MATTHEW 26

Jishuli Shaothat khavai Khangarān

(Mk 14.1-2; Lk 22.1-2; Joh 11.45-53)

1 # Mat 7.28; 11.1; 13.53; 19.1. Jishuna tui saikora chi hāngkup kahaiwui thili awui sākhangatha̱bingli hānga, 2#Mk 14.1-2; Lk 22.1-2; Joh 11.47-53. “Khanithangwui thili Makānkhami Phanit sāra kaji nathumna thei, kala miwui Naomayarali krushtungli shaothat khavai horsanghaora.”

3Chiwui thili pāngmon akhokabing eina ararbing, Caiaphas kaho pāngmon kharewui dolānli kazipngaruma, 4kala Jishuli ngathum sāda tukkhuilaga shaothat khavai khangarān sai. 5Kha athumna hānga, “Phanitlungli majisa, kaja mibingwui alungli khonkazār shokhaora.”

Jishuli Bethanyli Thao Neokhami

(Mk 14.3-9; Joh 12.1-8)

6 # Mk 14.3-9; Joh 12.1-8; Lk 7.36-38. Jishu Bethanyli phārrei kakazā Simonwui shimli leilakha, 7Jishuna phazāda khalei tableli sha̱nao akhana aman kasaka thao ngalunghamnao akhali sanglaga Jishuwuili rāda awui kuitungli heirora. 8Kha sākhangatha̱bing china chi kathei eina malungvāthaida hānga, “Khisāda aremali shimān khangasakkhala?” 9“Thao hi aman kachungkha eina yorkhuilaga kachāmabingli mihaipai!” 10Kha athumna kahāng chi Jishuna theida athumli hānga, “Khisāda nathumna sha̱naopāva̱ hili sheikhautkhala? Ana ili khamathā ot sāmihaira. 11#Khal 15.11. Kachāmabingli nathum ngasopamchingfara kha nathum ili mangasopamchingmara. 12#Joh 19.40. Ana iwui phasāli thao neokhami hi ili chizanpai khavaiwui khangarān sākhamina. 13Kachangkhat ina nathumli kahāngna, okathui apam hupvali paokaphā hi hāshok kachida, ana khi samikhala kaji hi ali phaningkhaung sāda hāngchitheira.”

Jishuli Yansaikhavai Judasna Khamayā

(Mk 14.10-11; Lk 22.3-6)

14 # Mk 14.10-11; Lk 22.3-6. Chiwui thili tharāda khaniwui ngachaili Judas Iscariot kaho china pāngmon akhokabingwuili vada 15#Sho 21.32; Zec 11.12. hānga, “Ina ali nathumwui pāngli miakha, nathumna ili khi mirakhala?” Athumna lupā thumrā shānshoklaga ali mihaowa. 16Chithang eina thuilaga ana yansai khavai atam kachā phāhaowa.

Sākhangatha̱bingli Ngasoda Makānkhami Phanit Phāzāt Zākharum

(Mk 14.12-21; Lk 22.7-14; 21.23; Joh 13.21-30)

17 # Mk 14.12-16; Lk 22.7-13. Khawok makazanga khamui Phanitwui kharethang sākhangatha̱bingna Jishuli rāngahāna, “Makānkhamiwui phāzat zākhavai nana ithumli kali khangarān sālu jikhala?” 18#Mat 26.45; Joh 7.6; 12.23; 13.1; 17.1. Ana hānga, “Keinungli vāda kachikathā mi akhali ahānglu, ‘Ojā china hānga, iwui atam nganailakhaira; nawui shimli iwui sākhangatha̱bingli ngasoda Makānkhami Phanit chi mayonra.’” 19#Mat 21.6; Khal 16.5-8. Chieina sākhangatha̱bingna Jishuna athumli hāngkahai chi tāzak eina sai kala Makānkhamiwui zātkhān chi ngarānhaowa.

