Matayo 24

Gabezaga Yesu ku Muiduko wa Oleve, Alenganizie Kugoa kua Numba za Kukumbamina.

Mk. 13:1, 2; Lk. 21:5-6.

1Nu Yesu atukile mu numba za kukumbamina, nu endile mu nzila; beigisibua bage bamuvuilide kumulolesia numba insania za kukumbamina. 2Tondo ababuide bune, Ndi tamukumona ku binsania bibino? Lebelebe nkumubula bune, Tabakasiga ikozi limozi gantata ga lingo, litakabungulua.

Beigisibua Bakubuzia Yesu Mbuzio Isatu ga Muiduko wa Oleue.

Mk. 13:3, 4; Lk. 21:7.

3Nu geikede ga muiduko wa Oleve, beigisibua bamuvuilide kulumbisombiso, bamubuzizie bune, Tubule, buni bukaba bitondo bibino? nu kalolesio kakizi kakamonekako kukuvua kobe, nu kuzinda kua nkiko?

Yesu Ekubula Beigisibua Bage Bitondo bia Nkiko Zeno ku Muiduko wa Oleve.

Mk. 13:5-13; Lk. 21:8-19.

4Yesu abakuide bune, Idangazi muntu ntamuengelele. 5Kubuno beingi bakavua muizina liane, bakatenda bune, Nne nili Klisto; nu bakengelela bantu beingi. 6Mukongua ku bita, nu misagu za bita; tamuzangezange; kubuno bitondo bibio biatunganana kuvua; tondo kuzinda takuika, 7Kilongo kikaluana na kingo kilongo, nu bukota bukaluana na bungo bukota, kukaba munganda nu tulingini ku lulenge na lulenge. 8Tondo binsania bibino bili bia kulinga kua lubabazio. 9Bakamugabula buno mubabazibue, nu bamuite: nuinyue mukasombua na baBilongo bansania ku kabamba keizina liane. 10Nu beingi bakikuka, nu bakagabulana, nu bakasombana. 11Nu balengania beingi ba buza bakavua, nu bakengelela beingi. 12Nu kukuitila kua mibi lutundo lua beingi lukatamba. 13Tondo wozo widindika aba nu kukuzinda, nti ukonibua. 14Nu musagu musoga wa bukota ukasambalua ku bansania ba kisi kinsania, kuba bulongeki bua baBilongo bansania; nu nti kuzinda kukavua.

Gabezaga Yesu ku Muiduku wa Oleve, Abuide Beigisibua Bage Kabebe Kanene Kako Katendagua na Mulengania Danyele.

Mk. 13:14-23.

15Umpanga gamukamona lusombo lua kubiga, lulo luatendagua na mulengania Danyele, luemana mu kiziki kiasuagibua (wozo ukusomaga bubuno amenyininebo),#Danyele 9:27. 16babo beli mu Yudaya batine ku muiduko: 17nu wozo ukasangua gantata numba ntagele kutikia bili mu numba zage: 18nu wozo ukasangua muisoa ntasubanie kutola nsulu zage. 19Kabebe kanene ku beimisu nu bekumomia mu busi bubo! 20Nu musege buno, kutina kueinyu takube mu bindi bia mpego, aba mu busi bua sabato: 21kubuno kukavua lubabazio lunene, lutebezaga lingo kutukila ku kulinga kua kisi aba nu kano kaluma, aba talukaba lingo. 22Nu songo bindi bibio tabiakegizibue, takunonine muntu wampa; tondo ku kabamba ka basombolua ukiansile bindi bibio biakegibuako. 23Ndi muntu amubula buno, Lolazi, Klisto eli gano, aba kuko; tamumukatizie. 24Kubuno kukavua bango baKlisto ba buza, nu balengania ba buza, nu bakalolesia migeleko minene nu maganogano; nu kuengelela, nu bakageleka kuengelela basombolua, tondo tabukakulungana. 25Unguililazi, nasila kumutonda. 26Ndi bamubula bune, Unguililazi, eli mu kalula; tamuendeko; aba bune, Eli mu tuzumba tua bisama; tamukatizie.

