MALACHI 2
2
1Ara, O pāngmonbing, ningkhami hi nathumwui vangna: 2Nathumna manganāsangakha, iwui mingli tekhamatei mikhavai wuklungli mahaiakha, khonkashi chi ina nathumwuitungli chihorāra kala nathumli somi kahai chili ina khonshira; kachangkhat hangga jiakha ina athumli khonshihaira, kachiwui vangkhala kaja chi nathumna wuklungli mahaimana da saikorawui Prohona hānga. 3Yanglu, nathumwui ara̱-azāli ina maishi ngasakra, kala nathumwui maili nathumna kachigat sāyurwui paih neomira, kala ina nathumli iwui eina khuishokhaora. 4#Mis 3.11-13. Chieina ningkhami hi ina nathumli chihokharāna kaji theira, kaja ina Levili tuingashit sākahai chi nganingchingra da saikorawui Prohona hānga.
5 #
Mis 25.12. “Ina ali ngashit kahai tuingashit chi kharinga kala chingri kahaiwui tuingashitna, kaja ina ali chibing chi mi, chithāda ana ngachee khavaina; kala ana ili ngacheeya, ana iwui mingli ngacheerang eina nganinga. 6Khamashung tui hāngkachithei chi awui khamorli lei, kala awui morchaili khangui khikha masamphangmana. Chingri kahai eina mashunli ana ili ngasozata, kala khayonkhamāngwui eina kachungkhali latung ngasaka. 7Khikhalajila pāngmon akhawui morchai eina theikakhui chi mayonphalungra, kala mibingna awui khamorwui eina hāngkachithei chi phāphalungra, kaja a saikorawui Prohowui paophungana.
8“Kha nathumna apong chiwui vang eina mai ngareithuihaira; nathumna hāngkachithei china mi kachungkhali konglui ngasakhaira; kala Leviwui tuingashit chi makhao ngasakhaira, da saikorawui Prohona hānga, 9Iwui tui makhamayon chiyākha kala mijang sāda tamkachithei chiwui athishurda inala nathumli miwui mangāli yangkharingda maishi ngasakra.”
Israelwui Kahāng Makhanganā
10Ithum saikora avāva̱ akhawui maningmala? Vare akhamāngna ithumli kasā maningmala? Chithākha ithumwui avāngarāwui tuingashit chi horhailaga khiwui vang ithum akha eina akha mashitsang ngarokthukhala? 11Judahna mashitsangthura, kala khamakhao ot chi Israel eina Jerusalemwui lungli sāhaira; kaja Prohona leikashi khorum khavaipam chi Judahna sāmakhaohaira, kala ngalei kateiwui varebingwui nao ngalāva̱bingli khui. 12Hikatha kasā mi chili Prohona Jacobwui shimkhurwuiranu, shākhi khamila, ngahānkakāla lah saikorawui Proholi kachigat khuikharāla katathaoranu.
13Kala nathumna hila sai, nathumna Prohowui hanphutpam chi chāra̱ eina, kachap eina, kala sikafa eina pemngasaka, kaja kachigat chili ana mayangsangmiluimana. 14Khisāda mayangsangmithukhala? da nathumna ngahāna. Khikhalajila nana yāronlakha tuingashit sālaga napreiva̱̱ kala nawui ngasokapamva̱ sāra da khuikahaiva̱ napreiva̱li ningtongda maleikashiwui vang Prohona makhamayāna. 15Akhamang kaje Vare china Ithumli semhailaga kharing manglā china ithumli ringkhangasak maningmala? Kala ana khi ningchangkhala? Vareli kaphaninga ara̱-azā china. Chieina nathum khalatta ngasharlu, kala khipānakha awui yaronlakhawui preiva̱̱ chili khayāmakashi masaaranu. 16“Khikhalajila ngalā kapāng hi ina ningkachaiya” da Israelwui Proho Varena hānga; “kala khangama̱ khangashao eina sāri fakharor chi ningkachaiya da saikorawui Prohona hānga. Chieina ningngasharlu, kala mashitkasang masaalu.”
Bichar Kasā Zimiksho
17Nathumwui tuina Proholi ningrāk ngasakhaira. Laga nathumna, “Ithumna ali kathāda ningrāk ngasakhaokhala?” ji. “Makaphākasā mi kachiva̱ Prohowui miktāli phāya, kala ana chili ningyāng unga” da kahāng eina, lah “Mashunwui Vare kali leikhala?” da kahāng einana.
Currently Selected:
MALACHI 2: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
