Иоанн 14

Адаже баар орук

1«Силерниң чүректериңер муңгарап хөлзевезин! Бурганга бүзүрээриңер дег, Меңээ база бүзүреңер!#Ин. 12:44 2Адамның бажыңында чурттаар чер эмгежок. Ол ындыг эвес турган болза, Мен силерге чүге ону чугаалаар деп мен. Мен силерге турар чер белеткээр дээш, чоруурум бо-дур#14:2 Азы: «„Силерге турар чер белеткээр дээш, чоруптум“ – деп, Мен силерге чугаалаважык мен бе?» . 3Ам чорупкаш, силерге турар чер белеткеп кагзымза, дедир чедип келгеш, Мээң турар черимге турзуннар дээш, силерни база Бодумче ап алыр мен#Ин. 14:1; 1 Фес. 4:17. 4А Мээң кайнаар чоруй баарым орукту билир болгай силер».

5Фома#Ин. 11:16 Аңаа: «Дээрги! Кайнаар чоруптарыңарны билбес-тир бис. Ынчаарга ол орукту канчап билип алыр бис?» – дээн.

6Иисус: «Мен дээрге орук, алыс шын база амыдырал-дыр мен#Ин. 1:17; 11:25; Евр. 10:20. Чүгле Мени таварты дээрден башка, кым-даа Адамга кээп шыдавас – деп харыылаан. – 7Силер Мени билир болзуңарза, Адамны база билген болур силер#14:7 Өске бурунгу сөзүглелде «Силер Мени билир турган болзуңарза, Адамны база билген турар ийик силер» деп бижээн. . Амдан эгелеп, силер Ону билир силер, харын-даа Ону көрген силер».

8Филипп#Ин. 1:43; 12:21 Аңаа: «Дээрги! Адаңарны биске көргүзүңерем, биске ол-ла четчир» – дээн.

9Иисус аңаа: «Мен силерниң араңарга мынча үр болдум, а сен Мени билбезиң ол чүве бе, Филипп? Мени көрген кижи Адамны көрген болур#Ин. 12:45. Сен канчап-ла: „Адаңарны биске көргүзүңерем“ – дээр сен?» – деп харыылаан. 10«Мени – Адам-биле сырый харылзаалыг, а Адамны – Мээң-биле харылзаалыг дээрзинге бүзүревейн тур сен бе?#Ин. 10:38 Силерге чугаалап турар сөстеримни Бодумнуң өмүнээмден чугаалавайн тур мен: ол дээрге Менде бар Адамның Бодунуң ажыл-херээн чаяап турары ол-дур. 11Мени – Адам-биле сырый харылзаалыг, а Адамны – Мээң-биле харылзаалыг деп, Меңээ бүзүреңер. Мээң сөстеримге бүзүревезиңерзе, кылган ажыл-херээм дээш, Меңээ бүзүреңер#Ин. 5:36. 12Алыс шынны силерге чугаалап тур мен: Меңээ бүзүрей берген кижи Мээң кылып турарым ажыл-херекти база кылып шыдаар, харын-даа оон артыкты кылыр, чүге дээрге Мен ам Адамче чоруптар-дыр мен#Ин. 8:14; 13:3; 16:28. 13Силер Мээң адым адап, чүнү-даа дилээр болзуңарза, ону шуптузун күүседир мен, ынчан Оглун дамчыштыр Адам алдаржыыр. 14Мээң адым адап, чүнү-даа дилээр болзуңарза, Мен ону күүседир мен»#Мф. 7:7-8; Мк. 11:24; Ин. 15:16; 16:23; 1 Ин. 3:22.

Ыдыктыг Сүлдени аазааны

15«Меңээ ынак болзуңарза, айтыышкыннарым сагыыр силер#Мф. 28:20; 1 Ин. 5:3; 2 Ин. 1:6; Рим. 13:10. 16Адамдан ынчан дилээримге, Ол силерге кезээ мөңгеде силер-биле кады чоруур өске Болчукчуну бээр#Ин. 15:26; 16:13. 17Алыс шынны көргүзүп турар Сүлде – Болчукчу ол-дур. Ону көрбес база билбес болганда, бо делегейниң улузу Ону хүлээп ап шыдавас#1 Кор. 2:14. А силер Ону билир силер, чүге дээрге Ол силер-биле кады чоруур база силер-биле тудуш бар#Аж.-ч. 2:4.

