MATTHEW 25

Ngalā Tharāwui Chānjam

1 # Lk 12.35-38; Mk 13.34. “Kazing wungram chiya thaomei singlaga mākakhāmali samphang khavai khavā ngalā tharāli ngaheopai. 2#Mat 7.24-27. Phangāva mangma̱ya kala phangāna thangmei. 3Kaja mangkhama̱bing china thaomei khuiphunga, kha thaora̱ makhuiphungmana, 4kha thangkhameibing china athumwui thaomeiwui vang thaokhong pemda thaora̱ khuiphunga. 5Mākakhāma china kharā huihaoda athum chi singutphokuwa kala piphuphaowa. 6Kha ngayā sailungphup atamli ‘Yanglu, mākakhāmali! Ali samphang khavai rālu!’ da vaowa. 7Chieina ngalā tharā china ngakarthuida athumwui thaomei shara. 8Kala mangkhama̱bing china thangkhameibing chili hānga, ‘Ithumli nathumwui thaora̱ khangayarmilu, ithumwui thaomei mitki jihaira.’ 9Kha thangkhameibing china ngahānkai, ‘Ithumwui vangla nathumwui vangla mangachangmaraomana. Thaora̱ khayorpamli vālaga nathum khalatta alokhuitha̱lu.’ 10#Phon 19.9. Athumna thaora̱ lokhavai thuikahai tharan ma̱kakha̱ma chi rāhaowa kala ngarānping kahai ngalāva̱bing china ali ngasoda shakazāwui zātkhāngli azanguwa, kala khamong shunghaowa. 11#Lk 13.25; Mat 7.21-23. “Khaleilaga khangatei ngalāva̱bing chila rāda, ‘Amei, Amei, ithumlila kashomilu’ da hānga. 12Kha ana hānga, ‘Kachangkhat ina nathumli kahāngna, nathumli I matheimana.’

13 # Mat 24.42; Mk 13.35; Lk 12.40. “Chiwui vang eina rimpamlu, khikhalajila nathumna zimiksho kala pung chi matheimana.

Rao Kathumwui Chānjam

(Lk 19.11-27)

14 # Lk 19.12-28. “Kaja mi akha kha̱ram vauki kaji eina awui raobingli hokhuilaga awui khalalei lan athumwui pāngli horsangmi kahai kathāna; 15akhali ana talent phangā mi, khangatei akhali khani mi kala khangatei akhali akha mi, ava̱va̱li awui sākashap athishurda mi. Chiwui thili zatthuihaowa. 16Talent phangā samkaphanga china ngalāngda leih vāsālaga talent phangā tongkhui. 17Hithada sāda talent khani samkaphanga mi chinala talent khani tongkhui. 18Kha talent akha samkaphanga china ngaleikhur achuilaga ana samkaphang chi chili chuiphumhaowa.

19 # Mat 18.23. Ara atam kasangkhawui thili raobingwui akhavā chi hanunglaga athumli ngasoda talentwui hishap sai. 20Chieina talent phangā samkaphangpā china khangatei phangā mataida khuirāda hānga, ‘Amei, nana ili talent phangā mi, hili ina khangatei talent phangā tongkhuihaira.’ 21#Lk 16.10; Mat 24.45. Awui akhavā china ali hānga, ‘Phālakhaira, kaphā kala shitsangkapaiya rao, nana ot kateowa hi ningtonglak eina shikachinwui vang ina nali ot tarākhawuitungli akhavā sāngasakra; nawui akhavāwui khamathānli zanglu.’ 22“Talent khani samkaphangpā chinala khangatei khani mataida khuirāda hānga, ‘Amei, nana ili talent khani mi, ina khangatei talent khani tongkhuihaira.’ 23Awui akhavā china hānga, ‘Phālakhaira, kaphā kala shitsang kapaiya rao! Nana kateowa ot hi ningtongda kasawui vang nali chungkhameiwuitungli akhavā sāngasakra. Nawui akhavāwui khamathānli zanglu.’ 24“Talent akha samkaphangpā chinala rāhānga, ‘Amei, na ngasakkashe mina da ina thei; nava mayaola hātkakhuiya kala mahamla kazipkakhuia mina; 25chiwui vang eina I ngacheehaoda nawui talent chi ngaleilungli achuiphumhaowa. Nawui chi na jihaolu.’ 26Kha awui akhavā china ali ngahānkai, ‘Makaphā, ngachāngmakakā rao! Ina mayaola hātkhui kala mahamla kazipkhui kaji nana theilamā? 27Iwui pheisā hi na pheisā kazipshimli sanghaisa ngayia, chithāsi kaja I hankhaungli atār eina ngasoda ina samphangra. 28Chieina talent chi awui eina khuilaga talent tharā samkaphanga mipā chili mihaolu, 29#Mat 13.12; Mk 4.25; Lk 8.18. Khikhalajila khaleia mi kachiva̱li chungmeida mirorra, kala ana sorngasaida leira; kha makhaleia mi chiwui eina awui kateokha khalei chila khuithuihaora. 30#Mat 8.12; 13.42,50; 22.13; Lk 13.28. Kala makānkhanā rao chili tangkhamang ayar chili horshokhaora; chili mibingna kachapla chapra, ahāla tarira.’

