MALACHI 3
3
1 #
Mt 11.10; Mk 1.2; Lk 1.76; 7.27 Chunghnung Rōngpu’n amasôn, “Kei sik a hlam inhleng sik kaṭong karôn mi katir sik. Khava sōa nangni’n nantahngâk a ka-om Rōngpu kha manhret manloa a-Bek-inna kahong sik. Nangni’n nantahmu hnōm ṭongkarôn kha kahong sik khana ka ṭongtep kha aphông sik.”
2 #
Jl 2.11; Ṭph 6.17 Tâk-kha ama ahong pha tu’n mo athōk tor sik? Ama ahong inlâr pha tu mo kahringa aka-om tor sik? Ama kha thirkheng manthengna phûmhmei kapō khana pōnsôpna sâbon ka-ang sik. 3Dangka kakheng intheng inkhat kapōa ṭong katan sik a ama kahong sik. Sana dangka kakheng ṭōnkatlo mi kapōa Rōngpu ṭong karônpa khan thempuhei kha Rōngpu hnenga akadik neinâk anheitōkna sik a asuk mantheng sik hei. 4Khan chu hmalaia kapōa, Rōngpu hnenga Judah leh Jerusalem mihei inthoina heichoi kha amalung tlaina kachang sik jo.
5Chunghnung Rōngpu’n ati, “Ṭong katan sik a nankâra hongkangir sik eng, hmitphedôi kachoihei, mikajônghei, sâkhi kadikmak kapek hei, anṭōn katlohei rathaman kapek mak hei, khana renghmeihei, khana nu leh pa kasehei, khana ram hlop heia inphut hnemna kajōng hei, khana kei kajana anikapek mak hei seng chunga ṭong katan sik.
Sem sôm pekje
6“Kei Rōngpu eng kae, khana kei inthlengtik neimak eng. Khava jâra nangni Jacob sōn leh pârhei ala’nhmangsō mak chei kae. 7Nangni mak hma nanpu-nanpahei kapōa, kei dân a inphut inhesōt jo chei khana nitmak jo chei. Kei hneng hong inhe ruh, khan chu ke’m nanhnenga hong inhe sik eng. Tâk-kha nangni’n nander, ‘Nahnengting hong inhena sik heimo kantatlo sik?’ 8Nangni kader chei, mi inkhat in Pathen ahōn hi kadik nâk mo? Dikmak, tâk nangni’n nanhōn enga kae. ‘Heikhonga mo?’ tia nander. Sem sôm pekna leh sêr mathlâkna chunga nanhōn eng. 9Nangni nankhengpet chunga hâksêrna kha ka-om jo, ajârchu jât pumpui in kei nanhōn enga kae. 10Nanrama sâk leh in katamtak a-omna sik Bek-inna nansemsôm kha pui katluk a heichoi ruh, kei a-enmansin ruh marvân thlikot-hei kamahlanga neinâk kaṭha rakip nanchunga kaheibun mathlâk pek sik chei kha nanhmu sik.#Lev 27.30; Mj 18.21-24; Dân 12.6; 14.22-29; Neh 13.12 11Khaiphâr in nanhmuchi karahei manhmang pek mak tin, khana nanvomhrui kunghei thei katamtak inra sik hei. 12Khana jât rakip a mihe’n mikahōi anti sik chei, ajârchu nanram kha omna sik hmun kaṭha kachang sik a kae.”
Pathen Lungsetna Ṭongtep
13 Rōngpu’n ati, “Nangni’n kei chungchânga ṭit ka-om ṭong nanhri, tâk-kha nangni’n nander, ‘Nachungchânga dōina ṭong heimo kantahri jo?’ 14Nangni’n nanti, ‘Ama tahri juina leh Akahratpen Rōngpu hneng kanṭōntlo hei kha kanṭhe jo tia hrina khan heimo akahnem sik?’ 15Eini’n nihmu khachu, mi inlensak-hei kha mikahōihei kae. Mikaṭhamak-hei kha ankakhang rōk kha changmak a, anṭhatmakna vânga khan Pathen dehratna kha enmansinna annei, khana inphut sōksōtna annei.’”
16Khan chu Rōngpu kaṭit seng khat leh khat inbek hei, khana Rōngpu’n an-inbekna kha arangei heia athei pek hei. Ama hmaikunga, lekha inkhat shunga Rōngpu kaṭit leh kajana kaneihei rahming kha anmazet manhlut jo. 17Akahratpen Rōngpu’n ati, “Anmani kami kachang sik hei. Ke’n ṭōn kha katlosōt ning khan anmani katak khet kachang sik jo hei. Apa khan ama inzen asapa alungset kapōa ke’n anmani kalungset sik hei. 18Ave nôk a kami he’n mikadik leh mikadik mak hei chunga omchen kasōk, kei inzen leh kei inzenmak mihei kâra akasōk kha anhmu sik jo.”
Currently Selected:
MALACHI 3: KOMRBSI
Highlight
Share
Copy
Want to have your highlights saved across all your devices? Sign up or sign in
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.
