LUKA THUMAVÂN
THUMAVÂN
Thurchi Ṭha Luka riziak hin Jisua chu Israelhei Saninringtu inkung neh mi murdi Saninringtu a nit thu a înlang bîk a nit. Luka hin Jisua hih “Inrianghei zianga Thurchi ṭha sîr ranga” Pumapa Rithla înkung a nitzia ifel takkan â sîr a. Hi Thurchi Ṭha hih mihei risamna murdi ngaitua pêk ranga sip a nit iti thu a irziak a nit. Luka riziakah hin lômna thu khom a inlâr a nit, a bîkin a bu bul tianga Jisua zuang suak rang lei inpuangnahei neh a bu mong tianga Jisua rivân a kâinaheiah hin a îlang a nit. Hi Luka bu riziaktu ngir hin Tirtônhei Sintho bu-ah khan Jisua rivân a kâi nunga hi rammuala Kristian iamna thuar tlia neh ân zar tlia thu hih a irziak sa a nit.
A bu sung thu ṭhenna â nikna neh â rukna (a nuaia thu tlângpui en roh) heiah hin hi Thurchi Ṭha banga om Vântirtônhei lasak neh Jisua suak lâia berapuhei va fe Thurchi hei, Jisuan a naipangte lâia Tempilah a fe thu hei, Samari mi ṭha neh Nai rimangpa ṭongrikhekhei ai om a nit. Hi Thurchi Ṭha bu sungah hin ṭongṭai hei, Rithla Rithiang thu hei, Jisua sinthonaa nupanghei an kop natinsat tlia hei neh Pathianin sual â zâna thu hei hi a nit bu dang nêkan a isîr uar ual a nit.
A sung thu tlângpui
Thumavân 1:1-4
Johana neh Jisua suak thu 1:5—2:52
Baptistu Johana sinthona 3:1-20
Jisua baptis chang neh thlêmna tong 3:21—4:13
Galili rama Jisua vântlâng sintho 4:14—9:50
Galili ata Jerusalem a fe thu 9:51—19:27
Jerusalem neh a kôlvêla Jisua zoro nungkhôn 19:28—23:56
Thoinôkna, inlârna, rivân kâina 24:1-53
Currently Selected:
LUKA THUMAVÂN: BIATBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2014, Used by permission. All rights reserved. More