1 HOKHAMBI BOMPHAHO
BOMPHAHO
Apha Hokhambi Lakdap arka Samuel Lakdap wiinai na Israilnok hokhambi raq mung peng wantaq jaqsham man phan kra tiitho hali waiqto. Ara lakdap arka mantsam na tiikho maitlo: (1) Solomon ka Israil mung nai Juda mung na hokham ma shong wantaq kra. Kiimaq awe Dawit tsaikai akhing na saüli. (2) Mannai ngoja niika Solomon raq hokham jawantaq pat wa jaqsham ong wantaq thun kra chongtlo. Apaiq raq akhek pinthum jaqsham ka Jerusalem na Shomjam hai wantaq kra chongtlo. (3) Mantsam ngoja niika Israil mung ka mung anai miishe tiikho kitaq kra chongtlo. Shekhu nü mungtan nai shemai nü mungtan she tiikho kitaq kra chongtlo. Raüta kra mung anai ka hokhambi raq rawii shitiikaü B. C pat jam na saüli lang wantaq thun manphan kra chongtlo.
Ara Apha Hokhambi lakdap anai ri na hokhambi ka maiqmii loweatek raq Shiikeawe ma maiqmii lungwii tsü thü wantaq kra thaq na seng raüta tsangshiq mungpeng jaqsham kra shin wantlo. Krai mren tsangshiq mungtan jonglu wantlaq kriika ara chongtlaq Shiikeawe ma lungwii tsantsii ka ümtin khan tsaümo rüm wantaq kra thaq na seng raüta jonglu wanto nguta kra tri maq shin wantlo. Kiimaq sumla phra shomnoq wan kha nai Shiikeawe bom kra tlea wan kha na, mung khuthaq na athen ajen chamchao saüto nguta chongtlo. Shekhu nü mungti hokhambi thun kunli ka ara maitai arjaq dea wanto nguta chongtlo. Shatmaq Juda mung pengti hokhambi manphan raüpot niika arshot.
Apha Hokhambi Lakdap na Tatiwe shammibi bom ka akhek atsin maq chongtlo. Kra shammibi raq srea nola tsantsii maq Shiikeawe bomtsi ka chongkuq wanto. Raüta tsangshiq raq mungmaiqse ma sumla phra naqshom noq rongkiq nguta tra hokuq wanto. Kiimaq Shiikeawe bom ka naq tlea rongkiq nguta honlam bomtsi kholam kholiiq chongkuq wanto. Arthun na akhek pinthum jaqsham ka Elija raq Baal phra ramwebi rai riilong wantaq manphan (Akaü 18) na chongtlaq kra riito.
BOMKHUPO THUN
Dawit hokham jaqsham thum 1.1—2.12
Solomon ka hokham ma shongto 2.13-46
Solomon raq mungpeng wan 3.1—11.43
a. Apha wan rawii thun 3.1—4.34
b. Shomjam ka haito 5.1—8.66
c. Kra jaiwa rawii thun jaqsham 9.1—11.43
Mungtan anai ma tiikho kaijai 12.1—22.53
a. Hiqkhu nü mungti maiq phan thun raq raq pong hokham shonghoto 12.1—14.20
b. Juda mung hokhambi nai Israil mung hokhambi 14.21—16.34
c. Shammiwe Elija 17.1—19.21
d. Israil mung Hokhamwe Ahab 20.1—22.40
e. Juda mung hokhamwe Jehoshaphat nai Israil mung hokhamwe Ahajia 22.41-53
Currently Selected:
1 HOKHAMBI BOMPHAHO: TANGSBSI
Highlight
Share
Copy
Want to have your highlights saved across all your devices? Sign up or sign in
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.