Khanaowa Bichar

31 # Mat 16.27; 19.28. “Miwui naomayarana awui tekhamatei eina kazingraobingli ngasoda kharā tharan, Ishameina awui tekhamatei wungpamkhongli pamra. 32#Ezek 34.17. Awui mangāli miyur saikora kazipkhuira, kala yaokahomana mebingwui eina yaobing chi ngatei phākkakhui thada ana athumli ngatei ngasakhaora, 33yaobingli awui yāshong kala mebingli awui uishong haira. 34#Lk 12.32; Mat 5.3; Phon 13.8; 17.8. Chiwui thili Awungana awui yāshong khaleibing chili hāngra, ‘Rālu, ishāvāna sokhamebing, okathui sākaphokwui eina nathumwui vang ngarān kahai wungram chi mathunkhuilu; 35#Isa 58.7; Jam 1.27; 2.15-16; Heb 13.2; 2 Tim 1.16. khikhalajila I thaisai kala nathumna mizai, I ra̱changsai kala nathumna mimanga; I kha̱mi sasai kala nathuna chizuna, 36I asāmsai eina leilakha nathumna ngavaimi; I kazālakha nathumna ngahāmi, I phātopli leilakha nathumna rāyangmi.’

37Chieina khangarongabing china ali ngahānkāra, ‘Proho, na kathai kala ra̱kachang ithumna katharān theida nali mizā lah mimangkhala? 38Na kha̱mi akha sāda ithumna katharan hosangkhala lah na asāmsai eina leida katharan ngavaimikhala? 39Na kagazā kala phātopli kazang ithumna katharan theida rāyangmikhala?’ 40#Mat 10.42; Mk 9.41; Heb 6.10; Chān 19.17. Chieina Awunga china ngahānkāra, ‘Kachangkhat ina nathumli kahāngna, ichinābingwui ngachaili teomeikap kaje akhali nathumna sāmi kahai chi nathumna ili sākhamina.’ 41#Mk 9.48; Lk 16.23; Phon 20.10. “Chiwui thili awui uishong khaleibing chili ana hāngra, ‘Khonshi kahaibing, nathum iwui eina thuihaolu kala chipee eina awui kazingraobingwui vang ngarān kahai katang makhavai meifa chili vāulu; 42kaja I thaisai kala nathumna mamizāmana, I ra̱changsai kala nathumna mamimangmana, 43Ina kha̱mi sasai kala nathumna ili mahosangmimana; mahongsai, mangavaimimana; kazāsai kala phātopli leisai, mayangmimana.’

44“Chieina athumnala ngahānkāra, ‘Proho, na kathai lah ra̱kachang lah kha̱mi lah khamahong lah kakazā lah phātop kazang ithumna katharan theida nali sheba masāmithukhala?’ 45Chieina ana athumli ngahānkāra, ‘Kachangkhat ina nathumli kahāngna, nathumna teomeikap kaje akhali masākhami chi ili masākhamina.’ 46#Dan 12.2; Joh 5.29. Kala athum katang makhavai tandipamli vāra, kha khamashungbingna katang makhavai kharingpamli vāra.”

Currently Selected:

MATTHEW 25: TANGBSI

Highlight

Copy