Piiligu 17

Naawunni cherigi Abram yuuri, Ibrahim

1Jemanso Abram n daa ti niŋi yuma pisiwai ni awai, Duuma ta o saani, a ti yeli u, “Mani n niŋi Naawunni so n niŋi kpeeŋu zaa daana. Wumi n tira ma jemani zaa, ka niŋina yaseesi n veela. 2M ni digili i noori, ka ti i yaŋdamta.” 3Abram gba, ka zulisi o zu tiŋŋa, Naawunni yeli u. 4“M digilini i ni naŋgbanaa, maa e ni niŋi balidamta yaadaba. 5E yuuri bi lee n niŋi Abram, ama Ibrahim, a kpali m loobira i ni balidamta yaadaba. 6M ni ti i yaŋdamta, ba seesi ni niŋi nadima, ka ba seesi ba loobi balisi.

7“M ki tami naŋgbanso ni ti e ni e soosa zu yaŋseesi n ya n ti loobi balisi la, a wara saŋa ni saŋa zaa. M ni niŋi e ni e yaŋsi zaa Naawunni. 8Keenan tiŋgbaŋaa zaa, seela e n niŋi saanaa, m ni naag u ti e ni e yaŋsi, o niŋi ba toori saŋa ni saŋa zaa, ka m niŋi ba Naawunni.”

9Naawunni yeli Ibrahim, “E gba daga e sagi n pa m naŋgbandigiligu a, e ni e soosa zu yaŋsi zaa. 10E ni e yaŋsi zaa daga ya sagi, a ŋmaara ya biduusi zaa yoya. 11-12Za zinaa wara, a daga e ŋmaara biduusi zaa ba n dogi e laanta yoya, o dabaanii daari. Gurunseesi ba n dogi e laanta, a ni seesi ya n da. N ŋa ni wusi maa naŋgbandigiligu ba m nini sunsuuniŋi. 13A daga ba ŋma so zaa yoori. N ŋa ni wusi niŋgbaŋaa niŋi maa, m naŋgbandigiligu maa doni wara saŋa ni saŋa zaa. 14Daba zaa yoori ni bi ŋma, lala daana, ba nyisi u yi m niriba puwa, a kpali o bi pa m naŋgbandigiligu maa zu.”

15Naawunni yeli Ibrahim, “A bi daga e n lee n boona e poga yuuri Sarai, za zinaa wara, o yuuri n niŋi Saara#17.15 Saara gbinni n niŋi naaba bipuŋŋu.. 16M ni nafa u, o dogi biduu ti i, ka m loobi u balidamta ma, nadima ni yi o yaŋsi puwa.”

17Ibrahim gba, ka zulisi o zu tiŋŋa, ka laara, ka feera o sufu niŋi, “Daba n tee niŋi yuma koowa, ka dogi biya? Saara n tee dogi, jemanso o n niŋi yuma pisiwai ŋa?”

18Ŋama zaa nyaaŋa, o boosi Naawunni, “E ki ti Isimeel o niŋi m kapete dira?”

19Naawunni yeli u, “Akai, e poga Saara ni dogi biduwa, e digili o yuuri Yisaaka. M ni ti naŋgbandigiligu maa ba m ninu sunsuuniŋi, a ni o yaŋsi zaa, a wara. O niŋini naŋgbandigiligu so n ka baasigu. 20M wumi e suusigu, a yi Isimeel pelli, a zu, m ni nafa u, a ti u biisi ni yaŋdamta. Ni naagi u loobi nabiisi pii ni bayi ba, ka m naa o yaŋsi maa baligu loobi nivutintaasi 21Ama m naŋgbandigiligu maa ni pa e bii Yisaaka niŋi, so Saara n ya n dogi yumini jemanaa zu.” 22Jemanso Naawunni n togsi Ibrahim saani baasi, o gaari.

23A dindaari zaa, Ibrahim wumi n ti Naawunni, ka ŋma o bii Isimeel yoori, a ni daba zaa ni ba o laanta, a naa o gurunsi, seesi ba n dogi o laanta, a ni seesi zaa o n da. 24Ibrahim ni ŋma o yoori, ka o yuma pisiwai ni awai. 25Ka Isimeel mi niŋi yuma pii ni ata. 26O ni o ba zaa daa ŋmani ba yoya dindaluŋko. 27Daba zaa n daa n ba Ibrahim laanta daa n ŋma ba yoya, a ni o guruŋseesi ba n dogi o laanta, a ni seesi ba n da.

Currently Selected:

Piiligu 17: hag

Highlight

Copy