20 # Mk 14.17-21; Lk 22.14,21-23; Joh 13.21-30. Kazing yingkahai eina ana awui sākhangatha̱ tharāda khani ngasoda phazā khavai pama; 21athumna phazāmahunglakha Jishuna hānga, “Kachangkhat eina ina nathumli kahāngna, nathumwui ngachaili mi akhana ili yansaira.”

22Kala athum wukkhananglakhaoda athum kachiva̱na, “Chi ila, Proho” da ngahāna.

23Jishuna ngahānkai, “Khongphei akhali awui khamui ili rurshaikhangaruma china ili yansaira. 24#Laa 41.9; Lk 24.25; 1 Cor 15.3; Ots 17.2-3; Mat 18.7. Awui pongli kapihaikasā thada miwui Naomayarava jimara kha miwui Naomayarali yankasaia chiva kalākashi ngasaranu! Mi chiwui vanga marāpharākasāna phāmeikharra.”

25Yorkazā Judasnala “Proho, chi ilā?” da ngahāna.

Jishuna ngahānkai, “Chi nana hānghaira.”

Prohowui Phākachizat

(Mk 14.22-26; Lk 22.14-20; 1 Cor 11.23-25)

26 # Mk 14.22-25; Lk 22.17-19; 1 Cor 10.16; 11.23-26; Mat 14.19; 15.36. Athum phazāmahunglakha Jishuna khamui khuida ningkashiwui seihā sāhailaga khamui chi serkhaida athumli mida hānga, “Khuilu, shailu, hi iwui asāna.” 27Chiwui thili ana tengkot akha khuida Vareli ningkashi mihailaga athumli mida hānga, “Nathum saikora hiwui eina manglu; 28#Heb 9.20; Mat 20.28; Mk 1.4; Sho 24.6-8. khikhalajila hi tuingashitwui iwui asheena, morei pheomi khavai kachungkhawui vang heishokkhamina. 29Ina nathumli kahāngna, iwui Avāwui wungramli nathumli ngasoda kadhara drakhāra̱ mangrumki kaji zimiksho marāranglakha eina tangda ina drākhārong hiwui mamangluimara.”

30 # Mk 14.26-31; Lk 22.33-34,39; Joh 14.31; 18.1; 13.36-38. Kala athumna masotlaa akha sāchanghailaga Olive phungreili vāhaowa.

Peterna Hatki kaji Hāngkhamarān

(Mk 14.27-31; Lk 22.31-34; Joh 13.36-38)

31 # Zec 13.7; Joh 16.32. Chiwui thili Jishuna athumli hānga, “Arui ngayā nathum saikora imangli horhailaga yāmserhaora, kaja kathara lairikli hithada kapihai, ‘Ina yaokahomali sāthathaora kala yao ashangva̱ chi chaiyānghaora.’ 32#Mat 28.7,10; 16. Kha I ringshok kahaiwui thili nathumli ina Galileeli rida vāra.”

33Peterna Jishuli hānga, “Athum yāmserhailala I mayāmlakmara.”

34Jishuna Peterli hānga, “Kachangkhat eina ina nali kahāngna, arui ngayā harvāna makhongranglakha nana ili matheimana da kathum shida hatra.”

35Peterna ngahānkai, “Nali ngasoda shaothatrumra jilala ina chi mahatlakmara.”

Kala sākhangatha̱ saikoranala chithada hāngsera.

Jishuna Gethsemaneli Seihā Kasā

(Mk 14.32-42; Lk 22.39-46)

