Иоанн 13

Иисустуң өөреникчилериниң буттарын чуп бергени

1 Хосталыышкын байырлалының бүдүүзү турган#Хост. 12:1-30; Ин. 12:1. Иисус Бодунуң бо делегейни каггаш, Адазынче ээп чоруур үе-шагының чедип келгенин билир турган#Мк. 14:41; Ин. 2:4; 7:6; 8:20. Ол бо делегейде Бодунуу боор улуска ынак турган база оларга ынакшылын эчизинге чедир көргүскен. 2А эрлик Симон Искариоттуң оглу Иуданың сагыжынче Иисусту садыптар деп бодалды киирипкен турган#Ин. 6:70.

Иисус өөреникчилери-биле кады чемненип олурган. 3Адазы бүгү чүвени Ооң холунга тыпсып бергенин#Мф. 11:27; Ин. 17:2, Бодунуң Бургандан келгенин болгаш ам Бурганче ээп чоруурун Иисус билип олурган#Ин. 8:14; 16:28. 4Ынчангаш Ол туруп келгеш, Бодунуң хевин ужулгаш, лён пөс алгаш, ооң-биле куржанып алган. 5Ооң соонда чунар саваже суг куткаш, өөреникчилериниң буттарын чуп, куржанып алган пөзү-биле чодуп эгелээн#Мф. 20:28; Лк. 22:27.

6Иисус Симон Пётрга чедип кээрге, демгизи Аңаа: «Дээрги! Силер канчап мээң буттарым чуур дей бердиңер?» – дээн.

7Ол аңаа: «Мээң чүнү кылып турарымны сен ам дээрезинде билбес-тир сен, ынчалза-даа сөөлүнде биле бээр сен» – деп харыылаан.

8Пётр: «Хоржок! Мээң буттарым кажан-даа чугбас силер!» – дээн.

Иисус аңаа: «Буттарың чугбас болзумза, сенде Мээң-биле тудуш, дөмей чүү-даа чок болур» – деп харыылаан#1 Кор. 6:11; Эф. 5:26; Тит. 3:5; Евр. 10:22.

9Симон Пётр Аңаа: «Дээрги! Ынчаарга мээң чүгле буттарымны эвес, а холдарым биле бажымны база чуп бериңер!» – дээн.

10Иисус: «Чунуп каапкан кижиниң чүгле буттарын чуур херек, чүге дээрге ооң бүгү боду арыг-дыр. Силер база арыг силер#Ин. 15:3, ынчалза-даа шуптуңар эвес» – деп харыылаан. 11Ол Бодун кым садыптарын билир турган, ынчангаш: «Шуптуңар эвес» – дээни ол#Ин. 6:64; 18:2.

12Оларның буттарын чуп бергеш, Бодунуң хевин кедип алган соонда, Иисус база катап хөлестеп олурупкаш, оларга мынча дээн: «Силерге Мээң чүнү кылганымны билип тур силер бе? 13Силер Мени Башкы болгаш Дээрги деп адаар-дыр силер#Мф. 7:22; 23:8; Лк. 6:46; Флп. 2:11, ол чугааңар шын болдур ийин – Мен ылап-ла ындыг мен. 14Ынчангаш Дээргиңер болгаш Башкыңар болур Мен буттарыңар чуп бергенимде, силер база бот-боттарыңарның буттарыңарны чуп бээр ужурлуг силер#1 Тим. 5:10. 15Мээң силерге кылган чүвемни база шак ынчаар кылзыннар дээш, Мен силерге үлегер көргүстүм#1 Пет. 2:21. 16Алыс шынны силерге чугаалап тур мен: чалча бодунуң дээргизинден арта бербес, ону айбылап чоруткан кижиден айбылаткан төлээ база арта бербес#Лк. 6:40; Ин. 15:20. 17Силер ам ону билир болганыңарда, ынчалдыр күүседип чоруур болзуңарза, амыр-чыргалдыг болур силер»#Мф. 24:46; Лк. 11:28; Иак. 1:22; Рим. 2:13.

Иисустуң кым Ону садыптарын чугаалааны

(Мф. 26:21-25; Мк. 14:18-21; Лк. 22:21-23)

18«Силерниң шуптуңарның дугайында чугаалавадым: шилип алган улузумну Мен билир мен#Ин. 6:70. Ынчалза-даа Бижилгениң: „Мээң хлевим чип орган кижи Менче таваңгайын карарты“#Ыд. ыр. 40:10 дээн сөстери чогуп бүтсүн. 19Ол бүгү боттаныр бетинде-ле, силерге ол дугайында чугаалап турарым бо. Оон ол бүгү боттаны бергенде, Мени Ол-дур деп бүзүрезиннер дээш, ынчаар кылдым#Мк. 13:23; Ин. 14:29; 16:4. 20Алыс шынны силерге чугаалап тур мен: Мээң айбылап чоруткан кижимни хүлээп аар кижи Мени хүлээп ап турары ол, а Мени хүлээп алган кижи Мени айбылап чоруткан Адамны хүлээп ап турары ол#Мф. 10:40; Лк. 10:16; Ин. 12:44».

