JOHN 15

Drakhārong Akachanga Jishu

1 # Isa 5.1-7; Ezek 19.10; Mk 12.1-9; Mat 15.13; Rom 11.17. “I akachanga drakhārong china kala iwui Avāna drakhārong sākhamathaana. 2Athei makhamathei iwui aphāng kachiva̱ ana yortāhai, kala athei khamathei aphāng kachiva̱li chungmei mathei khavai sāmathāmi. 3#Joh 13.10. Ina nathumli tamchithei kahai tui chieina nathumli tharngasakhaira. 4#Joh 6.56; 1 Joh 2.6. Ili zanglu, chieina ina nathumli zangra. Aphāngna arongli maleiakha athei mamatheipaimana, chi tākam eina nathumna ili maleiakha athei mamatheipaimana. 5“Ina drakhārongna, kala nathumna aphāngbingna. Iwuili khaleia kala ina awuili khalei, a chi athei tarakha khamatheia china, kaja I mazangla nathumna khikha masararmana. 6Kachikathāna ili mazangakha aphāng katheng thada katatkhui, kala kazipkhuilaga meili horsangda chuitā ngasaka. 7#Joh 14.13; 16.23; Mat 7.7; Jam 1.5. Nathumna ili zangda iwui tuila nathumli leiakha, nathumna ningkachāng kapopo chi samphangra. 8#Mat 5.16. Hithada nathumwui athei tarākha khamathei china iwui Avāwui tekhamatei phongshoka, kala china nathum iwui sākhangatha̱bingna da chithei. 9Avāna ili leikashi thada ina nathumli leishilāka, iwui leikashili zanglu. 10#Joh 14.15; 1 Joh 5.3. Nathumna iwui ningkhami mayonakha, ina iwui Avāwui ningkhami mayonda awui leikashili khalei thada nathumla iwui leikashili leira. 11“Ina nathumli kahāng hi iwui ringkaphā chi nathumli leikhavai kala nathumwui ringkaphā chi kāshungchao khavai kasāna.

12 # Joh 13.34. Hi iwui ningkhamina, ina nathumli leikashi thada nathum akha eina akha leishi ngaroklu. 13#Rom 5.7; Joh 10.11. Ngasotnaobingwui vang manglā chihokhami hili lāngda hakkhamei leikashi maleimana. 14#Lk 12.4. Ina kakaso chi nathumna saakha, nathum iwui ngasotnaona. 15Ina nathumli rao maholuimana, kachiwui vangkhala kaja akhavāna khi salikhala kaji raona matheimana. Ina nathumli ngasotnao hoi, kachiwui vangkhala kaja ina iwui Avāwui eina shākakhui saikora nathumli hāngserhaira. 16#Joh 6.70; 13.18; 14.13; 16.23. Nathumna ili kapangkakhui maningmana, kha vāda athei mathei khavai kala athei chi mashimān khavai ina nathumli kapangkakhuina kala kachipamna; chieina nathumna iming singda kapo saikora Avāna mira. 17Hi iwui ningkhamina; akha eina akha leishi ngaroklu.

Okathuina Ningkakachai

18 # Joh 7.7; 1 Joh 3.13; Mat 10.22; 24.9. “Apuk-apagvana nathumli ningkachaiakha, ili rida ningkachai kahaina kaji phaningunglu. 19Nathumna apug-apagvawui ngasakha, apuk-apagva̱na awui chili leishira; kha ina nathumli apuk-apagva̱wui eina kapangkhuihaoda nathum apuk-apagva̱wui maningmana, chiwui vang eina apuk-apagva̱na nathumli ningkachai. 20#Joh 13.16; Mat 10.24; 1 Cor 4.12; Ots 4.17; 1 Pet 4.14; Phon 2.3. Ina hāngkahai chi phaningunglu, ‘Raona akhavāli mahakmeimana.’ Athumna ili rekharekakha nathumlila rekharekphalungra; iwui tui khuisangakha nathumwuila khuisangphalungra. 21Kha iwui vang eina athumna nathumli saikora hi sāra, kachiwui vangkhala kaja athumna ili kashirāta chili matheimana. 22#Joh 9.41. Ina athumli marātamchitheisāsi kaja athum morei kasā matheisāmara, kha ara athum moreiwui eina mayāmshokrarmara. 23Ili ningkakachaiya china iwui Avālila ningkachai. 24Khangateina masālakrang kaja ot chi athumwui mangāli masāchitheisāsi kaja athum moreili tātunghaira kaji matheisāmara; kha ara athumna iwui otsak theilaga ilila iwui Avālila ningkachaihaira. 25#Laa 35.19; 69.4. Chithālala hi shokphalungra, kaja ainli kapi kahai ‘Khi ngalangkha maleila athumna ili ningkachaihaira’ kaji hi ungshung khavaina. 26#Joh 14.16,26; 16.7; 1 Joh 2.1; 5.7. Kha Avāwui eina kashoka khamashungwui Manglā, Avāva̱wui eina ina nathumli chihorāki kaji Machinme kharā tharan, ana iwui vang shākhi mira; 27#Joh 19.35; 21.24; 1 Joh 4.14. kala nathumla shākhina, kachiwui vangkhala kaja haokaphokwui eina nathum ili ngasora kahaina.

Currently Selected:

JOHN 15: TANGBSI

Highlight

Copy