Popular Bible Verses from RIPHUTNA 22

Share

Khanchu, Abrahaman kha mun riming khah Jehova Jire a be a; vuanî tenah hin, “PUMAPA tlângah aman ngaituang a ti,” an iti mai tâk a nit.

Pathian khan, “Ni naipa neisun, lung nî thlung tak tak, Isaka hih ṭhui inla, Moria ramah fepui roh. Amakhan nang ke ril rang itlâng khatka tah khan hâlrivâm thillan rangin lan roh,” a ti a.

Ani khan, “Naipang chungah khan ni kut tlâk non la, ani khah îte lo no roh. Ni naipa, ni neisun tak khom nê pe ni thloi no sikin Pathian ni ṭi iti atûnah hin kî riat tâk a nit,” a ti a.

Abrahama khan, “Ki naipa, Pathianin ama ranga hâlrivâm thillan rang berate chu aman ngaituang a ti,” a ti a. Khanchu, an ruaika khan an fe mai a.

Ner chihei chu rivâna ârsi zâk neh tuikhanglian rikama ṭiai dôran lan pung ngêt ngêt ki ti, iti ki înkung a nit. Ner chihei khan an irâlhei kul kotbâiah thu la nei an ti. “Rammuala nam tinrêng chu ner chihei ichingin hamṭhatna la dong an ti, ki thu ni ôi sikin mahni riming ichingin ṭong ki irkhâm a nit,” a zuk ti a.

Kha thilhei rizoiah khan Pathianin Abrahama kha a fia a, a ziangah, “Abraham,” a ti a. Ani khan “Hin ki om,” a ti a.

Nikhomsela, PUMAPA Vântirtôn khan rivâna rithokin ani chu a zuk isam a, “Abraham, Abraham,” a zuk ti a. Ani khan “Hin ki om,” a ti a.

PUMAPA Vântirtôn khan a voiniknan rivâna rithokin Abrahama kha a zuk isôn nôk a, “Ni naipa, ni neisun tak khom thloi loiin hi thil hih ni tho tâk sikin ṭhat nang vur ngêt ngêt ki ti.

Pathianin mun a îril khah an tlung a; amakhan Abrahaman mâichâm a siam a, thing kha ân ritua a, a naipa Isaka khah a khuap a, mâichâm thing chungah khan ân zâl a.