Матфей 25

Он кыс дугайында угаадыглыг чугаа

1«Ол хүнде Дээрниң Чагыргазы мындыг үлегерге дөмей. Үс куткан деңнерин туткаш, күдээже уткуштур#Мф. 9:15; Ин. 3:29; Ажыд. 19:7; 21:2 үнүпкен он кыс турган. 2Оларның бежи угаанныг, а бежи мелегей чүве-дир. 3Мелегей кыстар деңнерин ап алза-даа, немей кудар үзү чок болганнар. 4А угаанныг кыстар деңнери-биле катай саваларда үзүн база ап алганнар. 5Күдээ оол саадай бээрге#Мф. 24:48, бүгү кыстарның бажы согаш кыннып, удуй бергеннер. 6Дүн ортузунда: „Көрүңер, күдээ кел чор! Ону уткуп үнүңер!“ – деп кыйгы дыңналган. 7Ол дораан хамык кыстар тура халышкаш, деңнерин кыпсып эгелээннер. 8Мелегей кыстар угаанныгларынга: „Үзүңерден бичииден бериңерем, деңнеривис өжүп тур“ – дээннер. 9А угаанныг кыстар: „Чок, бербес бис, оон башка үс силерге-даа, биске-даа четпейн баар. Ооң орнунга садыгжыларже баргаш, садып алыңар“ – деп харыылааннар. 10Олар үс садып ап чоруур аразында, күдээ чедип келген. Белен турган беш кыс ооң-биле кады куда доюнче#Мф. 22:2 кире бээри билек, оларның соондан эжикти хаапкан.

11Ооң соонда арткан кыстар чедип келгеш: „Дээрги! Дээрги! Эжииң ажыдып көр!“ – дээннер#Мф. 7:22; Лк. 6:46; 13:25. 12А ол: „Чок, силерни билбезим ылап шын“ – деп харыылаан#Мф. 10:33. 13Ынчангаш серемчилелдиг болуңар#1 Кор. 16:13, чүге дээрге Кижи амытан Оглунуң чедип кээр#25:13 Өске бурунгу сөзүглелдерде «Кижи амытан Оглунуң чедип кээр» деп сөстер таварышпайн турар. хүнүн-даа, шагын-даа билбес болгай силер»#Мф. 24:36, 42.

Немелде чок болган акша дугайында угаадыглыг чугаа

(Лк. 19:12-27)

14«Ынчан ырак чуртче чоруп тура, бодунуң чалчаларын кый деп алгаш, эт-хөреңгизин оларга карактадып каан кижи-биле болганы дег болур. 15Ол бир чалчазынга – беш, өскезинге – ийи, а үшкүзүнге – бир шоодай мөңгүн акша берип каан. Кижи бүрүзүнге ооң шыдаар шаг-шинээн барымдаалап бергеш, боду чорупкан. 16Беш шоодай мөңгүн алган кижи ол акшаны дораан саарылгаже кииргеш, немей бешти ажылдап алган. 17Ийи шоодай мөңгүн алган кижи база ийини немей ажылдап алган. 18А бир шоодай мөңгүн алган кижи баргаш, оңгар каскаш, дээргизиниң акшазын ынаар хөөп каан.

19Үр үе эрткен соонда, чалчаларның дээргизи ээп келгеш, оларга карактадып каан акшазы дээш, харыы тударын негээн#Рим. 14:12. 20Беш шоодай акша алган кижи келгеш, немей база бешти эккелген. Ол мынча дээн: „Дээрги, силер меңээ беш шоодай акша берген силер, а бо мээң немей ажылдап алганым беш шоодай акша-дыр“. 21Дээргизи аңаа: „Кончуг эки-дир, сен эки болгаш шынчы чалча-дыр сен! Сен бичии херек башкарарынга шынчың көргүстүң, ам сеңээ улуг ажыл-херек дагзыр мен#Лк. 16:10. Мээң өөрүшкүм#Евр. 12:2 үлежип көр“ – дээн.

22Ийи шоодай акша алган кижи база чедип келгеш: „Дээрги, силер меңээ ийи шоодай акша бээриңерге, немей база ийини ажылдап алдым“ – дээн. 23Дээргизи аңаа: „Кончуг эки-дир, сен эки болгаш шынчы чалча-дыр сен! Сен бичии херек башкарарынга шынчың көргүстүң, ам сеңээ улуг ажыл-херек дагзыр мен. Мээң өөрүшкүм үлежип көр“ – дээн.

