Matayo 25

Yesu Ekubula Beigisibua Bage Musumo wa Bikumi Ikumi ku Muiduko wa Oleve.

1Ububo bukota bua meigulu bualingimana na bikumi ikumi bitemenya bamulume, bakatile tusuku tuabo, bendile kukulumania musongi. 2Nu batano ku babo babezaga bikongolo nu bango batano babezaga na menge. 3Babo bikongolo, gabakatile tusuku tuabo, tondo tabendile na makiti: 4Tondo babo babezaga na menge bendile na tusuku, nu na makiti mu bituma biabo. 5Musongi eizizizie, nu bazenzelaga nu beiyombekile. 6Tondo munkatini mua kindi, mualalukilue buno, Wono u musongi, vuazi mumukulumanie. 7Babo bansania bayukile, nu bakungile tusuku tuabo. 8Babo bikongolo babuide babo babezaga na menge bune, Tukasazi ku makiti kubuno tusuku tueitu tukuzimazima, tatuli na makiti. 9Tondo babo babezaga na menge bakuide bune, Makiti tamakuka kutuli nu kumuli: endazi ku bakunzia muikunzile meinyu. 10Nu gabendile kukunza makiti musongi avule; babezaga kayikayika beingide nage mu kisagulo; nu luibi luigedue. 11Nu bobango batano bavule batendile bune, Mukota, Mukota, tuigulile. 12Tondo abakuide buno, Lebelebe nkumubula bune, Nsimuizi. 13Kesiazi ntende, kubuno tamuizi kindi aba nkungu.

Yesu Ekubula Beigisibua Bage Musumo wa Falanga ku Muiduko wa Oleve.

14Kubuno bualingimana na muntu, wendile ku kingo kisi, nu amanine bakambi bage, nu abakasile biage. 15Akasile umozi talanta#25:15 Iyuki lilino bune, Talanta zili falanga zatinga bukunza bunene, zili za bantu ba wakalazi. itano, ungo talanta ibili, ungo talanta imozi, na muntu na muntu gegezie menge mage; nu endile ku lugendo. 16Kazanga kongo wozo wakasilue talanta itano, amonine mutali weingo talanta itano. 17Bubo wabezaga na talanta ibili amonine mutali weingo talanta ibili. 18Tondo wabezaga na talanta imozi endile, nu ombile itengu mu bilongo, abisile talanta za mukota wage. 19Gasilile bindi bingi, mukota wa babo bakambi avule, aganzile nabo biage. 20Nu wozo wakasilue talanta itano avule, atolile ingo talanta itano, atendile bune, Mukota, wankasile talanta itano, Iola namona mutali weingo itano. 21Mukota wage amubuide bune, Wakita busoga, uwe mukambi musoga nu mukatizia: wakatizizie ku bitebingi, nkakubika muangati wa bingi; ingila mu mbogimbogi za mukota wobe. 22Nu wozo ungo wakasilue talanta ibili avule, nu atendile bune, Mukota wankasile talanta ibili lola namona mutali weingo ibili. 23Mukota wage amubuide bune, Wakita busoga, uwe mukambi musoga nu mukatizia, wakatizizie ku bitebingi, nkakubika muangati wa bingi, ingila mu mbogimbogi za mukota wobe. 24Nu wozo wakasilue talanta imozi avule, atendile bune, Mukota, namenyine buno uli muntu mukali, ukutubulaga biutayikile, nu ukukundamanagia biutabalanganizie; 25nu nakule boba, nu nendile kubisa talanta zobe mu bilongo: lola, zeno u talanta zobe. 26Tondo mukota wage amuakuide bune, Uli mukambi mubi nu musosu, wizi buno nkutubulaga bintayikile, nu nkukundamanagia bintabalanganizie; 27songo wabikile bikulo biane ku babo beli neisuku lia kulanga bikulo, nu gakusubia kuane, ninakasilue zane na mutali. 28Munyagazi talanta, nu mukasezo ku wozo uli na talanta ikumi. 29Kubuno wozo uli na kena akakasua, nu kutalikilua; tondo uteli na kena aba kako keli nako akakanyagua. 30Nu mukambi mubi muisazi mu kapilo kumbuga; ukukaba idilo nu kubuga meinyo.

Yesu Ekubula Beigisibua Bage Kindi kia Kuzinda ku Muiduko wa Oleve.

Yoele 3:11-16.

31Tondo gakavua Muana wa muntu mu lutanuno luage nu na migenzi insania, bubo akikala ga kisumbi kia lutanuno luage: 32nu baBilongo bansania bakakundamana kueli akalongania anga bukulonganagia mulangi mikoko nu mpene; 33nu akabika mikoko ku kuboko kua seidume, nu mpene ku kuboko kua seikazi. 34Bubo, Mukota akabula beli ku kuboko kua seidume bune, Vuazi, Inyue, basuagizibue na Tatane, mupiene bukota bubamulongekede kutukila ku kulinga kua kisi: 35kubuno nabezaga na nzala, muankasile idia; nabezaga na mpusia, muankasile mazi; nabezaga mugeni muansekeide; 36nabezaga na buela, muamvualikizie; nabezaga musambi, muavule kundola; nabezaga mu kikando, muambuilide. 37Nu beisanana bakamuakula bune, Mukota, busi bukizi butuakumueneko uli na nzala, nu kinga tuakukasa idia? Nu mpusia, kinga tuakukasa mazi? 38Nu busi bukizi butuakumueneko uli mugeni, kinga tuakusekela? Nu buela, kinga tuakuvualikia? 39Busi bukizi butuakumueneko uli musambi, aba mu kikando, kinga tuakuvuila? 40Nu Mukota akabakula bune, Lebelebe, nkumubula bune, Bunsania bumuakitide umozi wa ku zeno mibuto zane mikeke, muankitide. 41Nu abuide lingo babo beli ku kuboko kua seikazi bune, Ntukilazi, muasuilidue, muingile mu keiya katanakuzinda kakongezezibue Satana nu migenzi zage: 42kubuno nabezaga na nzala, tamuankasile idia; nabezaga na mpusia tamuankasile mazi; 43nabezaga mugeni, tamuansekeide; nabezaga na buela, tamuanvualikizie; nabezaga musambi, nu mu kikando, tamuavule kundola. 44Nubo lingo bakamuakula bune, Mukota, busi bukizi butuakumueneko uli na nzala, nu mpusia, nu mugeni, nu buela, nu lusambo, nu mu kikando, nu tatuakukungile? 45Nuwe akababula buno, Lebelebe nkumubula bune, Kubuno tamuakitide umozi wa ku zeno mibuto zane mikeke, tamuankitide. 46Nu bantu babano bakenda mu lubabazio lutanakuzinda: tondo beisanana bakenda mu kalamo katanakuzinda.

Currently Selected:

Matayo 25: NTKI57

Highlight

Copy