RIPHUTNA 22

Pathianin Isaka ilan rangin thu a pêk

1Kha thilhei rizoiah khan Pathianin Abrahama kha a fia a, a ziangah, “Abraham,” a ti a. Ani khan “Hin ki om,” a ti a.#Heb.11:17-19.

2Pathian khan, “Ni naipa neisun, lung nî thlung tak tak, Isaka hih ṭhui inla, Moria ramah fepui roh. Amakhan nang ke ril rang itlâng khatka tah khan hâlrivâm thillan rangin lan roh,” a ti a.#2 Rich.3:1.

3Abrahama khah a tûk zîng takah a thoi a, hâlrivâm thillana mang rang thing arkit a, a sakuartung puak a siam a, a naipa Isaka neh â som tlangvâl inikah a ṭhui a, Pathianin â rilna mun tiang ipanin an fe tâk a. 4A sûn thumnin chu Abrahama khan a hang thlîr a, ilah taka rithokin kha mun khah a mu tâk a. 5Khanchu, Abrahama khan â som tlangvâlhei ziangah khan, “Amahin sakuartung hi lei ompui unla, keimah neh naipangpa hi son va fêng kin ta; Pathian la va sôn rong ung, khanungchu, nin ziangah hong kîr nôk kin ti,” a ti a.

6Abrahama khan hâlrivâm thillana mang rang thing kha a lâk a, a naipa Isaka kha ân riput a; ani khan mei neh chemte a chôi a; khanchu, an ruaikan an fe tâk a. 7Isaka khan a pa Abrahama khah â sôn a, “Epa,” a ti a.

Ani khan, “Ki naipa hin ki om,” a ti a.

Khanchu, Isaka khan, “En ta, mei neh thing chu ei chôi a; hâlrivâm thillan rang berate khah takâm ai om?” a ti a.

8Abrahama khan, “Ki naipa, Pathianin ama ranga hâlrivâm thillan rang berate chu aman ngaituang a ti,” a ti a. Khanchu, an ruaika khan an fe mai a.

9Pathianin mun a îril khah an tlung a; amakhan Abrahaman mâichâm a siam a, thing kha ân ritua a, a naipa Isaka khah a khuap a, mâichâm thing chungah khan ân zâl a.#Jak.2:21. 10Khanungchu, Abrahama khan a chemte a thuat a, a naipa khah ithat a tum tâk a. 11Nikhomsela, Pumapa Vântirtôn khan rivâna rithokin ani chu a zuk isam a, “Abraham, Abraham,” a zuk ti a.

Ani khan “Hin ki om,” a ti a.

12Ani khan, “Naipang chungah khan ni kut tlâk non la, ani khah îte lo no roh. Ni naipa, ni neisun tak khom nê pe ni thloi no sikin Pathian ni ṭi iti atûnah hin kî riat tâk a nit,” a ti a.

13Abrahama khah a hang tang a, a kôl kiang a hei enin chu, â nung tiangah khan berachal arki thing chekerêia ôk khap a hei mu a. Khanchu, Abrahama khan berachal khah a va man a, amakhah a naipa rithûlin hâlrivâm thillan rangin a lan tâk a. 14Khanchu, Abrahaman kha mun riming khah Jehova Jire#22:14 ‘IAHUA khan a mu, a riat,’ tina a nit thei, ‘a tumpêk, a pêk, a ngaitua pêk’ tina khom a nit. ‘IAHUA tlângah itum pêk a nit’ itih thei a nit. a be a; vuanî tenah hin, “Pumapa tlângah aman ngaituang a ti,” an iti mai tâk a nit.

15 Pumapa Vântirtôn khan a voiniknan rivâna rithokin Abrahama kha a zuk isôn nôk a, 16“Ni naipa, ni neisun tak khom thloi loiin hi thil hih ni tho tâk sikin ṭhat nang vur ngêt ngêt ki ti. #Heb.6:13-14. 17Ner chihei chu rivâna ârsi zâk neh tuikhanglian rikama ṭiai dôran lan pung ngêt ngêt ki ti, iti ki înkung a nit. Ner chihei khan an irâlhei kul kotbâiah thu la nei an ti.

18“Rammuala nam tinrêng chu ner chihei ichingin hamṭhatna la dong an ti, ki thu ni ôi sikin mahni riming ichingin ṭong ki irkhâm a nit,” a zuk ti a. #TS.3:25. 19Khanchu, Abrahama kha â som tlangvâlhei ziangah khan a kîr nôk a, Beersebaah khan an rêngkan an fe tâk a. Abrahama chu Beersebaah khan a om mai tâk a.

Nahora richihei

20Kha thilhei rizoi nungah khan, “Milkaii khom khan ni unai Nahora khah nai pasal iriatkah a nei pêk,” itin Abrahama chu an iril a. 21A nai lutîr khah Uza a nit a, a unai khah Buza neh Kemuela, Arama pa chu an nit. 22Kheseda hei, Hazoa hei, Pildasa hei, Jidlafa hei, Bethuela hei, khom an nit sa. 23Bethuela chu Rebeki pa a nit. Kha pasal iriatkahei khah Milkaii khan Abrahama unaipa Nahora khah ai nei pêk a nit. 24Nahora thâikêmnu, Reumaii khomin Teba hei, Gahama hei, Tahasa hei Maaka hei ai nei pêk sa a nit.

Currently Selected:

RIPHUTNA 22: BIATBSI

Highlight

Copy