TOMLÍKNAM KANGKÉNNANE
KANGKÉNNANE
Tomlíknam Kídíke Agére emnamsi Lukke atnam dooying edada. Sokke botte yalumpe atbom namde, kape kísa Jisu kelo luyilsuna kídíe; Deena Aid paala, “Jirusalemlo, Judai takam lolang Samarilo, delokrongem among kéényunglo” (1:8) tatpona Ngiitomem poying gootodí, dem pokan bipe emla attung. Si Kristanke beleenam dooyinge, kapeila si kerape Judai ami kídílok lenlangala tani among tabung sokke míngke sukepe ito. Atna sokke atnam legasi Kristan kídíke Rom amolokke ruutum ayonem ipatsupe emla imang, Kristan míngkede Judai kídí lokke dormuem apíng mopenemin dem porina kídíe kangkén suyépe emla idung. Tomlíknam agérsim orek angumkope, Jisuke tatpona Dooyingem pogongko among lotta isap loklang delokke mondoli lennam isaplok ilado.
(1) Jisuke teyong amope saarong kuem, Jirusalemlo kristan lokke beleng lenname: (2) Palestin amongem gíboola goobyak name: (3) Europlokke ila Romlope bojépe goobyakname:
So kitabso kangí penam akonde Deena agérde Pentekost longelo Jirusalemlo duuna arope míína kídí teyolo Deena Aide pakperung aala mondoli emlang so kitab so lukannam yégebona ruutum kídílo atí atí inam saanamem kaabom ayarla ralnamem bito. Konnying mennyingke kristan dooyingem, luyil poyilbola inanape bomdungai delokke so kitab so atkannam inam saanam kídíde míngkesuna kídílo dooying lokke agome ralnampe agér gérnam emlang mondoli kídíke lekuem lengkantung.
Kitab Sokke Orege
Hakii binam legape iruusuname 1:1-26
a. Jisuke luyin yalum ngiitome delokke pébisuname 1:1-14
b. Judaske ayane 1:15-26
Jirusalemlo hakii biname 2:1–8:3
Judia lolang Samarilo hakii biname 8:4–12:25
Paulke agér iname 13:1–28:31
a. Kerangke mison gírume 13:1–14:28
b. Jirusalemlo kebang baaname 15:1-35
c. Lennyinape mison gírume 15:36–18:22
d. Lengumnape mison gírume 18:23–21:16
e. Jirusalem kelang, Kaisaria kelang Romlokke
patek ami Paul 21:17–28:31
Currently Selected:
TOMLÍKNAM KANGKÉNNANE: adiBSI
Highlight
Share
Copy
Want to have your highlights saved across all your devices? Sign up or sign in
Adi (Re-edited) Bible - Deena Baibél
Copyright © Bible Society of India, 2012.
Used by permission. All rights reserved worldwide.