ZECHARIAH 5
5
Traichabi Klei Lailik'khyo
1Heirouri keine mai khreiwurbi, heitoubi keimit mangalbi thinarouri, thilak, traichabi klei lailik'khyo khat keine mukur. 2Heirou ane keinung heikngai, “Nangri kou loumulei?” Heirouri keine loumallangkur, “Lailik khyo khat, Dungrani thong somni#5.2: thong somni: Thong somnile, nimanung ft. 30 le malkna. shaang, heirou homrani thong chip#5.2: thong chip: thong chiple, nimanung ft. 15 le malkna. paak khat traichabi klei heiwaya keine mulei.” 3Heirouri ane keinungei shun, “Awari tlaipangpal karyoune wathukkur manchonei tloulhang kyao; kouweiyo toulanungri, lailik heirouri khat lhangrei mayekur hilthungni mucha thimiya maangyerrou; heirou sowal toubi klalni tlou kantomkur thimiyakhi lailik heiyei khatlhang mnaakrei mayekur hilthungni louthutdurou. 4Keine lailik khyo heiwaya malhetthutrou,” toubi Thangwan-Shimleiyei Pu Umpune shunlei. “Heiwani mucha thimiyei cheemra trailhakrou, heirou Keiminra klalni tlou kantomkur thimiyei cheemrakhi trailhakrou; heitoubi lailik'khyo heiwane aicheemra leibine, heitoubi aicheemrei heengro heirou thlung lhuimakne kaangtumchirou.”
5Heirouri keikou tlou kallangkril Thangring heiwane wathukbine keinungei shun, “Asinungri neimitni mangalthilaka, heitoubi wathukbi klei heiri kouweiyo toubi wathilaka.” 6Heirouri keine, “Heiwari kouwo?” toubine loukngai. Heirou Ane, “Heiwari bluk-shangphai khatme.” toubine loushun. Heirouri Ane hanuikhi, “Heiwari tlaipangpalla yai touwurkhou borh lhouya mu'kname,” toubi yenyunthu. 7Heirouri thilak, bluk-shangphai pingkhalna misikhum heiwari khanglatdurla; heitoubi bluk-shangphai rillari napuiya napung-khat ombine louklei. 8Heirou Ane shun, “Ari Khril Lhangaimak hutlhame.” Heisitoubi Ane napuiya heiwiya bluk-shangphai rilla khinglhakkur; heitoubi misi'khumne bluk-shangphai maira hanui pingkhalkur. 9Heirouri keine mangalthutbine thiyei kallouri, thilak, bi'heirou napuiya napung-khni wathukya keine loukmu; heirouri yani sha yapbi yentraithutkur; ngamri yane laangteyaei naksine sha klei; heirou yane bluk-shangphai heiri thleirei khanglouheibi nungthoura traibaangkur. 10Heirouri keikou tlou kallangkril Thangring heiwanungei keine heikngai, “Yane bluk-shangphai heiri koulhangranung khaangloukurro?” 11Heirouri ani keinungei loushun, “Heiwari anungei Shinar#5.11: Shinar: Babylon'ya mu'kna- Kan 11.2; Dan 1.2. ramra cheem khat sabaangna lhangranungeime; heirou yani cheem sachilanungri, bluk-shangphai heiri cheem heiyei rilla bi chani khoulhakpirou.”
Currently Selected:
ZECHARIAH 5: MARIBSI
Highlight
Share
Copy
Want to have your highlights saved across all your devices? Sign up or sign in
Maring Naga Bible - KHYINGEI PU'TLOU
Copyright © 2013 by The Bible Society of India
Used by permission. All rights reserved worldwide.
