LUKA 4
4
Jisuan thlêmna a tong
(Mat.4:1-11; Mk.1:12-13)
1Jisua kha Rithla Rithianga sipin Jordan dung ata a hong kîr a, Rithla îruaiin ramchârah a fe tâk a. 2Amakhan, Diabola khan sûn sômilika sung â thlêm a, kha sungah khan îte fah mak a, a nungkhônah chu a von a ṭâm tâk a.#Dn nik.9:9; 1 Rêng.19:8.
3Khanchu, Diabolan a ziangah, “Pathian naipa ni nit titakin chu hi lung hih ibai ichang rangin thu peh roh,” a ti a.
4Jisuan a sâm a, “Thubu-ah khan, ‘Ibai bangin miriam hi ring no #4:4 Mss ṭhenkatah ‘Pathian bâi ata thu suak tinrêng an iam sa rang a nit,’ iti a kop. nih,’ iti riziak a nit,” a ti a.#Dn nik.8:3.
5Khanchu, Diabola khan mun risâng takah a ṭhui a, mitkhap kârkan rammual pumpuia rêngramhei ân en a. 6Diabola khan, “Hihei murdi chunga thuneina neh a roinpuina hih nang pêng ki ti. Ki zianga ipe an nit tâk a, kî nuamka zianga peh thei khom ki nit. 7Chubai ne ûn inla, a rêngkan nang peh riai ki ti,” a ti a.
8Jisuan, “Thubu-ah khan, ‘Pumapa ni Pathian bang chubai ûn inla, ama sin bang tho roh,’ iti riziak a nit,” itin a sâm a.#Dn nik.6:13.
9Khanchu, Diabola khan Jerusalemah a ṭhui nôk a, Tempil sîp rizumah a sia a, “Pathian nai ni nit titakin chu hintaka ta hih richôm roh. 10Thubu-ah khan, ‘Pathianin a vântirtônhei kha nang idom rangin zuk tir a ta, 11an kutin nang idom an ta, lungah ni ke khom dê no tin,’ iti riziak a nit khate,” a ti a.
12Jisuan, “Thubu-ah khan, ‘Pumapa, ni Pathian fia no roh,’ iti riziak a nit,” itin a sâm nôk a.#Dn nik.6:16.
13Khanchu, Diabolan a thlêmna rang tinrênga â thlêm zoiin chu zoronṭum danga rangin a mâk tâk a.
Galili ramah Jisuan sin a phut
(Mat.4:12-17; Mk.1:14-15)
14Khante, Jisua kha Rithla Rithiang sinthotheina neiin Galili ramah a kîr nôk tâk a; kha ram sungah khan a thurchi ân thang tâk a.#Mat.9:26; Lk.4:37. 15Inkhôm inheiah mi ân riseia, mi tin inpâkin a om a.#Mat.4:23; 9:35; 11:1.
Nazaretah Jisua inôlin a om
(Mat.13:53-58; Mk.6:1-6)
16Khante, Jisua kha a seilianna khua Nazaretah a fe a, a tho ngai lamin sabatnî-ah khan inkhôm inah a fe a, Thubu tep rangin â ding a. 17Zânthla Isaia lekhabu zuat kha an pêk a, lekhazuat khah a phar a, hi riziak omna hih a tep a:
18“Pumapa Rithla khah ki chungah a om a,
Mi rianginvâihei zianga Thurchi Ṭha sîr rangin riak inrithu ki nit.
Suaka tânghei zôkna rang thu hei,
Mitdelhei mit vâr rang thu hei,
Mi nuamlo tuanghei saninzôk rang thu hei,#Isa.61:1,2 (LXX).
19Pumapan lunghoi kum thu hei,
Inpuang rangin a ne itir a nit.”
20Khanchu, Jisuan lekhabu khah â zuat a, â koltu a pêk nôk a, â ṭhung tâk a, inkhôm ina mi murdi mit khah a chungah bang a fûk tâk a. 21Khante, an ziangah, “Hi Thubu nin riata itepa om hih vuanah hin nin ziangah a hong tlung idik tâk,” iti â sîr tâk a.
22An rêngkan a ṭongbâi suak khah an lungril a tôn a, a thu sîr lungkham thu khah arkhêl an ti a, “Hi mi hih Josefa naipa ni mak im a?” an ti a.#Joh.6:42; 7:15.
