LUKA 12

Vârrilethei ata ridîn rang

(Mat.10:26-27)

1Mipui sâng itam takkah risirpol suai suai rang dôrkan an hong ribûm a. Jisuan thu â sîr a, a kôilômhei ziang vângah chu, “Farisai vârrilethei chol ata ridîn rei.#Mat.16:6; Mk.8:15. 2Tinrêng ihupa om khah lân lang nîng a ta, thil rithup khom ireh suak la nîng a ti. 3Khasikah khan, zân inthima nin itihei khah sûn khovârah inpuang la nîng a ta, chontan sungrila kuar kunga nin iti khah inchunga chuangin tlâng la sam an ti,” a ti pêk a.

Tûm iṭi rua

(Mat.10:28-31)

4Ki rualhei o, nangni ke ril, takpum that zoi nung a, îte lo thei khâi ino kha chu ṭi no rei. 5Tûm iṭi rua nangni ril ki ti; taksa that a, khanung khoma dûkmuna nangni pai theitu Pathian khah ṭi rei; a nit, nangni ke ril, Amah bang ṭi rei.

6Vasak ringakah tangka #12:6 Grik ‘Asarion,’ khangkana sômleiirukka khan Denari khatkah a tluk. inikan an izuar ngai ni mak im a? Pathian khan chu an lâia khatkah te lua ringil ngai mak e. 7Nin samzâihei tena khom ai tep riai kêng ai nit. Khasikin, ṭi no rei, vasak itam takka nêkan khom nin ilut ual a nit.#Mat.12:12; Lk.21:18; TS.27:34.

Krista thlop neh phial

(Mat.10:32-33; 12:32; 10:19-20)

8“Nangni ke ril, tutu vântlâng riata ne thlop chu Miriam Naipa khom hin Pathian vântirtônhei makungah thlop a ti. 9Nikhomsela, tutu vântlâng riata ne phial ka chu Miriam Naipa khom hin Pathian vântirtônhei makungah phial a ti.#Mk.8:38; Lk.9:26; 2 Tim.2:12.

10“Tukhom Miriam Naipa a sêlna chu izâ nîng a ta; khannisela, Rithla Rithiang â sîrinsiatna chu izâ ni no nih.#Mat.12:32; Mk.3:29.

11“Khante, nin roi irêl rangin inkhôm inah manih, Ram-optu makunga manih, thuneituhei makunga manih nangni an ṭhui tikin sâm rang dân manih, nin ti rang manih ingaituan ni ilung inkâng no rei.#Mat.10:19,20; Mk.13:11; Lk.21:14,15. 12Nin ti rang chu a zoro takah Rithla Rithiang khan nangni ril a ti,” a ti a.

Richong intlo ṭongrikhek

13Mipui lâia khatkan Jisua ziangah, “Minriseitu, ken zirpuipa ziangah kin pa richon ne sem sa rangin ne ti pêk roh,” a ti a.

14Jisuan a sâm a, “Mala, nin ruaika chungthu rêl rang neh richon nangni sem pêk rangah hin tûm thu ne pe?” a ti a. 15Khante, an ziangah, “Ridîn unla, rizukna tinrêng ata rivêng rei; miriam ringna hi richongnaa ringat ni mak e,” a ti a.

16Khante, an ziangah hi ṭongrikhek hih â sîr a, “Richong tak khatkah hi a vângsak a hong inṭum tak tak a. 17Khanchu, arngaitua a, ‘Ingkan im ki tho rang tâk o? Ki bu neh bâl siana rang nei khâi mang hite,’ a ti a. 18Hingka hin thông ki ti, ‘Ki fasiar ṭhet ki ta, a nêka lian ualin sin ki ta; amakhan ki bu neh bâl neh ki neinun murdi siang ki ti.’ 19Khanungchu, ker thla ziangah, ‘Rithla, kum itam takka inrup rang thil iṭha ni bûm tâk a; ringam inla, fan la, in inla, ningibei takkan om ta roh, tîng ki ti,’ a ti a. 20Nikhomsela, Pathianin a ziangah, ‘Invêt, vuanzân zel ni ringna nang an ilâk pêk rang a nit. Ni neinun isuahei hi tuheiin im an idong rang tâk?’ a ti pêk a.#Jer.17:11; Job.27:8; Lap.29:6. 21Pathian tiang richong loi a, mahni ta rang banga richon ibûm chu khangkah khan nîng a ti,” a ti a.

