HOYOUNA Tlou Youthut
Tlou Youthut
Maye thimi: Moses
Mayenei kum: Christa pukbong kum lishing khatle macha-phali'le somngaei rilla mayekhou.
Tlou rchangh: Lhukthutpi.
‘Exodus’ toubi mu'kna tloulhang heiwaya mallengthutri ‘Hoyouna’ toubi ung. Lailik arouwei kyaori, Israellei thimi rapni kum kounak nai-khoini leikhouna ram Egyptya horkhouwurbi shaalthutdei kaalnang, yaiyei Nutar-Patar rapnung piroume toubine kantombi mardingpikur ramra channi chayei kaallei, kmit naimakni yai chaanlamra leithungnungei lhouthukrap kounakya mayebini khoulei.
Lailik awaya lilkhoini siruk phali thukni khaithut kya: 1. Israel rapya naibom'rouwei malhetthutkur, 2. Yane Sinai Lhungdou lhangranungei hoyoubi chakur, 3. Dunpune yanungei Sinai Lhungdoura kantombi Aiyei chutnaimak chaylamrap touri, yaiyei chorit lammit, cheem-kei paalnei lammit heirou Pu khrumnei lammit rapya mardingpikur, 4. heirou Israel rapbei khoini bi khatrou Pukhrumna Cheem khat phunkanthoubi sabaang-sheembaangnei, heirou Suipipu rapbei chanungei lammitrap, heirou Pukhrumnara chanungei lammit rapbei ngam rapkhi mayepilei. Ngamrap nammaei dourakhi lailik aei yerrouwei lilkhoi tloubom khatri Umpu Dunpune Aiyei thimirap khoini khalthutkur Israel rapya naibomra khoupiwurbi, hillouri nai bom'rouwei malhetthutdurbi, tang Lim khat hunghoinanungei sheembaangpinei tloubom rapkhi mayebi leilei.
Lailik arouwei kyao lilkhoi thimirung heiwari, Dunpune Aiyei thimi rapya Egyptrouwei ruithutpikur thimi khat khoini khalthutpikur Moses heiri. Lailik awaya nammani mubi klei yerrouwei lilkhoi tloubom yunneise toulanungri, Bom somnira mayelhakur ‘Umpuei chaylam chiptam’ heiwari.
Rillei kyaorap:
Israel rapya Egypt'rouwei malhetthutpi. 1.1-15.21.
(a) Egyptra nai hoikhou 1.1-22.
(b) Mosesya pukbi heirou aiyei douwei chaanlam 2.1-4.31.
(c) Moses heirou Aaron'ne Egyptbei Krungle Chrungknani toukril 5.1-11.10.
(d) Ralthutpinei Chaak-khaang heirou Egyptrei Hoyoubi shaalthutkur 12.1-15.21.
Mrao Samadru ralthutdurbi Sinai Lhungdoura kakur 15.22-18.27.
Chaylam tlou heirou Mardingkril 19.1-24.18. Mardingpina Khuiluphi Cheem'le
Pukhrumnei Lammitya shunmatupi 25.1-40.38.
Currently Selected:
HOYOUNA Tlou Youthut: MARIBSI
Highlight
Share
Copy
Want to have your highlights saved across all your devices? Sign up or sign in
Maring Naga Bible - KHYINGEI PU'TLOU
Copyright © 2013 by The Bible Society of India
Used by permission. All rights reserved worldwide.