23Khante, ani khan an ziangah, “Nangmanin hi ṭongrikhek imangin, ‘Dâktor, ni khâtin ridam roh. Kapernaum khuaa ni sintho kin lei iriathei khah hin ni khua khomah hin sin roh ba,’ ne la ti ngêt nin ti,” a ti a.
24Jisua ngirin, “Thudik nangni ke ril, zânthla tute mahni khuaa mihein lôm ngai mak. 25Ringai ta u, a dik takkan Elija zoro lâiah khan Israel ramah numei itam takka an om a, kum ithumkah neh kum rilangkah khua a kang a, ram pumpuiah ṭâmpui a tlâk a.#1 Rêng.17:1,8-16; 18:1; Jak.5:17-18. 26Israel rama numei khatkah Sidon rama Zarefat kho mi ziang banah chu Elija khah tute zianga itir ni mak. 27Zânthla Elisa zoro lâi khomin Israel ramah iphâr itam takka an om a; khannisela, tute dam loiin Suria ram mi Naamana bang kha indamin ai om a nit,” a ti a.#2 Rêng.5:1-14.
28Kha thu khah an riatin inkhôm ina om mipuihei khah an ning a thik tâk a. 29An thoi a, khua ata khah an kâiisua a, an kho kôl irôla nam iṭhul rangin an ṭhui tâk a. 30Khannisela, mipui lâiah â rel a, a rot pat tâk a.#Joh.8:59; 10:39.
Ramrili iman ân dam
(Mk.1:21-28)
31Khanchu, Jisua Galili rama Kapernaum khuaah a fe a, sabatnin mihei ân risei a. 32Thunei takka ân risei sikah khan ân riseina khah arkhêl an ti tak tak a.#Mat.7:28-29; 13:54; 22:23; Mk.11:18; Joh.7:46.
33Inkhôm inah khan mi khatkah ramrili iman a om a, rôl iring takkan â khêk a, 34“O, Nazaret Jisua, im ne lo rang nî ti? Nen rimang ranga hong im nî nit? Nang ki riat, Pathian Mi Rithiang kha ni nit,” a ti a.
35Jisuan a ngo a, “Dâirek inla, a sung ata khah hong suak roh,” a ti a. Khanungchu, ramrili khan an makungah khan mi khah â phek rak a, ani khah innah loiin a sung ata khah a suak tâk a.
36An rêngkan arkhêl an ti a, “Amahih ingkana thu tâk mani? Thunei tak neh ritha nei takkan ramrilihei thu a pêk a, an isuak tâk hi,” an ti a. 37Khanchu, kha ram mun tinah Jisua riming ân thang tâk a.#Lk.4:14; 5:15; Mat.9:26.
Jisuan mi itam takka ân dam
(Mat.8:14-17; Mk.1:29-34)
38Khante, Jisua khah inkhôm in ata a suak a, Simona inah a fe a. Simona tarpi khah inkhur inrik takkan a lei om a, a ta rangin Jisua an ngên pêk a. 39A kôlah a va ding a, ân khur khah a ngo a; khanchu, ân khur a boi a, a thoi a, an fâk ân rifûk pêk tâk a.
40Khante, inî tlâk nungin natna chi tinrênga dam inohei Jisua ziangah an hong ṭhui a; an chung chitah a kut a lei ringat a, an rêngkan ân dam a. 41Khante, ramrilihei khom, “Pathian Naipa ni nit,” itia khêkin mihei sung ata an hong suak a.
Ramrilihei khah Jisuan a ngo a, Mesia a nit iti an riat sikin iṭong rang ai phal ino a nit.
Inkhôm inah Jisua thu â sîr
(Mk.1:35-39)
42Khante, atûk zîng khovâr kaneh chu khua ata fianrialah a fe a, mipuihei khan an zong a, an mun chu anmani mah loia lan châm rang an tum a. 43Khannisela, Jisuan an ziangah, “Pathian ram Thurchi Ṭha hih kho tina sîr rang ki nit, kha sik piala tir kêng kî nit,” a ti a.
44Khanchu, Judai #4:44 Mss ṭhenkatah ‘Galili’ iti a nit.rama inkhôm inheiah khan a fe a, thu â sîr tâk a.#Mat.4:23; 9:35; Mk.1:39.
Currently Selected:
LUKA 4: BIATBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2014, Used by permission. All rights reserved. More
