Baefeso 6

Kitondo kia Bana nu Babuti Babo.

1Bana, anzazi bamubuta mu Mukota: kubuno bubuno buli bulili. 2Kutia so nu nyoko (ukukakizia kutangi kuli neidagano), 3buno mube na mbogimbogi, nu mulame bindi bingi mu kisi: 4nu, inyue beisibo, tamulingie bana beinyu, tondo mubakuzie mu meigisia nu kuiyano lia Mukota.

Kitondo kia Bakota nu Bakambi Babo.

5Bakambi, anzazi bakota beinyu mu bitondo binsania, bakuazi boba nu giliminazi na mutima umozi, anga bumukuanza Klisto; 6ta kukita tugu umpanga kungua beligo, anga bekutananizia bantu; tondo anga bakambi ba Klisto, bekukita kusombola kua Kalaga na mutima umozi; 7kambazi na mutima umozi anga bekukambila Mukota, nu ta ku bantu: 8menyazi buno muntu na muntu, ndi mukobe, ndi mukandulua, akakasuakio kiakitilaga kua Mukota. 9Nu, inyue bakota, bakitilazi anga bubekumukitila, tamubazugile: mumenye buno Mukota wabo nu weinyu eli muigulu, nu kuage takuli kukutibua kua bantu.

Binsania bia Bita bia baEkelezia.

10Nu bubo, lindazi mu Mukota, nu mu magala ma mpumba zage. 11Zualazi binsania bia bita bia Kalaga, buno mulinde ku buenge bua Liabo u Satana. 12Kubuno kuluana kueitu takuli ku bumba bua buagi nu mibili za bantu, tondo ku bukota, nu buangato, ku bangati ba kapilo ka kisi kikino, kuiyombo lia basumbu beli mu biziki bia mpelela. 13Ku bubuno zualazi binsania bia bita bia Kalaga, buno muisungile mu nkungu za kulindikua, nu ku kusilizia binsania, nti mualinda. 14Umpanga lindazi, muikande bulili ku bibunda bieinyu, nu kuzuala kuisanana ku bukuba, 15nu sosazi magulu meinyu mu bisalapata buno mube kayikayika ku musagu musoga wa bubobelelo; 16mu bitondo binsania tolazi ngabo za bukatizio, buno muzimie misungu insania zili na keiya za wozo mubi. 17Zualazi nkumbu za lonio, nu bupanga bua Muuza, u idagi lia Kalaga: 18segazi na komanizia mu Muuza bindi binsania, nu kesiazi ntende ku kusegela basuagibua bansania, 19nsegelazi nunne, buno ntende na luatu, nu nisambale kakungu ka musagu musoga, 20kugo nili mu makoki tondo nili musingua; mumo nkugusambala ku magala mu lukita luantunganana kusambala.

Paolo Ekubasingila Tukiko; nu Ekubasambizia.

21Tondo muamenye misagu za bundi, kungua mubuto weitu Tukiko abasa kuko wozo gutuatunda, nu mukiti mu Mukota, nu mukatizia: 22unamusingide, buno mungue ku misagu zeitu, nuwe abobelezie mitima zeinyu.

23Bubobelelo, nu lutundo, nu bukatizio, bikutukaga ku Kalaga Isi wa Mukota Yesu Klisto bibe ku mibuto zane. 24Mponga zibe ku babo bansania bekuelama Mukota weitu Yesu Klisto na kielamo kitanakusila.

Currently Selected:

Baefeso 6: NTKI57

Highlight

Copy