Ездра Вовед
Вовед
Книгите Ездра и Неемија произлегуваат од иста средина како и двете книги Летописи (види во воведот на 1 Летописи) и сочинуваат нивно продолжение. Тие се составени во ист дух и во иста перспектива.
Книгата започнува со овластувањето на Јудејците добиено од Кир, царот на Персија, според кое тие можат да одат да го обноват храмот во Ерусалим (1). Поголем број од прогонетите се враќаат во татковината (2). Нивната прва грижа е да го подигнат во Ерусалим жртвеникот и повторно да ги воспостават традиционалните обреди (3). Меѓутоа подготовките за повторната изградба на храмот предизвикуваат спротивставување на одредени непријатели. Од тоа произлегува честата преписка со персиската администрација, која се залага за обновата на храмот (4–6).
Во вториот дел од книгата се опишува како, во наредниот век, свештеникот Ездра, испратен од императорот Артаксеркс, го обновува и го реформира религиозниот живот во Ерусалим (7–10). Пораката на книгата за Ездра ја истакнува неопходноста од верата и праведниот живот. Таа ја покажува храброста и преданоста со која овој свештеник – реформатор се зафатил да ја обнови верата и побожноста во Израел. Имено во времето на Ездра започнува да се формира оној јудаизам, во чија средина неколку векови подоцна, ќе се роди Исус Христос.
Currently Selected:
Ездра Вовед: MK2006
Highlight
Share
Copy
Want to have your highlights saved across all your devices? Sign up or sign in
© Библиско Здружение на Р. Македонија 2006
© Bible Society of the Republic of Macedonia 2006