36 # Mk 14.32-42; Lk 22.40-46. Chiwui thili Jishuna awui sākhangatha̱bingli ngasoda Gethsemane kaho apam chili vai kala Jishuna athumli, “Ina vāda seihā sāda leilakha nathum hili pamsālu” da hānga. 37Ana Peter kala Zebedeewui naomayara khanili thānkhui. A kakhanang sikafana pemhaowa. 38#Joh 12.27; Heb 5.7-8. Kala ana athumli hānga, “I wukakhanangna thiki jiura, hili nathum ningkharikta yangpamsālu.” 39#Joh 18.11; Mat 20.22. Ana khavāmeilaga ngaleili ngakhumshām zangda seihā sai, “iwui Avā, sāpaisi kaja kakhanangwui tengkot hi iwui eina khuithuimihaolu! Chithālala iwui kaphaning maningmana kha nawui kaphaning eina vailu.” 40Chiwui thili awui sākhangatha̱ kathum chili hanunga kala athum piphup eina leisai. Chieina ana Peterli hānga, “Nathumna ili ngasoda pungkhamāngla mahonpamrarmala? 41#Mat 6.13; Lk 11.4. Ngasharlu, mapihailu, kala nathum kasuili matāzang khavai seihā sālu; manglāva sāngaikachangkhata, kha asāna ngazanhaowa.” 42#Joh 4.34; 5.30; 6.38. Latluida, kakhanelila Jishuna seiha vāsālui’ “Avā, ina hi makhamang masāpaimara jilala, nawui kaphaning eina vaimilu.” 43Ana hanungluishit kaji tharan sākhangatha̱bing pida leisai, athum mikla marakrarthuwa. 44Jishuna athumli haiphunglaga vāluishita kala kakathumalila ngaraikachā tui chi hānglaga seihā sālui. 45#Mat 26.18; Joh 12.23; 13.1; 17.1. Chiwui thili ana sākhangatha̱bingli hanunglaga athumli hānga, “Nathum aruila pida ngasāmda leifala? Yanglu, miwui Naomayarali morei kaphungbingwui pāngli horsangmiki kaji atam chi rāhaira. 46Ngakarthuilu, zatusa, yanglu, ili yansaiki kaji hili rāhaira.”

Jishuli Tukkakhui

(Mk 14.43-50; Lk 22.47-53; Joh 18.3-12)

47 # Mk 14.43-50; Lk 22.47-53; Joh 18.2-11. Jishuna matuimahungda leilakha tharāda khaniwuili zangkasā Judasli ngasoda mi kachungkha thinghun kala raighai singlaga athumwui pāngmon akhokabing eina hangva̱naobingwui eina rai. 48Yansaiki kaje china athumli ingkit akha milaga hānga, “Ina amaya̱ki kaje chi a kho; ali tukkhuilu!” 49Judas hengsāda Jishuwuili vai kala, “Ojā, nali chingrihairanu” da hānglaga amaya̱ya. 50#Mat 20.13; 22.12. Jishuna ali hānga, “Ngasotnao, na khisāda hili leili?” Chieina athumna rāda Jishuli pāng parra kala tukkhuihaowa. 51Kala yanglu, Jishuli ngasokasā mi akhana awui pāng katingshokta raighai sutkhuilaga pāngmon akhokawui rao akhawui khanā yortāmihaowa. 52#Hao 9.6; Phon 13.10. Chieina Jishuna ali hānga, “Raighai chi raighaihonli sanghaolu; kaja raighai kasing katonga raighai eina shimānra. 53Ina iwui Avāli poakha ana kazingrao ashang tharāda khanili lāngda hengsāda chihorāshapra da nathum matheimalā? 54Kha chithāhaosi kaja kathada Kathara Lairikli kapi kahai hithada shokphalungra kaji chi ungshungpairakhala?” 55#Lk 19.47; Joh 18.19-21. Pung chichangli Jishuna yarui chili hānga, “Ili nathumna khaleli tukkakhui thada raighai kala thinghun singda kharālā? Thangkachida khorumshimli ina nathumli ngasopamlaga tamchithei, kha nathumna ili matukkhuimana. 56Kha kashok saikora hi marānbingwui Kathara Lairik chi ungshung khavaiwui vangna.” Chiwui thili sākhangatha̱bingna ali chihohaida yāmserhaowa.

