Матфей 24

Келир үеде болур хөлзээшкиннер

(Мк. 13:1-13; Лк. 21:5-19)

1Иисус оон Бурганның өргээзинден үнгеш, бар чыдырда, өөреникчилери Аңаа чоокшулап келгеш: «Бурганның өргээзиниң тудугларының чаражын!» – деп барганнар.

2Иисус оларга мынча дээн: «Бо бүгүнү көрүп тур силер бе? Силерге алыс шынны чугаалап тур мен: маңаа туружундан шимчевээн даш безин артпас, шупту тудуглар үрегдеттирип-буступ каар»#Лк. 19:44.

3Иисус Елеон даанга чааскаан олурда, өөреникчилери Аңаа чедип келгеш, айтырыг салганнар: «Ол айыыл-халап кажан боорун биске чугаалаңарам. Силерниң чедип кээриңерни болгаш бо делегейниң төнчүзүн кандыг демдек бадыткаарыл?»

4Иисус оларга мынча деп харыылаан: «Кандыг-даа улуска дуурайладып аарындан кичээниңер#1 Ин. 3:7; Кол. 2:8; 2 Фес. 2:3. 5Чүге дээрге хөй-ле кижи Мээң адым тудуп: „Мен – Христос-тур мен“ – деп келгеш, эңдерик улусту мегелеп кааптар#Иер. 14:14. 6Чоокта дайын-чааның шимээнин болгаш ыракта дайын-чаалар дугайында чугааларны дыңнап каар силер#Иер. 51:46. Ындыг-даа болза, кортпаңар. Ол бүгү болур ужурлуг, ынчалза-даа бүгү чүвениң ылаптыг төнчүзү ол эвес-тир. 7Ийе, бир чонче өске чон, бир күрүнеже өске күрүне халдай бээр#2 Чыл. 15:6; Ажыд. 6:4. Чер болганга аш-чут база чер шимчээшкиннери болур#Аж.-ч. 11:28; Ажыд. 6:8, 12: 8ол бүгү, божаан херээженниң эъдиниң аарыы дег, хилинчектиң чүгле эгези-дир.

9Силерни ынчан хилинчектээр дээш, улуска тудуп берип, өлүрүп эгелээр. Мээң адым ужун бүгү кижи төрелгетен силерни көөр хөңнү чок апаар#Мф. 10:22; Ин. 15:18. 10Эңдерик улус бо моондакты ажып шыдавастап, бот-боттарын сатчып база көрүшпестеп эгелээр#Мф. 10:21. 11Хөй меге медээчилер ынчан тыптып келгеш, эңмежок улусту мегелеп кааптар#Мф. 7:15. 12Бузут ынчалдыр нептерээрге, эңдерик улустуң ынакшылы соой бээр. 13Ынчалза-даа ол бүгүнү эчизинге чедир шыдашкан кижи камгалалды алыр#Иак. 5:11; Ажыд. 2:10. 14Дээрниң Чагыргазының дугайында бо Буянныг Медээни бүгү делегейге, хамык чоннарга медеглээн турар#Мф. 28:19; Рим. 10:18; Кол. 1:6, 23, бүгү чүвениң төнчүзү чүгле ооң соонда кээр».

Ам кээр коргунчуг айыыл-халап

(Мк. 13:14-23; Лк. 21:20-24)

