TIRTÔNHEI SINTHO 11

Peteran a thurchi Jerusalem koindang â ril

1Judai ram pumpuia tirtônhei neh iamtuhei khan Jentailhei khomin Pathian thu an ôi sa tâk iti an riat tâk a. 2Petera khah Jerusalem a tlung nôkin chu, “Sertan a nang,” itituhein an lei sêl a, #Gal.2:12. 3“Sertan ino Jentailhei inah ni tlung a, an ziangah ifah khom ni fâk ngai,” an ti a. 4Khanchu, Peteran a bula rithokin a rêngkan thil hong itlunghei khah â sîr pêk a.

5“Joppa khuaah ki om a, ki ṭongṭai lâiin inlârna ki mu a. Thilfûn puanhâk ilian tak angkan, â kil ilika thlung a, rivâna rithoka ki kôla zuang ritûl ki mu a.#10:9-46. 6Amakhah ki en ngit a, sakeli chi tinhei, bokrivâk ngai chi tinhei neh iva chi tinhei ki mu a. 7Khanungchu, rôlin ki ziangah, ‘Peter, thoi inla, that inla, fah roh,’ a ne ti a. 8Nikhomsela, keiman, ‘Pumapa, ni mak e. Arthiang ino neh â nim îte ki bâiah lût ngai mak,’ ki ti a. 9Rivâna rithoka rôl khan, ‘Pathianin a înrithiang tâk khah nangman rithiang mak ti no roh,’ a ne ti nôk a. 10Khangkah khan, voi thumkah a zuang om a; khanchu, thilfûn khah rivân tiang ilan a om nôk tâk a. 11Kha lâi takah khan mi ithumkah, Kaisaria rithoka ki zianga an hong itirhei khah ki omna in an lei hong tlung pial tâk a.

12“Rithla khan lungrilakna boia anmani zui rangin a ne ril a. Hi iamtu irukkahei khom hin an ne zui sa a, kin rêngkan Kornelia inah kin lût a. 13Khanchu, ani khan a inah vântirtôn iding a mu tlia neh vântirtôn khan a zianga, ‘Joppa khuaah mi tir inla, mi khatkah arming Simon Petera an iti khah hang inkoi roh; 14ani khan thu nang isîr pêk a ta, a thu sîr sikah khan nangmah neh ni insung mihei murdi saninringin om nin ti,’ a ti tlia thuhei a ne lei iril a. 15Thusîr ki hang phut a, Rithla Rithiang kha, a tîra ei chungah a zuang itlung angkah khan Rithla Rithiang an chungah a zuang tlung tâk a. 16Khante, Pumapan, ‘Johanan tuiin a baptis ngai a, khan, nangni chu Rithla Rithiangin baptisma la chang nin ti,’ ai ti khah ki riat suak nôk tâk a.#TS.1:5; Mat.3:11. 17Khangkah khan, eimani Pumapa Jisua Krista iamtuhei a ne ipêk angkana thilpêk ngir khah Jentailhei khom ai pêk a nit iti a fel a. Khasikin, keimah hih tûm ki nit, Pathian idan thei rang hi,” a ti a.

18Kha thu khah an riatin chu an dâirek tâk a, “Khangkan a nitin chu Pathianin Jentailhei khom rilet a, iring rangin lampui a iong pêk tâk a nit khate,” itin Pathian an inpâk tâk a.#TS.14:27.

Antiokei khuaa koindang

19Khante, Stefana an that zoroa nuamlona sika rithekindarhei khah Foiniki ram hei, Kupra tuihual hei neh Antiokei khua dên hein an indar a, Judahei ziang bangah khan thu an isîr a.#TS.8:1-4. 20Nikhomsela, an lâia ṭhenkah kha Kupra tuihual mi neh Kurini kho mihei an nit a. Kha mihei khan Antiokei an tlungin chu Jentailhei #11:20 Grikhei iti thei a nit, Khan Mss ṭhenkatah ‘Juda, Grik ṭong imanghei,’ iti a nit. ziangah khom thu an isîr a. Pumapa Jisua Thurchi Ṭha an iril tâk a. 21Pumapa ritha khan anni chu a ṭangpui a, mi itam takkan an iam a, Pumapa tiang an ngat tâk a.

22Kha thurchi khah Jerusalema koindanghein an lei riat a, anni khan Barnaba khah Antiokeiah an tir tâk a.#TS.4:36. 23Ani khah a zu tlungin chu kha mihei Pathianin ṭhat a vur tlia khah a mu a, a lôm tak tak a. Iamom takka Pathian itûn det mai rangin an rêngkan â thor a. 24Barnaba khah mi ṭha tak, Rithla Rithiang neh iamnaa sip a nit. Khanchu, mi itam takkah Pumapa tiang iṭhui an nit tâk a.

25Khante, Barnaba kha Saula zong rangin Tarsas khuaah a fe nôk tâk a. 26A va mun chu Antiokeiah a hong ṭhui a, kumkah sar koindanghei inkhômnaah an ṭang sa a, mi itam takkah an inrisei ngai a. Antiokei khuaah hin a nit, iamtuhei khah Kristian an iti masa tak a nit.#TS.26:28; 1 Pet.4:16.

27Kha zoroah khan Jerusalema rithokin zânthla ṭhenkah Antiokeiah an hong a.#11:27 Mss ṭhenkatah richâng 28 bulah, ‘Lôminrual takkan kin inkhôm a,’ iti a kop. 28An lâia mi khatkah, arming Agaba kha â ding a, Rithla Rithiang înriatin rammual pumpuiah ṭâmpui a tlâk rang thu ân puang a. Kha ṭâmpui khah Klaudia inlal lâiin ai tlâk a nit.#TS.21:10. 29Kôilômhei khan an thei lam chit itho a, Judai rama iamtu omhei ṭangpuina thon an tum a.#Gal.2:6,10. 30An tum lam angkah takin an tho a, upahei zianga peh rangin Barnaba neh Saula kutah an thon tâk a.#TS.11:25.

Currently Selected:

TIRTÔNHEI SINTHO 11: BIATBSI

Highlight

Copy