebingli nathumna mamashungmeirarakha kachilikha nathum kazing wungramli mazangrarmara.

Malungkhavātwui pongli Tamkachithei

(Lk 12.57-59)

21 # Sho 20.13; Khal 5.17; 16.18. “Achālakhawui mibingli, ‘Mi mashaothatpaimana, kachikathāna shaothatakha ali bichar sāphalungra’ da hāngkahai nathumna shāhaira. 22Kha ina nathumli kahāngna, kachikathāna khi ngalangkha maleila achināli malungvātakha ali bichar sāphalungra. Kachikathāna achināli yomtui matuiakha ali hanga̱shimli khuikāra kala kachikathāna ‘Makānkhana mangkhama̱ mi!’ da phorakha meifali horsangra. 23Chiwui vang eina nana hanphutpamli nawui kachigat chigatkida leilakha nachināna nali makhamayā leili da phaningungakha, 24nawui chigat khavai chi hanphut mangāli haisālu, hanunglaga rimeithuida nachināli ngashimkhuifalu. Chiwui thili rālaga rāchigatnaolu.

25 # Lk 12.57-59. “Kachikathāna nali hanga̱ hokaakha kārot kākhavai zatta leilakha nali kaphena mi chili thaklāk eina mashitkhuilu. Chi mathaakha ana nali bicharwoli mikāhaipai kala bicharwona kashinali misangmaronlaga nali phātopli sanghaipai. 26Ina nali kachangkhat eina kahāngna, nana leiman chi marunkupranglakha eina tangda nali kachilikhala phātopwui eina machishotlakmara.

Phokaphāwui pongli Tamkachithei

27 # Sho 20.14; Khal 5.18. “‘Maphophāpaimana’ da tamchithei kahai nathumna shāhaira. 28Kha ina nathumli kahāngna, sha̱naoli phasāwui khamathang mikyan eina khayang mi kachiva̱ sha̱nao chili awui wuklungli rida phophāhaira. 29#Mk 9.43-48; Mat 18.8-9. Nawui yāmikna nali morei sāngasakta leiakha chi latshoklaga horhaolu. Nawui phasā tongtingda meifali horsanghaoki kajile naphasākai akha kashimāna phāmei. 30Nawui yāpangna nali morei sāngasakakha chi katatlaga horhaolu. Naphasā tongtingda meifali horsangki kajile naphasākai akha kashimāna phāmei.

Preigahar Kapāngwui pongli Tamkachithei

(Mat 19.9; Mk 10.11-12; Lk 16.18)

31 # Lk 16.18; Mk 10.11-12; Mat 19.9; 1 Cor 7.10-11; Khal 24.1-4. “Hithadala hānghai, ‘Kachikathāna apreiva̱li pānghaiakha ana pāngkahaiwui lairik chi sha̱naopāva̱li miranu.’ 32Kha ina nathumli kahāng hina, kachikathāna phokaphāwui vang maningla apreiva̱li pānghaiakha ana preiva̱li phokaphāva̱ sāngasaka; kala pāngkahai preiva̱li khangakuma mipā chi phophāhaira.

Shākhi Kasāwui pongli Tamkachithei

33 # Mat 23.16-22; Jam 5.12; Pāng 19.12; Mis 30.2; Khal 23.21. “Chili lāngda achālakhawui mibingli hāngkahai chi nathumna shāhaira, ‘Shākhi masāphāphaalu. Kha nana Proholi ngashit kahai chi sālu.’ 34Kha ina nathumli kahāngna, tuingashit kasā tharan shākhi masālakalu, kazingwui ming singdala shākhi masālakalu, khikhalajila chiya Varewui pamkhavaina; 35#Isa 66.1; Ots 7.49; Laa 48.2. ngaleiwui ming singdala shākhi masālakalu, khikhalajila chiya awui phei naikhavaina. Jerusalemwui mingla masingalu, khikhalajila hi kahaka Awungawui keinungna, 36kala nakui singdala shākhi masāalu, kaja nana sampā akha eina tangda zikkhangasakla, charkhangasakla masārarmana. 37‘Ya’ jikha jilu, ‘Ngga’ jiakha jilu; chili lāngda khamatui chi makaphāwui eina kashokna.

Athut Kakhuiwui pongli Tamkachithei

(Lk 6.29-30)

38 # Sho 21.24; Pāng 24.20; Khal 19.21. “Hithada, ‘Mik akhawui vang mik akha kala ahā akhawui vang ahā akha’ da hāngkahai nathumna shāhaira. 39#Lk 6.29-30; 1 Cor 6.7; Rom 12.17; 1 Pet 2.19; 3.9; Chān 24.29. Kha ina nathumli kahāngna: Nali khalāng ot sākahaia chili athut makhuialu, kha namaisor yāshong kapheakha lākhavākla ngareimilu. 40Kachikathāna nawui phahonwui vang nali kārotli khuivaakha nawui coatla minarhaolu. 41Kachikathāna nali awui ot kilometer akha phungvāmi khavai tandi saakha kilometer khani phungvāmilu. 42Nali kapo mi chili milu kala nawui eina shukka kaje chili chishutlu.”

Yangkasheli Leikashi

(Lk 6.27-28,32-36)

43 # Lk 6.27-28,32-36; Pāng 19.18; Chān 25.21-22. “Hithada ‘Nawui khongnainaoli leishilu kala yangkasheli yangkharinglu’ da kapi kahai nathumna shāhaira. 44Kha ina nathumli kahāngna, nathumwui yangkasheli leishilu kala rekakharekabingwui vang seihā sāmilu. 45Chithākha nathum kazingramli khaleiya nathumwui Avāwui naongarā ngasāpaira; kaja ana kaphālila makaphālila zimik shokmi kala khamashungalila, makhamashungalila kazing rotāmi. 46Nathumwui leikashemāngli nathumna leishiakha khi sāman samphangrakhala? Khājanā khalokabingnala chithada masāmalā? 47Nathumna nachi nāngarāmāngli ngahānngaiakha kateibingli nathumna mataimeida kasā khi leikhala? Vareli makatheibingnala chithada masāmalā? 48#Pāng 19.2. Chiwui vang eina kazingli khaleia nathumwui Avāna kākashung chithada nathumla kāshungphalungra.”

Currently Selected:

MATTHEW 5: TANGBSI

Highlight

Copy