Yesu Ekubula Beigisibua Bage ku Muiduko wa Oleve: Kusubia Kuage kua Mabili.

Mk. 13:24-37; Lk. 21:25-36.

27Anga bukukelimaga mukenzi wa nkuba kuntata, nu kumonekako kunsi; ububo bukaba kuvua kua Muana wa muntu. 28Gago geli kitumba, nti ugakundamanine ndiu.

29Nu kazanga kongo gakasila lubabazio lua bindi bibio kisongo kia busi kikaba kapilo, nu muezi tagukasana, nu nkeninkeni zikakoloka muigulu, nu magala ma meigulu makatengatenga: 30nu kakengelezio ka Muana wa muntu kakamoneka muigulu: nu babilongo bansania ba kisi bakalila, nu bakamona ku Muana wa muntu ekuvua mu bimpa bigulu mu magala mage nu lutanuno luage lunene. 31Nu akasinga migenzi zage, neiyuki inene lia monze, nu bakakundamania basombolua bage ku ndenge inazi, kutukila kuzinda kueigulu aba nu kuko kungo.

Yesu Ekubula Beigisibua Bage Musumo wa Figi ku Muiduko wa Oleve.

Mk. 13:28-29; Lk. 21:29-31.

32Muiyigisie musumo wa muti wa figi: gakutitulaga ntabi, nu nti zise zalinga kuasa ingo nsamba, nti muamenya buno nkungu za nzogo zise buigi; 33bubo nuinyue lingo, gamukamona ku bubuno bunsania, mumenye buno, eseli buigi, nu nti eseimine ku nibi. 34Lebelebe nkumubula bune, Bantu ba kibuti kikio takikatinga, aba nu gakasila bubo bunsania. 35Igulu nu kisi bikatinga, tondo malagi mane tamakatinga nunse. 36Tondo ku busi bubo aba nkungu zezo, takuli muntu umozi wizi aba migenzi za muigulu tazizi, aba Muana ndi nteli gamozi neIsi. 37Nu anga buabezaga mu bindi bia Noa, ubukaba kuvua kua Muana wa muntu. 38Mu bindi bibio, bitalokaga mbula, bantu baliaga, nu banuaga, nu basongaga, nu basonganaga, aba nu geingide Noa mu buato bunene, 39tabamenyinine aba nu gavule muiyalo, bakule na mazi, ubukaba kuvua kua Muana wa muntu. 40Mu kindi kikio, bamulume babili bakaba muisoa; umozi akatolua, nu ungo akasigala: 41bakikulu babili basangua bakututa mu kilunga, umozi akatolua, nu ungo akasigala. 42Kesiazi ntende: kubuno tamuizi busi buavue Mukota weinyu. 43Tondo menyazi buno; songo nyene numba anamenyaga nkungu zavue muibi, anakesezie ntende, nu ntanalekelede numba zage kusambulua. 44Bubo nuinyue mube kayikayika; kubuno Muana wa muntu akavua mu nkungu zimutakukengela.

45Nazi mukambi mukatizia nu uli na menge, ndi mukota wage amubikile muangati wa numba zage, buno abeganie idia mu nkungu zasuaga? 46Mbogimbogi ku wozo mukambi, mu kusubania kua mukota wage akamusanga ekukita bubo. 47Lebelebe, nkumubula bune, Akamubika muangati wa biage binsania. 48Tondo songo wozo mukambi mubi akengede mu mutima wage bune, mukota wane eizizia; 49nu kulinga kulibula banyage, nu kulia nu kunua na banuzi; 50mukota wa wozo mukambi akavua mu busi buatakukengela, nu nkungu zatakumenya, 51nuwe akamusesa bindi bibili, nu kumubika na bengelezi: nu kukaba idilo nu kubuga meinyo.

Currently Selected:

Matayo 24: NTKI57

Highlight

Copy