MARK ṬONGHLAMSÂT
ṬONGHLAMSÂT
Mark Tamazet Ṭong kaṭha hin hinga ṭong aphut khachu hivahi, “Pathen sapa, Jesu Christa chungchânga Ṭong kaṭha kae.” Jesu hi ratha kaneitak leh ṭōn katlosōt mi kae ti amalâr. Ama ratha neina kha ama’n mi aman theina, ṭaihei chunga ratha aneina, khana mihei setna arangei mandamna heia khan inhmu. Jesu’n ama abinga, mihringhei ansetnaheia inphut masōsōtna sik ahringkhō kapek sik a akahong Mihring Sapa eng kae ati.
Mark in Jesu thuhming hi ama mantheina leh aṭong hrina hei chunga kanek a aṭōn tlona hei chunga khan intlunhrek a rahnaktak a amalâra kae. Tui inhlut John khana Jesu tuihlut leh amathlemna chungchânga katôitek a ahrisō sō leh inrangtak a akasunpa hin Jesu ṭōntlo, ami mantheina leh ami mandamna chungchânga amazetbât a kae. Pha athleng dungjuia, Jesu kahnung kajuihei khan ama kha anhei manhret chet jo, tâk-kha akadōi he’nchu anleihōt chet a kae. Achaina arup heia khan chu Jesu ralei hringkhō atlangtinga kanive, adek a Thingrake chunga anmakhei hlonna leh athōi nôkna kha amalâr.
Ṭong kaṭha rabua aṭong chaina 2 hei, kakekhum shunga aka-om hei hi Mark inzetpa changloa, mihlop tamazet kachang sik tia mihei mandonna ka-om.
Mark Tamazet Ṭong kaṭha hi sonle Mark, John Mark tia’m inhret, tamazet kae tia hmalaia bekrup upahe’n leikahnōm et jo hei.
Jerusalem kha Rome he’n ansukset mak hma, A.D. 50–70 shunga ale’nzet kachang sik tia taksen kae.
Aka-om seng
Ṭong kaṭha inphutna 1.1–13
Galileea mipui kâra Jesu ṭōntlo 1.14–9.50
Galileea inphut Jerusalem katlung 10.1–52
Jerusalem leh avena kanive inchaina 11.1–15.47
Jesu ṭhōi nôk 16.1–8
Akahringsōt Jesu inlârna leh marvân aketouna 16.9–20
Currently Selected:
MARK ṬONGHLAMSÂT: KOMRBSI
Highlight
Share
Copy
Want to have your highlights saved across all your devices? Sign up or sign in
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.