MALACHI 4
4
Rōngpu Kani Kajōng sik
1Akahratpen Rōngpu’n ati, “Mi inlensak leh mikaṭhamak-hei, hmei in sapôt akâng kapōa ankângna sik kani kha kahong jo. Khava ning anmani kakângsō sik hei, antaksa khatbek um inhmu mak ning. 2Tâk-kha kei ani kajui nangni sik a chu, kei hukna rathahrat nanchunga kanisat kapōa kasōk sik khana kani ra-âng kapōa damna apek sik chei. Serōnga inphut sehratte masōsōt kapōa inpâk a kasōksōt sik jo chei. 3Ke’n ṭōn kha katlosōt ning khan, nangni’n mikaṭhamak-hei kha nantor sik hei, anmani kha nankebōk a vaiphin kapō kachang sik jo hei.
4“Kasōkpa Moses mantheina hei kha mandon ruh, Israel mi rakip hei tajui sik a Sinai Tlânga kaleipek ṭongpek leh dânhei kha.
5“Tâk-kha khava akalen leh ṭit ka-om tak Rōngpu kani kha ahong mak hma nanhnenga sânkathem Elijah kahei tir sik.#Mt 11.14; 17.10-13; Mk 9.11-13; Lk 1.17; Jn 1.21 6Ama’n pahei leh sahei aheiṭhōi manchun nôk sik hei, kha alei changmak inchu kei kahong sik enga kha nanram kaleisuk manhmangsō sik jo kae.”
Currently Selected:
MALACHI 4: KOMRBSI
Highlight
Share
Copy
Want to have your highlights saved across all your devices? Sign up or sign in
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.
