LUKE Tlou Youthut
Tlou Youthut
Lukei mayekhou Lhangai Pao-laaei Lailikne kyun, ‘Jesuri Israel rapnung kantompiwurkhou Kalpipu, heirou Tlaipang lim namyernungeikhi Kalpipu khoi.’ Heirou Luke'ne asitoubikhi yunkhoulei touri, ‘Jesuri kanring thimi rapnungei lhangai paolaaya shunthutpinanung Dunpuei Lhawai Khyingne ungthutpikhou Pu khat, heirou lhangai paolaa heiri thimi limlim rapnungei, heitoubi kanring-kanwai, heirou klah-knang thimirap namyerya trungpinanungei hoilei. Lailik aei waiyounara Jesu'ne yongrou younei paoya houklumne shunthutnei tlou, heirou nungkngaiyei paokhi yaolei, heitoubi lailik aei yongdongnarakhi Jesu'ne Thangmunra kawurnei nungkngaiyei paokhi yaolei. Christenyei tangbaangnei lhou rapkhi lailik aya mayekhou thimine Ruishik rapbei Paochanei lailikrakhi mayekhoubi leilei. Jesu heirou Yui luppi John'ya puknei heirou yai douwei wari raple heirou Jesu'ne Galilee'rei waiyoubine Jerusalem phaei touwurkhou lhouwairap heiri lailik arou nimakne deirari yaomaklei, tlourap heiri, Thangring rapne laa sha, Yaosil rapne Jesu pukbi kleiya wathinei tlou, Jesuei douwei Pukhrumna Cheemra leithungurnei tlou, heirou lhangai Samaria napawa khatdei yailim tlou, heirou kanwaikur chanapawa khatdei ngamrou yailim tlou. Lhangai Pao-laaei lailik arou chungne kyunri-Dunpunung shunchanei, Lhawai Khyingei ngamrou, Jesuei khul'lhoura napuiya rapne trungpiwurnei ngam, heirou Dunpune borhya kukpiwurnei ngam rapkhi yunlei.
Rillei Kyaorap:
Tlou Youthut 1.1-4.
John'le Jesu Puknei tlou, heirou yai douwei warirap 1.5-2.52.
Jesu yui lupnei heirou Aya malhimnei 3.21-4.13.
Galilee'rei Jesuei Khul'lhou 4.14-9.50.
Galilee'rei waiyoubi Jerusalem phaei Jesuei Khul'lhou 9.51-19.27.
Luiwai haptaei lhouthuk heirou Jerusalem pongrei toukur lhourap 19.28-23.56.
Jesu katringthutnei, Aiyei sharungya muyernei, heirou Thangmunra kawurnei tlourap 24.1-53.
Currently Selected:
LUKE Tlou Youthut: MARIBSI
Highlight
Share
Copy
Want to have your highlights saved across all your devices? Sign up or sign in
Maring Naga Bible - KHYINGEI PU'TLOU
Copyright © 2013 by The Bible Society of India
Used by permission. All rights reserved worldwide.