TIRTÔNHEI SINTHO 1

1Theofil, ki lekha masaah khan Jisua sinthohei neh ân riseina thuhei murdi khah sin itho a phut lâia rithoka, #Lk.1:1-4. 2rivân tianga iṭhuia a om nî tena thu khah ker ziak tâk a. Rivân tiang iṭhuia a om maah khan a tirtôn rithlanghei khah Rithla Rithiang imangin thucha a pêk a. 3A thi nungin a ring nôk iti riatinfel nan voi itam takkah an ziangah arlang a; sûn sômilika sung an ziangah ân lâr a, Pathian Ram thurchi â sîr ngai a. 4Khante, an ziangah a om lâiin,#1:4 ‘Munka khalai rikhîl,’ ‘Munka an ribuk lâi,’ itih thei a nit. “Jerusalem khua mah no rei, Pathian ṭonginkung kha lei ngâk rei. 5Johana khan tuiin a baptis ngai a; khannisela, sûn itôiteka nungah chu Rithla Rithiangin baptisma chang nin ti,” itin â ril a.#Mat.3:11; Mk.1:8; Lk.3:16; Joh.1:33.

Jisua rivân tiang iṭhuiin a om

6Khante, tirtônhei khan an ribûmnaah Jisua ziangah, “Pumapa, atûn im Israelhei ram ni pêk nôk rang?” itin an ridon a.

7Jisuan an ziangah, “A zoro neh a nikhua chu Pan ama richam chama om ranga a inrifûk a nit, nangni lei riat rang ni mak e. 8Nikhomsela, Rithla Rithiang khah nin chungah a zuang tlung tikah chu sinthotheina la nei nin ti; khanchu, Jerusalem heiah, Judai neh Samari ram pumpui heiah, kôlkomong idênin ki thu retuhei nîng nin ti,” a ti a. #Mat.28:19; Mk.16:15; Lk.24:47.

9Kha thu khah â sîr zoiin chu an mu chung chakah rivân tiang iṭhuiin a om a; sûmin an mu phâkna no-ah a ṭhui inrimang tâk a.#Mk.16:19; Lk.24:50,51; Joh.6:62.

10Khangkana rîvân tiang iṭhuia a om an thlîr mai lâiah khan mi inikah puan iṭekvata rithluk an kôlah an zuang ngîr a.#Lk.24:4. 11Khahei khan, “Galili mihei o, îtho ranga rivân tiang iena nin îding mai im? Hi Jisua, nin zianga rithoka rivân tiang iṭhuia om hih, rivânah a hang fe nin imu angkah takah hin a lai zuang nôk ngêt rang a nit,” an ti a.

Juda thûltu rithlang thu

12Khanchu, tirtônhei khah Oliv tlânga rithokin Jerusalemah an kîr nôk tâk a; kha tlâng khah Jerusalema rithoka sabatnî-a fe phâk vêl #1:12 Kilomitar khatka nêka tam viat tina a nit. a nit. 13Khopui an lûtin chu an omna ngai chontan inchungah khan an fe a; khahei khah Petera, Johana, Jakoba, Andria, Filipa, Thoma, Bartholomaia, Mathaia, Alfaia naipa Jakoba, Simon Zelota neh Jakoba naipa Juda hei an nit.#Mat.10:2-4; Mk.3:16-19; Lk.6:14-16. 14An rêngkah khan nupanghei#1:14 Mss ṭhenkatah ‘an nupui nainetehei neh,’ iti a nit. neh Jisua nu Mari neh Jisua urênghei neh, lunginrual takkan ṭongṭai rangin an ribûm ngai a.

15Sûnkah chu iamtuhei #1:15 Mss ṭhenkatah ‘Suapuihei, Kôilômhei,’ iti a nit. an ribûm a, an rêngkan rizalei sôminikah vêl an nit; khahei lâiah khan Petera â ding a, 16“Suapuihei, Rithla Rithiangin Jisua mantuhei ruaitu Juda thu Davida bâia a lei îsîr, Lekha Thu khah a hong itlung rang pial a nit.#Lap.41:9. 17Ani khah ei lôma mi a nit a, hi ei sinthonaah hin khom rangtum inei ranga rithlang a nit.

18“Khante, Juda khan a sin sual thalo ai mu sumah khan mun khatkah archôk a, kha munah khan a tlâk a, a thi a; â ril isuak vang kan a phûng a puak chit a.#Mat.27:3-8. 19Kha thu khah Jerusalema om murdîn an riat a; khasikin, kha mun khah anmani ṭongin, ‘Akeldama,’ an ti a, amakhah ‘Thisen Mun,’ itina a nit.

20“Lapui Bu-ah hingka hin riziak a nit:

“‘A omna in chu inramin om sela,

A sungah tute om no riseh,’ iti neh,

‘A ruaitu nitna chu mi dangin dong riseh,’ iti hi.#Lap.69:25; 109:8.

21-22“Khaangkan, mi khatkah ei Pumapa Jisua thoinôkna ne repuitu rangin ei rithlang suak rang a nit. Kha mi khah, ei Pumapa Jisua Krista neh munka ei lêng lâia ei lâia ṭang sa ngai, baptistu Johana zoroa rithoka Jisua rivânah iṭhuia a om nî dêna ei lôm lâia om mi a nit rang a nit,” a ti a.#Mat.3:14; Mk.1:9; Lk.3:21.

23Khanchu, mi inikah Josefa, Barsaba an iti ngai (Justa khom an ti sa ngai) neh Mathia an zen a. 24-25Khanungchu, an ṭongṭai a, “Pumapa, nangmah miriam murdi lungril iretu, Judan ama muna om ranga a tirtôn nitna neh a sin ai mâk tâk mun ithûl rangin hi mi inikahei lâiah hin a tukhôk im ni irthlang nen reh roh,” an ti a. 26Khanungchu, thla an sân a, an ithla sân khah Mathia chungah a ṭum tâk a. Khaangkan, Mathia khah tirtôn Sômleikhatkahei#1:26 Mss ṭhenkatah ‘Sômleiinikahei,’ iti a nit. lâiah khan itep sa a nit tâk a.#Thup.16:33.

Currently Selected:

TIRTÔNHEI SINTHO 1: BIATBSI

Highlight

Copy