Матфей 3

Иоанн Медеглекчиниң суртаалы

(Мк. 1:1-8; Лк. 3:1-9, 15-17; Ин. 1:19-28)

1Ол хүннерде Иудеяның ээн кургаг ховузунга Иоанн Медеглекчи#Лк. 1:80; Ин. 1:6 чедип келгеш, суртаалдап эгелээн. 2Ол: «Бачыдыңар миннип, Бурганче эглиңер! Дээрниң Чагыргазы чоокшулап келген-дир#Мк. 1:15» – деп чугаалап турган. 3Иоанның дугайында Исайя медээчи мынча деп чугаалаан турган:

«Ээн кургаг ховуда алгырган кижиниң үнү дыңналган:

„Дээрги-Чаяакчыга оруктан белеткеңер!

Ооң эртер кокпаларын дорттап бериңер“» # Иса. 40:3 .

4Иоанн теве дүгүнден кылган хептиг болгаш белинде хөм курлуг турган#4 Хаан. 1:8, а чиир чеми шартылаа болгаш ховунуң ары чигири болган#Лев. 11:22; 1 Хаан. 14:26. 5Улус аңаа ынчан Иерусалимден, бүгү Иудеядан болгаш Иордан хемниң чоок-кавызында суурлардан кээп турган. 6Боттарының бачыттарын ажыы-биле билинген улусту#Аж.-ч. 19:18 Иоанн Иорданның суунга суп турган.

7Аңаа сугга суктурары-биле хөй фарисейлер болгаш саддукейлер кээп турарын көргеш, Иоанн оларга мынча дээн: «Силер, чылан сыскындылары!#Мф. 12:34; 23:33 „Бурганның кел чыдар килеңинден чайлай бээр бис“ деп#Рим. 5:9; 1 Фес. 1:10, силерни кым сагыш алындырды? 8Бурганче ээлгениңерниң херек кырында үре-түңнелин көргүзүңер! 9Чүгле: „Бистиң адавыс – Авраам“#Ин. 8:33 – деп сөстер-биле боттарыңарны аргалаарын семевеңер! Бурган бо чыдар даштардан-даа Авраамга ажы-төл чаяап шыдаар дээрзин силерге чугаалап тур мен. 10Балды ыяштарның дөзүн кезеринге белен-дир. Эки чимис бербестээн ыяштарны одура шапкаш, отче киир октаптар#Мф. 7:19.

11Бачыдыңар миннип, Бурганче ээлгениңерниң демдээ кылдыр, силерни сугже суп тур мен. Ынчалза-даа менден күчү-күштүг Кижи мээң соомдан чоруп олурар#Ин. 1:15. Мен Ооң идиин-даа тудуп алгаш чоруурунга төлеп чок мен. Ол силерни Ыдыктыг Сүлдеже, отче сугар-дыр#Иоил 2:28; Аж.-ч. 2:3. 12Тараа үрезинин саваңдан арыглаар айыыр шагда-ла Ооң холунда-дыр#Иса. 30:24, Ол тараа үрезинин үүжелей урар уургайынга чыып алыр, а саваңны өшпес отка өрттедиптер»#Мал. 4:1; Мф. 13:30; Евр. 6:8.

Иисустуң сугга суктуруп алганы

(Мк. 1:9-11; Лк. 3:21-22)

13Иисус ол үеде Галилеядан Иордан хемче, Иоаннга сугга суктуруп аар дээш, чедип келген. 14Иоанн баштай Ону соксадып: «Мен харын Силерге сугга суктурар ужурлуг мен. Силер чоп меңээ келдиңер?» – деп турган.

15Ынчалза-даа Иисус: «Бо удаада ындыг болгай аан. Бурганның бисти кылзын деп күзээн бүгү чүвезин ынчалдыр күүседир бис» – деп харыылаан. Ынчаар орта, Иоанн чөпшээрешкен. 16Сугга суктуруп алгаш, Иисус хемден үнүп кээри билек, дээр аңгайтыр ажыттына берген#Аж.-ч. 7:56.

Оон Иисус Бодунуң кырынче көге-буга дег бадып орар Бурганның Сүлдезин көрүп каан#Иса. 11:2; Ин. 1:32-33. 17Ооң соонда дээрден үн дыңналган#Мк. 9:7; Ин. 12:28: «Бо дээрге Мээң ханы ынак оглум-дур, Ол Мээң сеткилимге кирер-дир!#Иса. 42:1; Мф. 17:5; 2 Пет. 1:17»

Currently Selected:

Матфей 3: TUV

Highlight

Copy