MATTHEW 10

Sonle 12 hei

(Mk 3.13–19; Lk 6.12–16)

1Jesu’n asonle 12 hei ahnenga abek hei khana hri leh rai hei anhnongsōtna sik khana nat leh sat rakip anmandamna sik ratha neina apek jo hei. 2Sonle 12 hei rahming khachu hi kae: hma inkeia Simon (Peter um inti) leh anaipa Andrew; Zebedi sapahei James leh anaipa John; 3Philip leh Bartholomew; Thomas leh ramsêrṭhei ṭōnkatlo Matthew, Alphaeus sapa James, khana Thaddaeas; 4Ram inlungset Simon, khana Jesu kapek sōt Judas Iscariot.

Sonle 12 Atir hei

(Mk 6.7–13; Lk 9.1–6)

5Hiva 12 hei hi Jesu’n hinga mansena leh inṭhōia atirsōt jo hei: “Jât-hlop hei ramṭhen inkhatbek a semak ruh, khana Samaria khōpui inkhatbek a hlutmak ruh. 6Khava kanek a, Israel mihei kemōng inhmanghei hnenga akase sik chei kae. 7Se ruh khana ‘Marvân Rengram kha kahnai jo!’ tia vahrile ruh. 8Akana mandam ruh, akathi manhring ruh, akaphâr mantheng ruh, ṭaihei hnongsōt hei ruh. Mankasea nanrahlâng jo, khava jâra mankasea pek hei ruh. 9Nanmarsha shunga sana, dangka, a-emak leh sum-êng sêr rônmak ruh; 10#1 Cor 9.14; 1 Ti 5.18khana nanhlam hrona sik mi hnenga kut madoa mârsha, a-emak leh zakkō, kekōk leh khōnghre rabo inrôn mak ruh. Ṭōn katlohei kha antarangei seng a’npe sik hei kae.

11“Khōpui a-emak leh khōte shunga nanhlut pha, nangni inhlânghnōm tu mo jong ruh, khana nansesōt mak kârseng ahnenga om ruh. 12Inn kha nanhlut pha, “Lungmōng chen ruh,” tia chibei buk hei ruh. 13Khava innshung mihei khan anrahlâng chei inchu, nanlung mōngna chibei kha anchunga om rasoh; khana anrahlâng mak chei inchu, nanchibei kha losōt male ruh. 14#Ṭōn 13.51Khana innshung leh khōpui ṭhahrep in anrahlâng mak cheia, khana nanṭong anrangei mak inchu, khava hmun kha dahlon ruh khana nankepha a vaiphin kha kathing mathla ruh. 15#Mt 11.24; Aph 19.24-28 #Lk 10.4-12Nanhnenga kahri manchên kae Ṭongtan Ning khava khōpui mihei kanek a Sodom leh Gomorrah mihei chunga Pathen in lungsetna amalârchet sik kae!

Ajōng katlung sik Suk manrimna hei

(Mk 13.9–13; Lk 21.12–17)

16 # Lk 10.3 “Rangei ruh! Kahne rup-hei kâra kemōng kapōa ke’n nangni katir chei kae. Khava jâra mari kapōa insing thei ruh, vaṭhu kapōa malung mannem ruh. 17#Mk 13.9-11; Lk 12.11,12; 21.12-15Insing thei ruh, ajârchu nangni kasur sik leh ṭongtan hmun a nankakei mi hong kasōk sik hei, anmani’n intûpna innheia anvōk sik chei. 18Ajârchu kei jâra ram vaikarônhei leh renghei hmaikunga maher sik a anṭhōi sik chei, anmani hneng leh Jât-hlop hei hneng Ṭong Kaṭha hi hritheina sik a kae. 19Anmani’n anpek sōt chei pha, heimo hri sik khana heikhong mo ṭong sik tia nanmalung manrim mak ruh; apha kha atluk leh nangni’n heimo nanta hri sik kha inpek sik chei. 20Ajârchu nanta hri sik ṭong kha nangni ta changmak nangnia inphut ṭongkahri nan-Pa Rathla khana inphut akahong sik kae.

21 # Mk 13.12; Lk 21.16 “Mihe’n ansōpuihei kha that sik a anpek sōt sik hei, khana pa he’n khang’khan ansapahei anpek sōt sik hei; sahe’n nu leh pa andōi sik khana anthat sik hei. 22#Mt 24.9; Mk 13.13; Lk 21.17; Mt 24.13; Mk 13.13Kei jâra mi rakip in an-en kada sik chei. Tâk achaina katlunga akahnet kha huksōt kachang sik. 23Khōpui inkhat a ansuk manrim chei inchu, abâna khōa tlân ruh. Ajârchu Mihring Sapa ajōngmak kâra Israel khōpui rakip a nanṭōn chaitor mak tin chei ti ke’n kahri manchên kae.