Pathian iam roh

(Mat.6:25-34)

22Jisuan a kôilômhei ziangah, “Khasikin, nangni ke ril, nin ringna rang im nin fâk a, nin taksa rang im nin sila nin bom rang lung inkâng no rei. 23Fâknêk rang nêkan ringna a lut ual a, silbom rang nêkan takpum a lut ual. 24Vaâkhei hih en ta u, bu khom tu mak a, bu khom ât mak, pang khom nei mak a, fasiar khom nei mak e; nikhomsela, Pathianin â fa ngai; nangmani hi ivahei nêkan chu nin ilut ual ok a nit. 25Nangmani lâiah lungkâng sikin tu tak im mahni ringna insôt thei #12:25 ‘Mahni takpum mûkka inrifôn thei’ iti thei a nit. ual a? 26Khangkah te lua nin tho thei non teh, im a dang vâng khateh nin ilung nin înkâng?

27“Lilipârhei thuar dân hi ngaitua ta u, sin zong mak a, puan khom không mak; nikhomsela, nangni ke ril, Solomona lua khom a roinpuina murdia arvo khomin hi pârte khatkah hih ai tluk ino a nit.#1 Rêng.10:4-7; 2 Rich.9:3-6. 28Khaangkan, ram loisûl, vuaninta om, naktûka lungthua hâl nôk rip rang ilua Pathianin khangkah dôran a von teh, nangmani, iamna chînhei o, khahei nêka khan nangni a vo natinsat rang vang na!

29“Khasikin, nin fâknêk rang ingaituan buai no unla, nin ilung khom inkâng no rei. 30Hihei hih rammual mihei murdi ibuaipui tak a nit; nin Pan hihei hih nangni khomin nin inang a nit iti ai riat riai a nit. 31Ama ram chu zong masa unla; khanchu, khahei kha chu nangni peh sa riai a ti.

Rivâna richon

(Mat.6:19-21)

32“Pôl iroitehei o, ṭi no rei, ram nangni pe hih nin Pa lômlam tak a nit. 33Nin neinun murdi zuar unla, inrianghei peh rei. Rivânah, inruhei fe thei khâi nonaah, ithimin a fâk isiat thei khâi nonaah khan, sumkok seh thei khâi inohei, richon ṭiam thei khâi inohei nin ta rangin inrifûk rei.#Lk.18:22. 34Nin richon omna kipah nin lungril khom om a ti.

Isom inrin ṭian

35“Nin puan isilin, nin kong ikhitin, nin meiser ichokin, tiklâi khomin inrin ṭiankan om rei.#Mat.25:1-13; Mk.13:33-37. 36Isom, an pu rinei ruaiṭhe ata zuang inkhâr â kik kaneh iong zel ranga lei ingâk ṭianhei angkan om rei. 37Isom, an pu zuanga intûng ṭiana om ai muhei chu mi vânnei an nit. Thudik nangni ke ril, ani chu risiam a ta, anni khah khalai rikhîl rangin inṭhung a ta, aman innê a ti. 38Zânlâia manih, ârkhuana manih, a zuanga, khangkana isom inrin ṭiana om ai muhei chu mi vânnei an nit. 39Hih remai rei, inru hong rang zoro inchongpun reh sela chu a in inrok no nih.#Mat.24:43,44; 1 Thes.5:2; 2 Pet.3:10; Thup.3:3; 16:15. 40Khasikin, nangni khom inrin ṭiankan om rei, Miriam Naipa hih nin tûngno lâi takin zuang duai a ti,” a ti a.

