Baefeso 3
3
Kalaga Engizizie Paolo mu Mulimo wa Kusambala ku Musagu Wabezaga Wabisua.
1Kubuno ku kabamba kakano nne Paolo, mukandua wa Yesu Klisto ku kabamba keinyu inyue baBilongo, 2ndi mungule musagu wa nkiko za mponga za Kalaga gunakasilue ku kabamba keinyu; 3nu buno, ku kulolesibua namenesezibue kakungu kako anga bunalingile kusanza mu moki mamozi, 4kumamo mamukusoma muamenyinine bumenyinino buane mu kakungu ka Klisto; 5katamenesezibue wakalazi muingo nkiko ku bantu, anga kano kaluma bualolesizibue ku basingua bage basuagibua, nu balengania mu Muuza; 6buno baBilongo, bapiene neisue, nu tube mubili umozi, nu babe neisue muidagano liage lili mu Klisto Yesu mu musagu musoga.
7Kugo nabikilue mukiti, ku kukasua lukaso lua mponga za Kalaga zinakitilue ku magala mage. 8Tondo nne, nili mukeke kutinga wozo uli mukeke wa ku basuagibua bansania, nakitilue mponga buno, nisambalile baBilongo bugumi bua Klisto butanalindikua; 9ku kumenesia bantu bansania buno bamenye nkiko nkizi za kakungu kako, uko kutukila kulinga kabisilue mu Kalaga, wabumbile binsania; 10bubuno, kano kaluma mu ekelezia, menge ma Kalaga meli ma nkita ningi mamenyininue na makota nu buangato bua meigulu. 11Kulongeka kutanakuzinda kualongekile mu Klisto Yesu Mukota weitu: 12ku bukatizio mueli tuli na kilemanizio kukunda Kalaga. 13Nkumusengezia buno tamutambe ku mbabazio zinkumubabalilua, zili lutanuno lueinyu.
Paolo Ekusegela baEfeso ku Kalaga.
14Ku bitondo bibino nakoma mazu mane ku Tatane, 15kuizina liage na kikanga na kikanga muigulu nu mu kisi kikumanua, 16amukase anga bubo buli bugumi bua lutanuno luage, mube na magala mu Muuza wage mu makengelo; 17buno Klisto ikale mu mitima zeinyu ku bukatizio; buno mulinde mu lutundo, 18mumenyinine bumozi na basuagibua bansania buni buli bungulu nu bulazi nu kusakama nu buzindu, 19nu kumenyinina lutundo lua Klisto buno luatinga bumenyinino bunsania, buno mukuke ku kukuka kunsania kua Kalaga.
20Umpanga aganunue we ukuvuama kuitila kukita nunse kutinga binsania bitukusega aba bitukukengela, anga buli magala makukitaga mutuli, 21bubo aganunua mu ekelezia nu mu Klisto Yesu aba nu bibuti binsania ku nkiko na nkiko. Amena.
Currently Selected:
Baefeso 3: NTKI57
Highlight
Share
Copy
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