18Силерни өскүссүреди каапкаш барбас мен, харын силерже ээп кээр мен. 19Ам бичии болгаш, бо делегейниң улузу Мени оон ыңай көрбейн баар#Ин. 7:33, ынчалза-даа силер Мени көөр силер. Мен дириг мен, ынчангаш силер база өлбес силер. 20Ол хүн кээрге, Мени – Адам-биле сырый харылзаалыг, силерни – Мээң-биле харылзаалыг, а Мени – силер-биле харылзаалыг дээрзин билип каар силер. 21Кым Мээң айтыышкыннарымны шыгжап алганыл база оларны сагып чоруурул, ол кижи Меңээ ынак болур. Кым Меңээ ынагыл, ол кижиге Мээң Адам база ынак#У. ч. 8:17; Ин. 16:27. Мен база ол кижиге ынак болуп, аңаа Бодумну көргүзер мен».

22Искариот эвес, өске Иуда#Лк. 6:16; Аж.-ч. 1:13 Аңаа: «Дээрги! Силер Бодуңарны бо делегейниң улузунга эвес, а чүгле биске көргүзер деп тур силер бе? Ол чүге ындыгыл?» – дээн.

23Иисус аңаа мынча деп харыылаан: «Кым Меңээ ынагыл, ол Мээң сөзүмнү сагып чоруур. Адам ынчан аңаа ынак апаар, оон Адам-биле кады ол кижиге чеде бергеш, ооң-биле кады чурттай бээр бис#Ажыд. 3:20. 24Меңээ ынак эвес кижи Мээң сөстеримни сагывас. А силерниң дыңнап турар өөредииңер болза Мээңии эвес, а Мени айбылап чоруткан Адамныы-дыр. 25Силер-биле кады турар болгаш, Мен ону силерге чугааладым. 26Адамның силерге Мени дээш чорудуп бээри Болчукчу#Ин. 15:26; 16:13; 1 Кор. 2:10; 1 Ин. 2:20 – Ыдыктыг Сүлде силерни хамык чүвеге өөредип каар база Мээң силерге чугаалааным бүгү чүвени силерге сагындырар#Лк. 24:49.

27Мен амыр-тайбыңны силерге арттырдым, силерге бээрим амыр-тайбыңым ол-дур#Флп. 4:7; Кол. 3:15. Бо делегейниң бээри дег эвес амыр-тайбыңны Мен силерге берип тур мен. Силерниң чүректериңер хөлзевезин, ол ышкаш кортпаңар. 28Мээң силерге: „Силерден чоруптум, оон силерже катап ээп кээр мен“ – дээнимни дыңнадыңар чоп#Ин. 14:1-2. Силер Меңээ ынак турган болзуңарза, Мээң ам Адамче чоруптарым дээш, өөрүүр ийик силер. Чүге дээрге Адам Менден өндүр улуг болгай#1 Кор. 11:3; 15:24. 29Ынчангаш ол бүгү боттаны бээрге, Мээң чугаалаан чүвем шын дээрзинге бүзүрезиннер дээш, ол бүгү дугайында, боттанырының бетинде-ле, силерге чугаалап бердим#Мк. 13:23; Ин. 13:19. 30Мен ам моон соңгаар силер-биле чугаалашпас мен, чүге дээрге бо делегейниң чагырыкчызы чоокшулап кел чор#Ин. 12:31; Эф. 2:2. Ооң Мени баш билир эргези чок, 31ынчалза-даа Адамга ынаамны бо делегейниң улузу билип алзын дээш, Мен ам Адамның айыткан чүвезин кылыр мен. Тургулаңар, моон чоруулуңар!»

Currently Selected:

Иоанн 14: TUV

Highlight

Copy