Malako 16

Kuyuka kua Yesu Bakuzi.

Mat. 28:1-15; Lk. 24:1-49; Yoana 20:1-23.

1Nu gatingile busi bua sabato, Malia Magadala, nu Malia, nina wa Yakobo, nu Salome, bakunzile bulago, buno bende kumubongiabo, 2Nu kumukelo nunse mu busi butangi buizinga, bavule ku nsinda gasanukile kisongo kia busi. 3Nu batendeine buabo buabo bune, Nazi watutikizie ikozi ku muingilo wa nsinda? 4Nu gabalolile, bamonine ikozi liasila kutukibua: nulio liabezaga inene nunse. 5Nu beingide mu nsinda, bamonine ku musikila abezaga ikala ku lulenge lua kuidume, abezaga avuala nsulu zenga; nu bangamine. 6Nuwe abatendile bune, Tamunangama; mukulonda Yesu muNazaleta, watakilue, ayuka: nteli gano: lolazi, kiziki kibamubikagile. 7Tondo endazi, tendazi beigisibua bage nu Petelo buno, alinga kubatanga ku Galela; kuko ukubamumoneko, anga buabatendile. 8Babasile kumbuga beitumine lubilo kutuka ku nsinda; kubuno bagilimine nu bangamine: nu tabatendile muntu wampa; kubuno bakuaga boba.

9Gayukile Yesu mu nindunindu busi butangi buizinga, alingile kumonekako na Malia Magadala, wozo watikagia basumbu mutuba kamo. 10Nu wozo endile nu asambalide babo babezaga nage; gababezaga bekulila bubibu. 11Nu gongule babano buno, eli na kalamo, nu amumonako, tabakatizizie.

12Nu kusila kua bubo amonekileko na bango bantu babili na kingo kilungi, nu babezaga bakuenda kuisoa. 13Nu babo bendile, nu basambalide bango; tondo tabakatizizie. 14Nu kusila kua bubo amonekileko na babo ikumi nomozi gabaliaga; nu abazugide kubuno ku kutakatizia kuabo nu ku bubibu bua mitima zabo, kubuno tababakatizizie babo bamumonineko gayukaga. 15Nu abatendile bune, Endazi mu kisi kinsania, musambale musagu musoga ku kibumbua na kibumbua. 16Wozo wakatizia nu kubatizibua nti onibua; tondo utakatizia nti asungibua. 17Nu tulolesio tutuno tuayangane na bakukatizia; kuizina liane batikie basumbu; batende kuingo mitendezi; 18nu bakakata ku nzoka, nu ndi bakanua buganga, tabukabeita nunse; nu bakabika maboko gantata ga basambi, nu bakona.

Yesu Esenda M uigulu.

Lk. 24:50-53; Misako 1:6-11.

19Umpanga, Mukota Yesu, kusila kua kutenda nabo, asekeidue muigulu, ekeide ku kuboko kua seidume kua Kalaga. 20Nu babo bendile, nu basambede kunsania, nu Mukota akitile nabo, nu kulikokomezia idagi lilio na tulolesio tuayangeine nalio. Amena.

Currently Selected:

Malako 16: NTKI57

Highlight

Copy