Matayo 15

Shīmīle sha kūlekwa na bataale

(Mko 7:1-13)

1Hūna Bafalisayo na balangi ba shilagīlo ba kūfuma Yelusalemu, būnsanga ū Yesu kūmūja gīkī, 2“Nibūlī a bahemba bako bakūshikenaagūlaga ī shīmīle īsho twalekelwa na bataale, batūkalabaga tame a makono gabo ūlū bahaya kūlya ī shilīwa?” 3Nanghwe ūbashokeja ūhaya gīkī, “Hama ī gīsī, nibūlī a bing'we mukashikenaagūlaga ī shilagīlo sha ng'wa Mulungu kūlwa kūdima shīmīle shing'we? 4Īkī ū Mulungu ahayile gīkī, ‘Nkūjage so na noko’; na gīkī, ‘Ūyo ūndūka ise nūūlū nina shing'wigeleelilwe kūbūlagwa!’ 5Alīyo a bing'we muhayile gīkī, ose-ose ūlū ūlinda ūng'wīla ise nūūlū nina gīkī, ‘Ī shikolo shane īshi ni shakūgunaana, kwike shafunyiwe kūbiza inongho kūlī Mulungu!’ 6Na nghana ū munhū ng'wenūyo atūdūla ū kūnkūja ū ise nūūlū ū nina. Ū mu gīko mukagūkenaagūlaga ū mhayo go ng'wa Mulungu kūlwa nguno ya shīmīle shing'we! 7Bing'we bibeeleja, ū Isaya atūngīlīgije ū mu būhangi ūbo abūhayile kūlwa nguno ying'we; ūmo ahayīlile gīkī,

8 ‘A banhū aba banikūgije bo ha nomo dūhū,

alīyo ū mu ngholó balī kūle nū nene.

9 Bakanilamyaga dalali, alīyo kūnū būlanga

malange ga kūlagīlwa na banhū.’ ”

Īsho shikansosohajaga munhū

(Mko 7:14-23)

10Hūna ū Yesu ūlitana ī libità lya banhū būng'wegeela; ūbawīla gīkī, “Bing'we, degelekagi ng'witegeleje. 11Gīkī, īsho shikingīlaga mu nomo go ng'wa munhū shitansosohajaga, alīyo īsho shikafumaga mu nomo gokwe h'īsho shikansosohajaga#15:11 shikansosohajaga Ū būsoso ūbo būhayiwe mu shandīkwa, īlī mbika īyo kang'wītaga munhū aleke kwigeleelwa kūbiza na būsangī na Mulungu (lola. na Yoh 18:28; Blm 1:24; 12:9)..” 12Ha numa ya yenīyo, a bahemba bakwe būng'wegeela būng'wīla, “Ūmanile ī gīkī a Bafalisayo bakolagwa no ū kūgwigwa ū mhayo gwenūyo?” 13Nanghwe ūbashokeja ūhaya, “Būlī shene ī shizwile, īsho shitahambilwe na Baba ūyo alī ng'wigūlū, shikūdubbūlwa. 14Balekagi; nguno a benabo babboku, na batongeeji ba babboku. Ū mboku ūlū ūntongeela mboku ng'wiye, bakūjūgwīla ng'wichongo būbīlī wabo!” 15A henaho ū Petelo ūng'wīla ū Yesu gīkī, “Tūwīlage a makūlū ga lūsumo lwenūlo.”

16Nanghwe ūshosha ūhaya, “Na a bing'we mutaalī ū kwitegeleja? 17Mutamanile gīkī būlī shene īsho shikingīlaga mu nda kūbītīla mu nomo, ī nghalīlo yaho īkabizaga kūfuma hanze kwitogolo? 18Alīyo īsho shikafumaga mu nomo, shikīngaga mu ngholó. Ī shenīsho h'īsho shikansosohajaga ū munhū! 19Nguno īsho shikafumaga mu ngholó, shilī maganiko mabi, būbūlagi, būshihani, būjingi, wibi, būlomolomo na būdalahi. 20Ī yenīyī h'īyo īkansosohajaga ū munhū; lelo ū gwa kūlya na makono gatakalabije, ū gwene gūtī gwa kūnsosohaja munhū na hado yaya.”

