Matayo 8
8
1AKI’ND’OKITELAKA lima ngongo, banyenga b’ant’auke baolokima. 2Ko bala, bonto oki la nkangi e’aeka aoy’okusam’el’ende, akela, Nkolo, ayak’olanga ngoko, ompetoleya. 3Ko Yesu aosembola likata likande, aolofomwa, akela, Ndanga, fetswaka. Nkakoyoko aofetswa lima nkangi ekande e’aeka. 4Yesu aolokela, Bala, tosangelake bont’omoko; lolo kenda mboka ekawe, eneya nkanga jonge like, ko lekya nganji#8.4 Mpoji. eki Mose osiselaka nga lotaza el’iyo.
5Aki’nd’omotswaka Kapalanauma capitaine emo aoy’el’ende, ko aoloonda, 6akela, Nkolo, bosali’okami aokalema nd’ola la nkangi ea nkataana, ea eefe mongo. 7Yesu aolokela, Njifoy’oikya. 8Capitaine aolokela, Nkolo, emi mpeji wete w’otswa nd’ilombe ikami, lolonde tefela joi kika, ko bosali’okami ifoikyama. 9El’emi nde bonto, ondilami nda mpifo, ko nde la soldats bale nda mpifo ekami: nkel’one, Kenda, ko aocwa; ko nkel’onkina, Yaka, ko aoya; ko nkela bokwala’okami, Kela ngone, ko aokela. 10Aki Yesu ookaka, aokamwa, ko aokel’iyo bandokimaki, Nsosolo, nsangel’inyo, ncifena imeezo nda Yisalaele endekol’ene nye. 11Koko nsangel’inyo, bant’auke bifoya lima Est la Ouest, ko bifokit’ase l’Abalayama la Yisaka la Yakoba nda likulaka ja loola, 12lolo bana ba likulaka bifusama nda wilima nd’anza; lilelo ja mpisali la nkesanya e’aino ifoyal’eko. 13Koko Yesu aokela capitaine, Kenda mboka ekawe, joi likelam’ele we ngoki w’imezaka. Ko bosali’okae aikyama nda heure eko.
14Aki Yesu ootswa nd’ilombe ya Petelo, aolena nyango ea waji owa Petelo wae aoletama la nkangi e’angala. 15Ko aofomwa likata likande, ko nkangi e’angala eolocika, ko ende aoetswa, ko aolosaela. 16Koko aki bokolo okite, baoloyela bant’auke baki la bademona; ko aoloza bademona la joi ja ntefela, ko aoikya iy’auma bandokaki nkangi; 17wete joi liki Yesaya owa boteli otelaka jiele, aokela, Ende mongo aokola tongoi tokiso, ko aotomba nkangi ikiso.
18Aki Yesu oene bitukuluku bi’anto baotakana el’ende, aokela wae bafende lieke. 19Ko bokoci’omo aoy’okel’ende, Bolaki, njifokokima wiji nko loswele bocwa we. 20Yesu aolokela, Bemanga bele la nkole ikiyo, ko tofulu t’aliko tole la baumbu; lolonde Bona ow’onto afoate itenela indamby’ende botsa’okande. 21Ko bokimi’omo aolokela, Nkolo, kela nkende wae nkund’ise ekami nda joso. 22Lolo Yesu aolokela, Onkime, kela bawei bakunde bawei bakiyo mongo.
23Aki’nd’okondel’a wato, bakimi’akande baolokima nk’eko. 24Ko bala, bompompo w’onene bokumba nda lieke, ko wato bokukama l’asi ba lieke: lolo ende aoletama l’ais’ilo. 25Ko bakimi’akande baoy’oetola, bakela, Nkolo, otoikya, towa! 26Aolakela, Iny’ale l’imeezo nk’isisi, lok’ofolu lae? Nkako aoetswa, ko aosasa bempompo la basi ba lieke; lim’ako basi baosilama sila. 27Lolo bant’ako baokamwa, bakela, Elenge ea bont’one na? bempompo la basi ba lieke boimez’ende!
28Aki’nd’ofendaka wij’a lieke, aokita nd’ese ea Ba-Ngadala, bant’afe baki la bademona baokumana l’ende, baoya lima beomba, baki la wale mongo, nk’onto olekeya nda mboka eko. 29Ko bala, baobeleza, bakela, Iso la we, Yesu Bona owa Nzakomba, tole mo? Oy’otosisoza etaf’ekeke okita nde? 30Botonga wa nsombo w’onene boki eko nd’esi, iola toma. 31Ko bademona baoloonda, baokela, Nkina otoza, ototome nd’otonga wa nsombo. 32Ende aolakela, Lonco. Ko baolola, baolotswa nda nsombo: ko bala, botonga wa nsombo bouma bokitela ngongo la loangu, bokwela lieke, ko nsombo iowa nd’asi. 33Iy’akayaki nsombo toma baolota, ko baocwa mboka ikiyo nd’onanga osanga baoyi’auma, ko la joi likelamaki el’anto baki la bademona. 34Ko bala, bonang’ouma baolola, ko baokumana la Yesu: ko ak’iy’oene, baoloonda wae ende iman’ese ekiyo.
Currently Selected:
Matayo 8: NTMN58
Highlight
Share
Copy
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.