Misako 3

1Petelo na Yoana babezaga bekuenda ku numba nnene za kukumbamina, nkungu za kusega, ku nkungu mubula. 2Nu wozo muntu wabutilue kitunga, bamuekaga busi na busi kumubika ku luibi lua numba nnene za kukumbamina, luamanagua buno, Lusoga, asege bikulo kubabo bengilaga mu numba zezo. 3Nu wono amonine ku Petelo nu Yoana, gabengilaga mu numba nnene za kukumbamina, asegile buno bamukase lukaso. 4Tondo Petelo nu Yoana bamulolile Petelo atendile bune, Tulole, 5Abalolile, akengede buno, bekumukasa kena, 6Tondo Petelo atendile bune, Nsili na feza nu olo; tondo kinili nakio, ukinkukukasa, muizina lia Yesu Klisto wa Nazaleta, emanuka nu utabange. 7Nu amukatile ku kuboko kuaseidume, nu amuzanzuide: kazanga kongo magulu mage nu ngologoso za magulu zalindile. 8Nu asasizie kuemanuka, nu atabangile eingide nabo mu numbannene zakukumbamina, eitolokile nu aganuine Kalaga. 9Nu bantu bansania bamumonineko ekuenda nu ekuganuna Kalaga: 10nu bamumenyine buno uwozo ukuikalaga ku Luibi Lusoga lua numba nnene za kukumbamina buno akasue lukaso; bangamine nu baganineganine ku bubo bubamonine kubo.

Petelo Ekubula Bantu bua Yesu.

11Nu gakatile Petelo nu Yoana, bantu bansania basasizie kubakonganina mu lusu luamanagua buno, lua Solomo, bangamine nunse. 12Nu gamonine Petelo ku bubo, abuide bantu bune, Inyue bantu baIsalele, kubuni mukuangama na bubuno? nu mukutulola, anga ku magala meitu tubenyene, aba ku bulili bueitu tubenyene, ubuatabangia wono? 13Kalaga wa Abalahama, nu wa Isaka, nu wa Yakobo, Kalaga wa batateisue, aganuine Mukambi wage, Yesu; umuagabuide, nu muamutunine kua Pilato, gatundaga kumumenka. 14Tondo nuinyue muatunine wozo Wasililila, nu wozo Wisanana, muasegile mukasue muiti, 15nu muitile Mukota wa kalamo, wayukizibue na Kalaga ku bakuzi; mueli tuli balongeki balio. 16Nu ku bukatizio muizina liage, izina liage lialindia muntu wono ukumumonako, nu ukumumenya; nu bukatizio buli kueli, buamukasile magala mamano kumuli inyue bansania. 17Nu kano kaluma mibuto zane, nizi buno, ku bukongolo ukinsa muakitile bubo anga buakitile bangati beinyu. 18Tondo misako zeno ugasambalaga Kalaga wakalazi mu tunua tua balengania bage bansania buno, Klisto wage akababazibua, nu azindilizizie bubo. 19Iyaniazi, nu mugaluke, bubo misako za buagi bueinyu zitikibue, bubo gakakuka nkungu za kumuna zikatuka kua Mukota; 20nu buno amusingile Klisto gumuabikidue, u Yesu; 21watunganene kusekelua muigulu aba nu nkungu za kukulumizibua kua binsania, biatendile Kalaga ku tunua tua balengania basililila bage bakalazi. 22Kubuno Mose atendile lebelebe bune, Mukota Kalaga akamusakikila mulengania kutuka ku mibuto zeinyu, anga bundi; mukonguilila ku binsania biakamutenda. 23Nu kukaba buno, na muntu na muntu utonguilila wozo mulengania, nti akazimina bulazi na bantu.#Dutelenome 18:15, 19. 24Nu balengania bansania kutukila ku Samuele nu babo bamukatikania, bansania basambalaga misagu za bindi bibino. 25Nuinyue muli bana ba balengania, nu beidagano lialagene Kalaga na basoinyue, abuide Abalahama bune, Mu kikanga kiobe babilongo bansania bakakitua mponga. 26Kalaga, asilile kuyukia Mukambi wage, alingile kumusingilawe, buno amukite mponga, kugalukia muntu na muntu ku misako za buagi buage.

Currently Selected:

Misako 3: NTKI57

Highlight

Copy