Jishuna Hangva̱li Kākhanganing

(Mk 14.53-65; Lk 22.54-55,63-71; Joh 18.13-14,19-24)

57 # Mk 14.53-72; Lk 22.54-71; Joh 18.12-27. Jishuli tukkakhuiya mibing china ali pāngmon kharei Caiaphaswui shimli khuivai, chili ain kathemabing eina ararbing kazipta leisai. 58Peterna pāngmon khareiwui kayāng vāshungda lachāham eina shurvai, ana alungli zanglaga akatang chi yangkhui khavai shantribingli ngasopama. 59Pāngmon akhokabing eina hangva̱naobingna Jishuli shaothat khavai makhamashunga shākhi phai, 60kha mi tarākhana awuitungli kakapika shākhi kachungkha rāmilala, khuikapai akhala mazangthuwa. Naomeikapta mi khanina nganingkāda 61#Mat 24.2; 27.40; Ots 6.14; Joh 2.19. hānga, “Mipā hina hānga, ‘Ina khorumshim chi sākhaishapa kala kathumthanglungli sakāluishitshapa.’”

62Kala pāngmon kharei china ngakarthuida Jishuli hānga, “Nali kaphen hili ngahānkā khavai maleimalā? Mibing hina nawuitungli shākhi khami hi khida?” 63#Mat 27.11; Joh 18.33. Kha Jishuna khikha mangahānkāla kasainakha pamhaowa. Chieina pāngmon kharei china ali hāngluishita, “Ina kharinga Vareli mingzaida kahāngna: na Varewui Naomayara, Khrista china jiakha ithumli hānglu.”

64 # Mat 16.28; Dan 7.13; Laa 110.1. Jishuna ali ngahānkai, “Chi nana hānghaira. Kha kachangkhat eina ina nathum saikorali kahāngna, aruiwui eina thuilaga miwui Naomayarana Sāshapawui yāshong kapam kala muiyātungli tongda kharā nathumna theira!”

65 # Mis 14.6; Ots 14.14; Pāng 24.16. Chichangli pāngmon kharei china awui kachon serkhākta hānga, “Vareli kachipat tuina! Ithumna hili lāngda shākhi khangatei darkar masāluimana. Ana kachipat tui khamatui nathumna shāhaira. 66Nathumwui kaphaning khikhala?” Athumna ngahānkai, “A thingayia.”

67Chiwui thili athumna amaili machora̱ mashorrorda kashaola shaowa, kala kaikhana kakaphela kapheda 68hānga, “Ithumli phongmilu, Khrista! Khipāna nali shaolikhala?”

Peterna Jishuli Kahat

(Mk 14.66-72; Lk 22.56-62; Joh 18.15-18,25-27)

69Peter kayāng chiwui ayarli pamsai. Kala rao sha̱nao akha awuili rāda ali hānga, “Nala Galileepā Jishuli ngasosai?” 70Kha Peterna athum saikorawui mangāli mamayāmada hānga, “Na khi kahāngkhala I matheimana.” 71Kala ana kayāng shokkhavai varandashong khavā tharan raosha̱nao khangatei akhana ali theida chili pamkasā mibing chili hānga, “Ala Nazarethwui Jishuli ngasosai.” 72Latluida Peterna mamayāmada mingzaida “I mipā chili matheimana” da ngahānkai. 73Khaleilaga chili nganingkasābing china Peterli rāda hānga, “Kachangkhat eina nala athumli ngasokasā akhana, nawui tuimatui eina thei.” 74Chiwui thili Peterna a khalatta khonshāt pokhuida shākhi sāda hānga, “Ina khamashung tui matui kala mingkazaina! Ina khamashung tui mamatuimana jiakha Varena ili tandi miranu, I mipā chili matheimana.” Chichang chili harvā khonguwa, 75#Mat 26.34. kala Jishuna ali hāngkahai, “Harvāna makhongranglakha nana ili kathumshida hatra” kaji Peterna phaningunga. Chieina ana kayāngli shokta soso chapa.

Currently Selected:

MATTHEW 26: TANGBSI

Highlight

Copy