Isom iamom neh iamom ino

(Mat.24:45-51)

41Petera khan, “Puma, hi ṭongrikhek hih keimani bang im ni ne îril, mi murdi khom im?” a ti a.

42Pumapa khan a sâm a, “Isom iamom neh ivâr tak kha tûm nîng a ti? A pu khan a insung icharêl a, isom danghei ruaitu neh an fâk isem pêk ranga a uliana ai siam tak khah a nit. 43A pu a hong a, khangkana lei itho isom a hong imu khah mi vânnei a nit. 44A dik takin nangni ke ril, kha som tak khah a pu khan a neinun ikoltun siam a ti. 45Khannisela, kha som khan â lungrilin, ‘Ki pu hi la zuang zel no nih,’ itin isomnuhei isompahei khah lei hêm sela, ifa iinin lei inrui mai sela, 46kha som khan ân rin no nikhua, ân tûngno kâr takin a pu khah zuang a ta, a pu khan bong inikan ridên a ta, mi iamom inohei rangtum indong a ti. 47Isom, a pu nuamlam ireh chakka sin nuam ino neh intûng ino chu inah takka kuttum itho nîng a ti.#Dn nik.25:2,3; Rit.15:29,30. 48Khannisela, riat no sika tôkmol fâkna rak rang thil thonsual chu idam ualka kuttum itho nîng a ti. Tutu itam takka an ipêkhei ziangah itamkah iphût nîng a ta, itam takka an înkolhei ziangah itamkah isabei nîng a ti.

Jisua sika inṭhenna

(Mat.10:34-36)

49“Rammuala ihâltlût ranga zuang ki nit, atûn khom kâng zel ta seh ki ti vang na! 50Baptisma chang rang ki nei, amakhah a kîm ki sua mâkah chu ki ning ar-îp vang chu! #Mk.10:38; Joh.12:27. 51Rammualah hin ringei inlêng ranga zuang manih nin ne iti mani? Ringeina inlêng rang ni mak, inṭhendarna inlêng ranga zuang kêng kî nit. 52Atûna rithokin insungkua khatka om mi ringakah inṭhen an ta, ithumkahei khan inikahei khah doi an ta, inikahein ithumkahei khah doi an ti. 53Pahein an naipahei doi an ta, naipahein an pahei doi an ti; nuhein an nainuhei doi an ta, nainuhein an nuhei doi an ti; tarpihein an imoihei doi an ta, imoihein an tarpihei doi an ti,” a ti a.#Mik.7:6.

A zoro riatthiamna

(Mat.16:2-3)

54Jisuan mipuihei ziang khomah khan, “Tlâk tiang sûm a hong zîngin chu ‘rua sûr rang kêng’ nin ti a, isûr khom a sûr ngêt ngai. 55Khante, sim ithli a hong râng nin riatin chu ‘â lum rang kêng’ nin ti a, ilum khom a lum ngêt ngai. 56Nangni vârrilethei o, rinêng neh rivân nin en a, kho om rangzia nin riatthiam thei a; khannisela, ithôm atûnlâi zoro omzia nin riatthiam thei no?

Risukpui neh ringei rang

(Mat.5:25-26)

57“Â dik neh â dik ino khah ithôm nangmani khâtin nin ithlei thei no? 58Mîn roirêlmunah nang a hêkin chu roirêlmun nin tlung maah khan kha mi khah ringeina siampui roh. Khanonchu, roirêltu makungah nang kâi a ta, roirêltu khan manmihei kutah nang pêng a ta, tâng inah nang khum an ti. 59Nangni ke ril, nang an richôna poisa #12:59 ‘Lepta’ ti a nit, Judahei poisa roi tak; lepta 96 chu denarion khatkah a nit. khatkah te khom ni pêk riai mâkah chu nang isua tlak no nih,” a ti a.

Currently Selected:

LUKA 12: BIATBSI

Highlight

Copy