Откровение 5
5
Јагнето ја зема книгата со седум печати
1 #
4,2; Ис 29,11; Ез 2,9; Дан 12,4.9 И видов во десницата на Оној Кој седеше на престолот, книга напишана однатре и однадвор, запечатена со седум печати. 2И видов силен ангел што викаше со висок глас: „Кој е достоен да ја отвори книгата и да ги скрши печатите нејзини?“ 3#Фил 2,10И никој не можеше ниту на небото, ниту на земјата, ниту под земјата, да ја отвори книгата, ниту, пак, да ја гледа. 4И јас многу плачев, што никој не се најде достоен да ја отвори и да ја прочита таа книга, ниту да ѕирне во неа. 5#22,16; 1 Мојс 49,9; Ис 11,1.10; Лк 7,13-15; Јн 16,33; Рим 15,12; Евр 7,14А еден од старешините ми рече: „Не плачи! Ете, Лавот, Кој е од Јудиното колено, Коренот Давидов, победи да ја отвори книгата и да ги скрши нејзините седум печати!“ 6#1,4; 4,5; 13,8; Ис 53,7; Зах 4,10; Јн 1,29Погледав, и ете, сред престолот и четирите животни и сред старешините стоеше Јагнето, како заклано, со седумте рога и седумте очи, кои се седумте духови Божји, пратени по целиот свет. 7#4,2Тој дојде и ја зеде книгата од Оној, Кој седеше на престолот. 8#8,3; Пс 141,2И кога ја зеде книгата, четирите животни и дваесет и четирите Старешини паднаа пред Јагнето, држејќи секој од нив харфа и златни чаши, полни со темјан, кои се молитвите на светиите; 9#Ис 42,10; Пс 33,3; 96,1; 98,1и пееја нова песна, велејќи: „Достоен си да ја земеш книгата и да ги скршиш нејзините печати, зашто Ти беше заклан и со Својата крв нѐ откупи за Бога од секое колено, јазик, народ и племе, 10#1,6; 20,6; 2 Мојс 19,6; Ис 61,6и нѐ направи пред нашиот Бог цареви и свештеници, и ќе царуваме на земјата!“ 11#Дан 7,10; Евр 12,22Потоа видов и чув глас на многу ангели околу престолот и околу животните и старешините, а бројот им беше илјадници и милиони, 12#5,6; 13,8; Фил 2,7-9кои зборуваа со висок глас: „Достојно е закланото Јагне да прими сила и богатство, мудрост и моќ, чест, слава и благослов!“ 13#4,2; 5,3; Фил 2,10И секое создание на небото и на земјата, под земјата и во морето, и сѐ што е во нив, чув како зборува: „На Оној Кој седи на престолот, и на Јагнето – благослов и чест, слава и владеење во сите векови!“ 14А четирите животни велеа: „Амин!“ И дваесет и четирите старешини паѓаа и Му се поклонуваа на вечно Живиот.
Currently Selected:
Откровение 5: MK2006
Highlight
Share
Copy
Want to have your highlights saved across all your devices? Sign up or sign in
© Библиско Здружение на Р. Македонија 2006
© Bible Society of the Republic of Macedonia 2006