Kūsanya kwa nkīma nsaatīlwa

(Mko 7:24-30)

21Hūna ū Yesu wīnga a henaho, ūja mhandī ja Tulo na Sidoni. 22Kwitulwa nkīma ūmò, muna Kanaani wa mhandī ja kwenūko, wiza akūlīlaga alīhaya gīkī, “Nikūlīlagwe Seeba Ng'wana wa ng'wa Daūdi, nalī na nshīke wane akūkoyiagwa isamva!” 23Alīyo ū Yesu atanshokegije nūūlū hado; a bahemba bakwe būng'wegeela būng'wikūmbīlīja balīhaya, “Nzunīlījage aje, nguno alikala ūtūkūūbīlīja no, kūnū akūlīlaga!” 24Nanghwe ūbashokeja gīkī, “Ū nene natūmilwe kū ngholo ja numba ya Isilaeli, ījo jijimīīlile.” 25Ū nkīma ūng'wegeela wiza ūntugīja mazwi, ūng'wikūmbīlīja ūhaya, “Nigunaanage baba!” 26Nanghwe ū Yesu ūnshokeja alīng'wīla gīkī, “Ītī chiza ū kūsola shilīwa sha baana ūshiponegeja tūwa.” 27Ū nkīma ng'wenūyo ūhaya, “Na nghana gūlī chene baba, alīyo nahene nū tūwa nato tūkasolelejaga a malagalīkwa ayo gakalagalaga ūlū balīlya a beneto.” 28A henaho ū Yesu ūng'wīla ū nkīma ng'wenūyo gīkī, “Bebe mayū, ūlī na kūsanya kūtaale. N'ībizage gīt'ūmo nghūmbū jako jilī.” Nghana ū nshīke wakwe ūpīla ī likanza lyenīlo.

Kūpīja banhū bingī

29Wīnga nū kwenūko ū Yesu, ūja akūshimīzaga hihī-hihī ya nyanza ya Galilaya. Akīīta ūja ūūkalinha mu lūgūlū, wigasha ng'wenūmo. 30Nū kwene gūnkūūbīja mabità mataale ga banhū, galīng'wenhela pye abo baalī basaatu, babboku, balemehazu, būyaga na bashimuumu. Na bangī bingī dūhū, būyūshika babatūūla kū magūlū gakwe wabapīja. 31A mabità ga banhū genayo, gūkumya ū kūbabona a bashimuumu bayūyomba, na a basaatu bayūpīla, na a balemehazu bayūshimīza, na a babboku bayūbona. A banhū benabo būnkumīlīja Mulungu wa Isilaeli.

Kūlisha banhū shihūmbī shinè

(Mko 8:1-10)

32Hūna ū Yesu ūbitana a bahemba bakwe ūbawīla gīkī, “Nalībasaatwa a banhū nguno ī haha jashikaga shikū idatū balī hamò nane, alīyo batī na shilīwa. Natatogilwe ū kūbalaga baje balī nzala, nguno badūgije nūūlū kūgwa-wesa mu nzīla.” 33Nabo a bahemba bakwe būng'wīla gīkī, “Ū mu matogolo ūmu tūkapandīkīle halī shilīwa shingī sha kūbigela a banhū na wingī aba?” 34Nanghwe ū Yesu ūbabūja, “Mulī na migatī yīnga?” Būhaya, “Mpungatī, na tūdīlo tūgehu.” 35Hūna ūlagīla gigashe ha sī a mabità ga banhū. 36Wīsola ī migatī īyo mpungatī nū tūdīlo twenūto; ūlūmba, ūshimeganya. Ūbinha a bahemba bakwe, nabo a bahemba būbagabanhya a banhū. 37Pye būlya bigeja; aho bagasoleela a masaajiwa, bokaja matangwa mpungatī. 38A banhū abo bakalya baalī shihūmbī shinè, kūleka kūbisaaba a bakīma na a baana. 39Hūna ūgalaga a mabità ga banhū, ū wei wingīla mu lyato, ūja kū sī ya Magadani.

Currently Selected:

Matayo 15: SNT00

Highlight

Copy