24 # Lk 6.40; Jn 13.16; 15.20 “Lekha inchu inkhat in a-oja kanek a len phungmak; sōk tu inkhat in arōngpu kanek a len phungmak. 25#Mt 9.34; 12.24; Mk 3.22; Lk 11.15Achang jâra them inchu inkhat in a-oja kapō ahongchang sik khana sōk inkhat in akapu kapō ahongchang sik kha atlaipui sik kae. Inn kapu kha Beelzebul anphō’nchu, a-innshung mihei hrep khachu heituk a rahming kasetak vâng antabek sik hei mo!

Tu mo Ṭit sik

(Lk 12.2–7)

26 # Mk 4.22; Lk 8.17 “Khava jâra mihei ṭitmak hei ruh. Tûna makhu sia aka-om hei kha ala’nhlângpet sik kae, khana a’nthup rakip hei kha’m ala’nphông sōt pet sik kae. 27Inthim thōia ke’n nanhnenga kahri hi khōvâra nangni’n nanta hri manther nger sik kae, marûk katia nantathei kha inn chunga nanta hrimanthang nger sik kae. 28Taksa kathat tor tâk rathla kathat tor mak hei kha ṭitmak hei ruh khava kanek a taksa leh rathla akoptōa hmeikhura kathat inhmangtor kha ṭit jôk ruh. 29Ajârchu peisa inkhat rōk a vasak pum hni nanrachôktor, kha’num nanpa manhretna tei loa vasak inkhatbek um raleia tlamak. 30Nangni chu nanlua nansam razang kapha akhenga teisa jo kae. 31Khava jâra ṭimak ruh, nangni chu vasak hingja kanek a nanman katam jôk a kae!

Christa Hnōm leh Hnōm mak

(Lk 12.8–9)

32“Ajârchu mihei hmaikunga kami anchangna kahrisōt hei kha, ke’num marvâna kapa hmaikunga kahrisōt sik hei. 33#2 Ti 2.12Tâk tu inkhat in mihei hmaikunga ani kahnōm mak kha, ke’num marvâna kapa hmaikunga hnōm mak ning.

Mōngna emak, Chemjâm Jôk kae

(Lk 12.51–53; 14.26–27)

34“Raleichunga mōngna karôna akajōng eng tia amandon mak ruh. Kha changmak, inchamna karôna kei jōngmak eng, tâk chemjâm jôk kajōng rôn kae. 35#Mic 7.6Sapase he’n anpahei dōina, sanu he’n annuhei dōina, hmōi he’n anterpi hei dōina sik a kei akajōng eng kae; 36nan-inrepui kaṭhamak pen hei kha nan-innshung mihei kachang sik hei.

37“Kei kanek a apa a-emak leh anu inlungset mi kha kei sonle sik a rahōi changmak; khana kei kanek a asapa a-emak leh asanu inlungset mi kha kei sonle sik a rahōi changmak hei. 38#Mt 16.24; Mk 8.34; Lk 9.23Athingrake indoma kakahnung kajuimak hei kha kei sonle sik rahōi changmak hei. 39#Mt 16.25; Mk 8.35; Lk 9.24; 17.33; Jn 12.25Anhringkhō hnemna kajong hei khan anmanhmang sik, khana kei sik jâra anhringkhō inhmanghei khan anhmu sik.

Inpâkmanhei

(Mk 9.41)

40 # Lk 10.16; Jn 13.20; Mk 9.37; Lk 9.48 “Nangni inhlâng mi khan kei arahlâng eng kae; khana kei inhlâng mi khan anijōng katirpa kha arahlâng kae. 41Pathen ṭongkarôn inkhat kha Pathen ṭongkarôn kae tia inhlâng mi khan, ṭongkarôn tloman kha achanpui sik. Khana mikadik inkhat kha mikadik kae tia inhlâng mi khan, mikadik tloman kha achanpui sik. 42Manchên pek chei kae, tu achang inum kei kajuihei kâra akasintek inkhat hneng kei anijui jâra tuidai kōklei inkhat akapek khan, sôiloa tloman arahlâng sik kae.”

Currently Selected:

MATTHEW 10: KOMRBSI

Highlight

Copy