24Ооң соонда бир шоодай акша алган кижи чедип келгеш, мынча дээн: „Дээрги, мен силерни каржы-хажагай кижи деп билир мен: тарываан-даа чериңерден ажаап аар, чашпаан-даа чериңерден чыып аар болгай силер. 25Мен силерден сезиндим, ынчангаш акшаңарны черге хөөп кагдым. Акшаңар бо-дур, ап ап көрүңер“. 26Дээргизи аңаа: „Сөлгүжок бак, чалгаа чалча!#У. ч. 20:4 Тарываан-даа черимден ажаап аарымны, чашпаан-даа черимден чыып аарымны билир ышкажыл сен. 27Ындыг болганда, мээң акшамны саарылгаже киирер турган-дыр сен, мен ынчан ээп келгеш, акшамны орулгазы-биле катай алгай эртик мен. 28Ооң бир шоодай акшазын хунаап алгаш, он шоодай акшалыг кижиге бериптиңер. 29Чүвези бар кижиге оон-даа немей бээр, ол ынчан артыкшылдыг боор, а чүвези чок кижиниң бар бичии-даа чүвезин хунаап алыр#Мф. 13:12. 30Бо сөлгүжок бак чалчаны дашкаар, улус ыглап-сыктап, диштерин кыжыраткан караңгыже үндүр октаптыңар#Мф. 8:12“ – дээн».

Чоннарны шиидери

31«Бодунуң өндүр чырыынга бүргеткен Кижи амытан Оглу хамык төлээлеринге үдеткен чедип келгеш#Дан. 7:13; Мф. 16:27, Бодунуң чайынналган дүжүлгезинге саадаптар#Мф. 19:28. 32Ооң мурнунга бүгү чоннар чыглып кээр#Иоил 3:12; 2 Кор. 5:10. Ол улусту, кадарчының хоюн өшкүзүнден үзери дег, ийи кезекке үзүп аар#Иез. 34:17; Мф. 13:49. 33Ол хоюн – оң талазынга, а өшкүзүн – солагай талазынга бөлүп аар. 34Хаан ынчан оң талазында турарларга мынча дээр: „Мээң Адамга алгадып-йөрээткеннер, бээр келиңер! Өртемчейни чаяаганындан бээр силерге белеткээн Дээрниң Чагыргазын салгап алыңар#Дан. 7:18; Ажыд. 21:7. 35Чүге дээрге Мен аштап турумда, силер Мени чемгерип кагдыңар; суксап турумда, силер Мээң суксунум хандырдыңар; чер кезип чорумда, силер Мени хоргададып алдыңар#Иса. 58:7; Лк. 3:11; Иак. 2:15-16; 36чанагаш турумда, силер Мени хепкерип кагдыңар; аарып чыдырымда, силер Мени ажаап-карактап келдиңер; кара-бажыңга чыдырымда, силер Меңээ ужуражып турдуңар#2 Тим. 1:16-18“.

37Чөптүг-шынныг улус ынчан Аңаа мынча деп харыылаар: „Дээрги, кажан бис аштап туруңарда көргеш, Силерни чемгерген улус боор бис, суксап туруңарда көргеш, суксунуңар хандырган улус боор бис? 38Чер кезип чоруңарда көргеш, хоргадал берген улус боор бис; чанагаш туруңарда көргеш, хепкерген улус боор бис? 39Кажан бис аарып туруңарда көргеш, Силерни ажаап-карактаан улус боор бис; кара-бажыңга чыдырыңарда көргеш, ужурашкан улус боор бис? Кажан ынчалган улус боор бис?“

40Хаан оларга мынча деп харыылаар: „Алыс шынны чугаалап тур мен: Мээң бо эң бичии дуңмаларымның бирээзинге ол бүгүнү кылганыңар дээрге-ле ону Меңээ база кылганыңар ол-дур“#Мф. 10:40.

41А ооң соонда Хаан солагай талазында турарларга мынча дээр: „Менден ырап чоруңар, каргыштыг хейлер!#Ыд. ыр. 6:9; Мф. 7:23 Эрликке болгаш ооң төлээлеринге белеткээн мөңге отче барыңар#Мк. 9:43-44; Иуда 1:7; Ажыд. 20:10. 42Мен аштап турдум, а силер Мени чемгербедиңер; Мен суксап турдум, а силер Мээң суксунум хандырбадыңар; 43Мен чер кезип чордум, а силер Мени хоргадатпайн бардыңар; чанагаш турдум, а силер Мени хепкербедиңер, аарып турдум база кара-бажыңга чыттым, а силер Менче сагыш салбадыңар“.

44Олар ынчан мынча дээр: „Дээрги, кажан бис Силерниң аштап, суксап азы чер кезип турганыңарны, чанагаш чорааныңарны, аарып азы кара-бажыңга чытканыңарны көргеш, Силерге дузалаваан улус боор бис? Кажан ынчалган улус боор бис?“

45Хаан оларга: „Алыс шынны чугаалап тур мен: Мээң эң бичии бо улузумнуң бирээзинге ол бүгүнү кылбааныңар дээрге-ле ону Меңээ база кылбааныңар ол-дур“ – деп харыылаар#Лк. 10:16. 46Олар ынчан мөңге кеземчеже чоруптар, а чөптүг-шынныг улус мөңге амыдыралды алыр»#Дан. 12:2.

Currently Selected:

Матфей 25: TUV

Highlight

Copy