15«Ол дугайында Даниил медээчиниң чугаалааны, ыдыктыг черде турар хоозуралдың бужар чудун көрүп кагзыңарза (номчуп орар кижи шын угаазын!)#Дан. 9:27; 11:31; 12:11, 16Иудеяда чурттаан улус дагларже дезипсин. 17Бажыңының кырынга#24:17 Бажың кыры – Иудеяда бажыңнар крышалары ийленчек эвес, а калбак болур турган, а чурттакчы чон оларны дыштаныр чер база үстүкү каът кылдыр ажыглап турган. турган кижи, эт-севин алыр дээш, бажыңынче дүжүп кирбезин#Лк. 17:31. 18Шөлге ажылдап чораан кижи, идик-хевин алыр дээш, бажыңынче ээп келбезин. 19Ол хүннерде иштиг-сааттыг болгаш эмер чаш уруг-дарыглыг улус ат болур!#Лк. 23:29 20Кыжын азы амыр-дыш хүнүнде деспес дээш мөргүңер. 21Бо делегейни чаяаганындан бээр, амдыгаа чедир кажан-даа болбаан база моон соңгаар кажан-даа болбас коргунчуг хилинчек ол үеде болур#Иер. 30:7; Дан. 12:1; Ажыд. 16:18. 22Бурган ол хүннерниң санын кызырбаан болза, амылыг кижи бүрүзү менди үнмес ийик. Ынчалза-даа Бодунуң шилип алганы улус дээш, Бурган ол хүннерниң санын кызырар#Иса. 65:8; Лк. 18:7.

23Силерге ынчан кандыг-бир кижи: „Көр, Христос бо-дур!“ азы „Ол бо-дур!“ – дээр болза, аңаа бүзүревеңер!#Лк. 17:23 24Чүге дээрге боттарын „Христос мен“ дээр азы „Медээчи мен“ дээр улус тыптып келгеш, болдунар-ла болза, Бурганның шилип алган улузун безин мегелээр дээш, өндүр улуг бадыткал демдектери болгаш кайгамчык чүүлдер көргүзер#Ы. х. к. 13:1; 2 Фес. 2:9; Ажыд. 13:13; 16:14. 25Дыңнаңар, Мен силерни баш бурунгаар сагындырдым#Ин. 13:19; 14:29.

26Ынчангаш силерге: „Көрүңер, Христос ээн кургаг ховуда-дыр!“ – дээр болза, ынаар барбаңар азы: „Көрүңер, Ол мында, дуу бажыңда чаштынып турар-дыр“ – дээр болза, бүзүревеңер. 27Чөөн чүктен кызаш дээш, барыын чүкке чедир кызаңнаан чаңнык дег, Кижи амытан Оглу ынчалдыр ээп кээр#Лк. 17:24. 28Кайда сек чыдарыл, аңаа сек чиир куштар чыглып кээр»#Лк. 17:37.

Кижи амытан Оглунуң чедип кээри

(Мк. 13:24-27; Лк. 21:25-28)

29«Ол хүннерниң айыыл-халавы болуп эрткен дораан-на,

хүн караа өжер # Ам. 8:9 , ай чырытпастай бээр,

сылдыстар дээрден кээп дүжер база

дээрниң күчү-күштери сириңейнип, божаңнай бээр # Иса. 13:10, 13; 34:4; Иоил 2:31; Агг. 2:6; Аж.-ч. 2:20; Ажыд. 6:13 .

30Кижи амытан Оглунуң кээриниң демдээ ол үеде дээрге көстүп кээр. Күчү-күжү биле өндүр чырыынга бүргеткен, дээрниң булуттарын кырлап кел чыдар Кижи амытан Оглун көрүп кааш#Дан. 7:13; Мф. 16:27, чер кырында хамык аймак-чон кажыыдап база ыглажып эгелээр#Зах. 12:10-12. 31Ол, трубаны ыыткыр этсип#Иса. 27:13; 1 Кор. 15:52; 1 Фес. 4:16; Ажыд. 11:15, Бодунуң шилип алган улузун чырык черниң дөрт чүгүнден, өртемчейниң бир кыдыындан өске кыдыынга чедир чыып эккелзин дээш, Бодунуң төлээлерин чорудуптар»#Мф. 13:41; 2 Фес. 2:1.