21Ону чугаалаан соонда, Иисустуң сагыш-сеткили аажок хөлзеп#Мк. 14:34; Ин. 12:27, мынча дээн: «Алыс шынны силерге чугаалап тур мен: силерниң бирээңер Мени садыптар-дыр».

22Өөреникчилери Ол кымны ынча дээнин аайын тыппайн, удур-дедир кайгажып каап турганнар. 23Иисустуң онза ынак турганы бир өөреникчи#Ин. 19:26; 20:2; 21:7; 21:20 Ооң чанынга хөлестеп олурган чүве-дир. 24Иисустуң ынчап турар кижизи кымыл дээрзин айтырзын дээш, Симон Пётр демги өөреникчиже имней каапкан.

25Оозу Иисусче ээккеш: «Дээрги! Ол кым ирги?» – деп айтырган.

26Иисус: «Хлеб кескиндизин тавакче суп, шыгыткаш, Мээң тутсуп бээрим кижи ол болур» – деп харыылаан. Оон Ол кескиндини шыгыткаш, Симон Искариоттуң оглу Иудаже сунган. 27Иуда хлеб кескиндизин тудуп аарга, дораан олче эрлик кире берген. Ынчан Иисус аңаа: «Кылыр ужурлуг херээңни дүрген кыл» – дээн. 28Ынчалза-даа хөлестеп олурганнарның аразындан кым-даа Ооң ынча дээн ужурун билбейн барган. 29Иудада акша сугар ниити хааржак бар болганда#Ин. 12:6, Иисус аңаа: «Биске байырлалга херек чүведен садып каг» – дээн-дир азы ядыыларга кандыг-бир чүведен бээрин айыткан-дыр аа деп, чамдыктары даап бодап каан. 30Иуда кескинди хлебти ап алгаш, дораан үне берген. Дүн дүшкен турган.

Чаа чагыг

31Иуда үне бээрге, Иисус мынча дээн: «Ам Кижи амытан Оглу алдаржый берди. Ооң алдары – Бурганның алдары-дыр#1 Пет. 4:11. 32Бурганның алдары Ону дамчыштыр илереп кээр болганда#Ин. 17:1, 5, Кижи амытан Оглунуң кайы хире өндүр улуун Бурган Боду улуска көргүзүптер. Ийе, дораан-на көргүзүптер. 33Ажы-төлүм! Мен ам силер-биле кады үр турбас мен. Мени дилей бээр силер, ынчаарга Мээң иудейлерге чугаалааным ышкаш, силерге база ынча деп тур мен: Мен кайнаар чоруй баар-дыр мен, силер ынаар чедип шыдавас силер#Ин. 7:34; 8:21.

34Чаа чагыгны силерге берип тур мен: бот-боттарыңарга ынак болуңар#1 Ин. 2:7-8; 3:11; 2 Ин. 1:5. Силерге Мээң ынаам ышкаш, силер база бот-боттарыңарга ынчаар ынак болуңар#Лев. 19:18; Ин. 15:12. 35Силерниң араңарга ынакшыл-ла турар болза, силерни Мээң өөреникчилерим-дир деп делегейде хамык улус танып алыр».

Пётрнуң ойталаарын Иисустуң өттүр билип чугаалааны

(Мф. 26:31-35; Мк. 14:27-31; Лк. 22:31-34)

36Симон Пётр Иисустан: «Дээрги! Силер кайнаар баарыңар ол?» – деп айтырган.

Иисус аңаа мынча деп харыылаан: «Мээң чоруй баарым черже сен ам Мээң соомдан чоруп шыдавас сен. Ынчалза-даа сөөлүнде чеде бээр сен».

37Пётр Аңаа: «Дээрги! Чүге мен ам Силерни эдерип шыдавазым ол? Мен Силер дээш, амы-тыным-даа бээринге белен мен!»#Ин. 11:16; 21:19 – дээн.

38Иисус мынча деп харыылаан: «Мени дээш, амы-тыныңны бээр деп че? Алыс шынны сеңээ чугаалап тур мен: аскыр-дагаа алгыргалакта, сен Мени танывас болуп, Менден үш катап ойталаар-дыр сен!»#Ин. 18:27

Currently Selected:

Иоанн 13: TUV

Highlight

Copy