Фига ыяжының чижээ-биле кичээндириг

(Мк. 13:28-31; Лк. 21:29-33)

32«Фига ыяжындан үлегер-чижектен алыңар: ооң будуктары хөөп, бүрүлери частып кээрге, чай удавас дүжер дээрзин эндевес болгай силер. 33Шак ынчалдыр, ол бүгүнү көргеш, Кижи амытан Оглу мырыңай бо, эжик аксында келген дээрзин билип алыңар. 34Алыс шынны силерге чугаалап тур мен: ол бүгү чүве боттанмаан шаанда, бо салгалдың улузу өлүп читпес#Мф. 16:28. 35Дээр биле чер эстип-хайлы бээр, а Мээң сөстерим эстип-хайылбас»#Ыд. ыр. 101:26-27; Иса. 51:6; 2 Пет. 3:10.

Шагы, хүнү билдинмес

(Мк. 13:32-37; Лк. 12:38-40; 17:26-30, 34-36)

36«А ол хүннүң база шактың кажан кээрин кым-даа: дээрниң төлээлери-даа, Оглу-даа билбес#24:36 Өске бурунгу сөзүглелдерде «Оглу-даа» деп сөс таварышпайн турар. – чүгле Бурган Ада Боду билир#Зах. 14:7. 37Нойнуң үезинде болуп турганы дег#Э. д. 6:5, Кижи амытан Оглунуң чедип кээр хүнүнде база ындыг боор. 38Ол хүннерде, суг халавының мурнуу чарыында, Нойнуң бажың-хемезинге олурупканы хүнге чедир, улус-чон ижип-чип, кадай ап база ашакка барып келген болгай. 39Суг халап келгеш, оларның шуптузун узуткап каггыжеге чедир#Э. д. 7:21, олар чүнү-даа угаап бодавааннар. Кижи амытан Оглу чедип кээрге, база шак ындыг боор. 40Ийи кижи ынчан шөлде ажылдап турар болза, бирээзин алгаш баар, а өскезин арттырып каар#Зах. 14:2. 41Ийи херээжен дээрбеге тараа дээрбелеп турар болза, бирээзин алгаш баар, а өскезин арттырып каар.

42Ынчангаш одуг-сергек болуңар, чүге дээрге Дээргиңерниң кандыг хүнде чедип кээрин билир эвес силер#Мф. 25:13. 43Мону база билип алыңар: бажың ээзи дүнекиниң каш шакта оор кээрин билир турган болза, ол удувас ийик база бодунуң бажыңын оорлаттырбас ийик#2 Пет. 3:10; 1 Фес. 5:2. 44Ынчангаш силер база белен болуңар, чүге дээрге Кижи амытан Оглу силерниң манаваан шагыңарда чедип кээр»#Ажыд. 3:3; 16:15.

Шынчы база шынчы эвес ийи чалча

(Лк. 12:42-48)

45«Шынчы болгаш сарыылдыг чалча кандыг болурул? Бажың ээзи бир чалчазын өскелериниң бажынга салгаш, оларга аъш-чемни чогуур үезинде бээр кылдыр томуйлап каан дижик. 46Ээзи чедип келгеш, ооң ынчалдыр ажылдап турарын көрүп каар болза, ол чалча амыр-чыргалдыг#Мф. 25:21; Ин. 13:17. 47Алыс шынны силерге чугаалап тур мен: ээзи ону бүгү ээлээн чүвезиниң бажынга олуртуп каар. 48А ол чалча ойлук чок болуп, бүдүү иштинде: „Мээң дээргим ам дораан келбес-ле болгай“ – дээш#Мф. 25:5, 49өске чалчаларны эттеп-соп, а боду чилбиленип, арагачылар-биле пактай берген дижик. 50Ындыг чалчаның ээзи ооң манавааны хүнде база бодавааны шакта чедип келгеш, 51ону чула кезеткеш, ийи арынныг улус-биле дөмей кылдыр аажылаар. Аңаа ыы-сыы үнер база диштер кыжыраажы дыңналыр#Мф. 8:12».

Currently Selected:

Матфей 24: TUV

Highlight

Copy